كوبونات الراقية تسجيل الدخول

kokar_2001
kokar_2001 •
مساء الخير ياب بنات


شيمولانا حبيبتى
انا قريت فى كتاب ان ممكن تحملى من اى مبيض بالانبوب المفتوحى يعنى مش لازم تحملى من المبيض اللى جنب الانبوبة المفتوحة

و بعدين يا ست البنات اذا عملتى حقن مجهرى او اطفال انابيب مش حتحتاجى الانابيب دى فى اى حاجة
بصى عشان الدنيا متاخدكيش فى انتظار مالوش معنى
اعملى لنفسك ديد لاين ذى ما تحبى يكون اد ايه و بعد كدة اتجهى على طول للحقن المجهرى عشان الوقت ميجريش بيكى
و مين عارفة ربنا ممكن يكرمك الشهر دا اصلا و باذن الله تفرحى بالبيبى بتاعك
و ليا سؤال انتى لما عملتى الاشعة بتاعة الصبغة كنت مخدرة ولا صاحية
عشان انا بسمع ان ممكن من القلق و شدة الاعصاب تكون الانابيب كويسة و تنقفل من التنشنة بتاعة القلق
دا مجرد اقتراح

اما عن التكيس انا معرفش عنو حاجة بس اسمع ان ساعات بنات بياخدو حبوب منع الحمل عشان يضيعوه و اسمع برضو انهم بياخدو منشطات و يتجاهلوه
فانا بصراحة مش عارفة الاحسن ايه بس اكيد دكتورتك عارفة كويس


باقى البنات تقبلو تحاتى
رمـــــال
رمـــــال •
شيمولاتا شيمولاتا :
رمال واشتقت اليك وام انس جزاكن الله خيرا على ردكم عليا وهقولكم حالتى دلوقت بالتفصيل اولا التكيس من سنتين بتعالج منه ولسه زى ماهو مبيروحش لانى حاولت كتير اخفض وزنى لكن برجع اتخن تانى وعندى وزن زايد دلوقت 11 كيلو بالنسبة للاكياس الدهنية معرفش عللاجها ايه بالنسبة للانبوب المقفقول الدكتورة هنا قالتلى انه مفيهوش أمل خالص لانها ودتنى لاستشارية عملت صبغة لكن بدل ماتحقن صبغه حقنت دوا فى الانبوب يسلكها ويفتحها وكانت النتيجه بردو مقفول تماما انا قلت للدكتورة اما انزل مصر اعمل منظار بطن ؟ قالتلى لأ لانها خايفه من المنظار يقفل الانبوب السليم او يعمل التصاقات ونبقى خسرنا الاتنين انا مشكلتى انى معنديش خبرة وفى الحاجات دى ازاى اعرف اسباب قفل الانبوب ياريت تفيدونى ارجوكم دلوقت تقريرى الاخير تكيس مبايض وبتعالج من سنتين وانبوب مقفول تماما وانبوب طبيعى واكياس دهنية عالمبيض وبدأت السنة التالته جواز ومحصلش حمل ولا مرة وتحاليل جوزى الحمد لله سليمه ياريت تفيدونى
رمال واشتقت اليك وام انس جزاكن الله خيرا على ردكم عليا وهقولكم حالتى دلوقت بالتفصيل اولا التكيس...
بصى يا شيمولاتا يا حبيبتى عايزين نركز كده علشان نعرف نعمل ايه
واضح جدا بالنسبة لى ان الدكتورة بتاعتك دى مش شاطرة وده واضح من حاجتين مهمين جدا جدا وواضحين زى الشمس
اولهم
انها قالت لك المنظار هيعمل التصاقات.. ده كلام مش مظبوط المنظار عمرة ما يعمل ابدا انسداد فى الانابيب وده كلام قلناه هنا فى الملف كذا مرة ... المنظار مش بيسبب اى مشاكل ابدا فى الانابيب ولا التصاقات وناس كتير عملته وماحصلهاش حاجه وبيكون ده خطوة من خطوات العلاج لحالتهم ... ولو كان زى ما الدكتورة بتقول مكانش حد فى الدنيا عمله ابدا يا حبيبتى ومكانش بقى فى دكاترة متخصصين فى جراحة المناظير زى دكتور عادل .. ياريت تعملى سيرش فى النت وانتى تتأكدى من الكلام ده ..

الحاجه التانيه يا حبيبتى واللى قلتهالك فى المشاركة اللى فاتت ..
ازاى تديكى تنشيط وانتى مريضه تكيس .. ده خطر جدا عليكى .. اوعى تاخدى اى تنشيط يا شيمولاتا لان انتى مش علاجك التنشيط بالعكس هيتسبب لك فى مشكله كبيرة .. وياما شفنا ناس عندهم تكيس واخدوا تنشيط زايد وحصل لهم نزيف ومشاكل لاقدر الله انتى فى غنى عنها وكله بسبب انهم بياخدوا تنشيط وهمه عندهم تكيس..
وعلاج التكيس زى ما كل البنات عارفين يتلخص فى ان انتى لازم تخسى يا حبيبتى ده اول خطوة
والتانيه انك تاخدى علاج الميتفورمين كعلاج للتكيس وهمه دول الحاجتين اللى التكيس بيتعالج بيهم انما تقولى لى تنشيط .. تبقى دكتورتك دى هتضيعك .. وياريت البنات مريضات التكيس يوضحوا لك الموضوع اكتر يا حبيبتى لانهم مريضات تكيس زيك بالظبط ..

وبصى بقه نصيحه منى طالما انتى مش عارفه حاجه عن المواضيع دى .. يبقى ما تمشيش ورا كلام الدكتورة وخلاص وانتى مش فاهمه .. وتبدأى تقرى كويس فى النت زى الشاطرة كده وتعملى بحث عن تكيس المبايض لان مينفعش تفضلى مش عارفه حاجه عن مرضك يا قلبى .. مش قلنا مليون مرة اننا ما ناخدش بكلام الدكاترة كأنه امر مسلم به الا لو اتأكدنا من كلامهم الاول ..

وبصى كمان انا دلوقتى رأيى انك لو هتنزلى مصر قريب يبقى تصبرى وعقبال ما تنزلى مصر تعملى حاجتين

1 - حاولى تخسسى نفسك لان كل كيلو بتنزليه بيكون خطوة كبيرة جدا فى علاجك ومع كل كيلو ممكن تحملى حتى مع الانبوب المسدود.. ولما تنزلى مصر تشوفى دكتور كويس يا حبيبتى تروحى له علشان تعرفى تعالجى الاكياس الدهنيه وتاخدى علاج للتكيس وتشوفى قصه الانبوب المسدود .. وتسيبك من الدكتورة دى لان كلامها مش مظبوط

2 - انك تبعتى لدكتور عادل ايميل بحالتك وتشوفى رأية ايه فى الكلام ده وياريت حد من اللى بيراسلوة يبعتوا لك ايميله .. لو كان معايا والله كنت بعتته لك على طول .. لان تخصصه جراحه مناظير زى ما قلت لك فا هيفيدك جدا جدا .. بالاضافه الى انك تتاكدى منه مؤقتا ان كانت الدكتورة دى كلامها مظبوط ولا لا .. وتعرفى منه كل حاجه عن مشكلتك لان ده هيطمنك كتيييييير اوى علشان واضح ان الدنيا مكركبة على دماغك .. مع ان كل ده حاجات بسيطة بأمر الله وتتحل بسهوله جدا
بأمر الله
رمـــــال
رمـــــال •
كوكر يا حبيبتى ازيك عاملة ايه .. يارب تكونى بخير والواد كمبة بخير هو كمان .. ربنا يطمننا عليكوا
شيمولاتا
شيمولاتا •
شكرا جدا يا كوكر ويا رمال على ردكم عليا بس انا اتعالجت قبل كده بجلوكوفاج 6 شهور علشان التكيس مع دكتورة قبل دى بس لما بدات رحلة علاج جديدة رحت للدكتورة دى وان شاء الله كده وصلت معاها للنهايه وهصبر اما انزل مصر واشوف بس رأيكم ايه احسن اعمل منظار ولا اتوكل على الله واجيب من الاخر وابدأ فى الحقن المجهرى انا محتارة بالذات انى عندى 27 سنة وخايفه السنين تجرى وفرص تقل
أخبار نيفو ايه ؟ مش بتدخل ليه ؟ طمنونى
اشتقت اليك
اشتقت اليك •
صباحكم عسل يا قمرات.....يلا بقى قوموا وورونى الهمة و النشاط....و أحب أطمنكم إن الحمد لله الحكاية بتاعتى انتهت بكل خير....و ليس لها أي توابع.....ربنا يسترها معاكم جميعا زي ما سترها معايا...اللهم لك الحمد كما ينبغى لجلال وجهك و عظيم سلطانك......

شيمولاتا....واضح يا حبيبتى إنك مشوشة....اهدي شوية وركزي....وقبل كل شئ استخيري ثم استخيري ثم استخيري...وبعدين أنا على حد علمى عن التكيس إنك المفروض تستمري على الميتفورمين لح ما يحصل حمل ....وكمان يكون عندك عزيمة من حديد نك تفقدي الوزن...انتى أصلا شكلك رحتى اسنخبيتى فى الثلاجة أول ما بدأنا فى الدايت....و متشغليش بالك بالأنبوب المقفول....لكن اللى المفروض تفكري فيه و تقري عنه كتير هى الأكياس الدهنية ديه و ايه وسائل علاجها و هل بتمنع الحمل و لا لأ...و تحاولى تظبطى الأمور ديه ...ومفيش مانع فى سبيل ذلك إنك تضحى بستة أشهر و إن شاء الله ربنا يكرم فيهم....و بعد كده نبقى نفكر فى الحقن و اعمليات ديه....و إن شاء الله يا حبيبتى أنتى عمرك لسه قدامك....ربنا يهديكى للى فيه الخير...