Neevooo :

انا هنا يا حبيبة قلبي و يا يت البنات يسامحوني ان اول مشاركة لي بعد ما رجعت تكون ليكي لأني حسيت بالقلق اللي انت فيه و ياما مريت بحاجات مشابهة ليه شوفي يا حبيبي واضح انك مش قريتي اللي فات عشان كدة مش تعرفي انا فين انا يا قلبي لسة راجعة من العمرة و كنت في التليين هههههههه بالنوسبة للموضوع بتاعك فانا مش عندي اي كلام ممكن اقوله بعد كلام رمال و كوكر جزاهم الله كل خير و تمم حملهم على خير يا رب و فعلا مريضة التكيسات المنشطات بتضرها جدا جدا جدا و دة اللي حصل معايا و كنت بعد الشر عنك في نزيف مستمر فالحل يا قمري انك ترتاحي خااااااااالص الفترة الجاية و تريحي بالك و تستمري على الجلوكوفاج و الريجيم لحد ما تنزلي مصر و تروحي لدكتور محترم و بيفهم و تحكيله الهيستوري بتاعك كله و تسمعي منه بهدوء و تمشي على كلامه بحزافيره و ان كان على الانبوبة يا ستي و لا تشغلي بالك بيها خااااااااااااااالص 000 وقت اما ربنا يريد لو نص انبوبة برضو هتؤدي الغرض ( امره اذا اراد شيئا ان يقول له كن فيكون ) حاجة كمان كنت عاوزة اعلق عليها في كلامك حضرتك عندك 27 سنة و خايفة العمر يجري يعني انا كدة خلاص اكمل بقية عمري نوم هي رحمة ربنا بتنزل على سن معين ؟ الكلام دة مش حلو000 امال فين يقينا برحمة و عدله و كرمه دة اسمه قنوت يا شيمو و دي حاجة مش مسموح بيها بينا هنا و مش عاوزاكي تزعلي من كلامي 000 المسألة مش قطر هيفوتك و مش هتلاقي غيره المسألة اختبار من ربنا و اول خطوات الاجابة فيه هي التركيز في العبادة و الاستغفار و اليقين ثم اليقين ثم اليقين برحمة الله و ان ربنا مش هيردك محتاجة ابدا كل دة و معاه السعي للعلاج و السعي يعني كل قوتك مش تسعي يوم و تنامي شهر و لازم تكوني فاهمة كل حاجة عن حالتك عشان تبقي فاهمة الدكتور اللي بيكلمك كويس و لا وحش مش نسيب نفسنا لانصاف الدكاترة يلعبوا بمصايرنا و احنا حاطين ادينا على خدنا !!!!! مش عاوزاكي تتهزي او تتوتري و اقفي على ارض ثابتة و يا جبل ما يهزك ريح عارفة ايه هي الارض دي ؟ رحمة ربنا لا يهزها كلام دكتور و لا لا حتى دكاترة الدنيا معلش طولت عليكي بس كان لازم ارد باستفاضة

انا هنا يا حبيبة قلبي و يا يت البنات يسامحوني ان اول مشاركة لي بعد ما رجعت تكون ليكي لأني حسيت...

رمـــــال :

حبيبتى ام مريم انا هنا اهه يا قلبى ما تخافيش انا لسه واحد صحيح زى مانا ربنا يخليكى يا حبيتى على السؤال ومايحرمنيش منك ابدا ابدا بس ادعى لى لانى وصلت لاخر التاسع والدكتورة نوتها خلاص تولدنى بطلق صناعى وانا قلقان جدا جدا من الطلق الصناعى ده كان نفسى الامور تمشى طبيعى لكن الخيرة فيما اختارة الله والحمدلله على كل حال :( شيمولاتا انا سعيدة اوى انك راجعتى حالتك مع الدكتور عادل ومبسوطة اكتر انك بدأتى تفهمى اكتر عن مرضك وتتكلمى مع الدكتورة بالثقه دى .. شفتى لما لقتك فاهمه كل حاجه كده بدأت تتعدل معاكى ازاى .. حاولى بقه تقرى كتير زى ما قلت لك .. ولو كنت انا مكانك كنت سألتها ما قلتيش ده من الاول ليه وبتدينى منشطات ليه وانتى عارفه انى لازم اخد ميتفورمين وفين العلاج ده من زمان ؟؟؟ مش دى حاجه تأكد لك كلامنا ان الدكتورة دى مش شاطرة !! انصحك بلاش تروحى لها تانى لانها هتشتتك وخدى الميتفورمين اهم حاجه وامشى عليه وبلاش تعملى تحليل الجماع لان انتى اساسا عرفتى مشكلتك خلاص واللى هى التكيس ولما تلاقى نفسك بقيتى سليمة منه وتحاليلك اتظبطت ومفيش حمل بردة ابقى اعملى الخطوة دى زيادة تأكيد وغالبا لو عملتى التحليل مش هيطلع حاجه وحشه وهيكون مظبوط واسمعى كلام د عادل و سيبك من كــــــــــــل ده وبلاش تلفى حوالين نفسك فى ميت طريق وركزى كده فى كلام د عادل و حبيبتى ام انس اللى هو انك تخسى كويس وتمشى على علاج الميتفورمين .. وربنا يكرمك من هنا لحد ما تنزلى مصر تكونى خسيتى حبه حلوين عقبال ما تروحى لدكتور عادل فى العيادة وواظبى بردة على العلاج اوعى تكسلى فيه انا بأكد عليكى الف مرة اهه لان غالبا المتكيسات اللى تأخروا فى الحمل بيطنشوا العلاج وهو مهم اوى اوى وربنا يحفظك ويكرمك يا شيمولاتا

حبيبتى ام مريم انا هنا اهه يا قلبى ما تخافيش انا لسه واحد صحيح زى مانا ربنا يخليكى يا حبيتى على...