صباح الخيرات يا نوفى يا عسل..بجد مش قادرة أوصفلك ...أجمل شئ كان ممككن أتخيل إنى أصطبح بيه هو كلامك الجميل عن أجمل رحلة ممكن بنى آدم يعملها على وجه الأرض....الحمد لله إن ربنا متعك بيها...و يا رب يكتبهالى و لكل المسلمين آمين يا رب...و عقبال كمان ما تروحى الحج يا قلبى.....
باقى البنات....أكيد اللى هيشوف الكلام الجميل ده على الصبح هيبقى صباحه ورد و فل و ياسمين ....صباحكم سكرررررررررر..
صباح الخيرات يا نوفى يا عسل..بجد مش قادرة أوصفلك ...أجمل شئ كان ممككن أتخيل إنى أصطبح بيه هو...
اولا حمدا لله على سلامتك
بصى بقى انا عملت لك مشاركة لوحدك مخصوص عشان الكلام اللى قولتيه عن احساسك بالعمرة
ربنا يجعلها عمرة مقبولة يارب ويكرمك ويقدرك انك كل سنة تعملى عمرة وحجة كمان
بصراحة كلامك خلى جسمى كله يتنفض وعيونى تدمع
وكأنى كنت فى العمرة معاكى وحاسة بكل حرف قولتيه
وكلامك ده خلانى بعد كل ثانية بتمر عليا لغاية مايجى يوم الخميس الجاى
واروح العمرة ان شاء الله
بصى انا نفسى المس الحجر الاسعد واشوف قبر حبيبى رسول الله واملى عينى منه
لكن خفت انى ما اقدرش اعمل كده لما قوللتى ان الدنيا زحمة وده صعب
ادعيلى بقى انى اقدر
وفعلا انا من دلوقتى كل اللى شاغل تفكيرى ايه هو الدعاء اللى هدعى بيه
اول ما اشوف الكعبة قدام عينى وياترى هقدر ادعى ولا هعمل زيك كده يانيفو واتنح اول ما اشوف الكعبة
يااااااااااااااه اكيدده احساس الواحد مش ممكن يحس بيه فى اى موقف تانى
يارب اكرم كل المسلمين بزيارة بيتك الكريم
قوليلى بقى يانيفو انا ممكن احتاج ايه اخده معايا وتنصحينى بأيه عشان الرحلة تكون سهلة
انا هسافر ان شاء الله الخميس الجاى 14/5 الساعة 2 الظهر برى بالاتوبيس
وهقعد اسبوع واحد بس الاول هنروح مكة وبعدين هنقضى ليلتين فى المدينة المنورة