طماطم اشكرك جدا جدا على كلامك انت وكل البنات انا فعلا حاسة اني سعيدة بالتجمع ده والله خليتوني احبكم من غير اشوفكم وابقى سعيدة لما اشارك ولو بسطر واحد وابقى اسعد لما اسمع انكم بتسالو عليا ومتعاطفين معايا لاني متاكدة تمام التاكد انكم حاسين بيا وبمشكلتي علشان كده بقيتو الان ....( الكبيدات ديالي) يعني الكبد بتاعي احنا بنقولها للناس الغالين بس ( الكاف تنطق مضمومة)

مشتاقة لمكة تعرفى ان انا عايشه فى الامارات وصديقتى وتوأم روحى هنا جزائرية بموت فيها وفى الكسكسى بتاعها ههههههههه مع انى فشلت انى اعرف اعمله لوحدى وعلى فكرة عندها بنتين وحامل يعنى لو فكرتى ترجعى فى كلامك من ناحية الزواج انتى حرة
انا بحبك جدا جدا فى الله

ام انس مبروك الحمل وعقبالك انتى واختك ونيفو واشتقت اليك ومشتاقة لمكة وكوكر واوشى وفاطمة الزهراء وطمطم طماطم وبوبا والباقى ان شاء الله يارب
على فكرة سمعت انهم اكتشفو علاج جديد للتكيس عبارة عن نوع من انواع البروتين او حاجه زى كده لو حد عرف جديد يقولنا انتو عارفينى فى المعلومات خايبة

مشتاقة لمكة...كنت كاتبالك مشاركة طويلة عريضة...بس للأسف طارت بسبب سوء الأحوال الجوية فى المنتدي....المهم شدي حيلك انتى و علمينا و هتلاقينى معاكى رهوان...لأن اللغات أصلا تخصصى....فنبدأ بقى...الكبيدات ديالى ديه جمع...لما احب أقولها مفرد تبقى إيه.....

شيمو...جزاكى الله كل خير يا حبيبتى على الدعاء...و لكى بمثل ما دعوتى لنا....و بالنسبة للعلاج الجديد ...منعرفوش عنه حاجة يا أختى ..خلونا فى القديم لحد ما نشوف آخرتها إيه...و مفيش مانع ننكش شوية عن الجديد ده...

مساء الخير يا بنات

يا رب تكونو بخير كلكم

ام انس الف لوين مبروك لاخوكى و فعلا الواحد بيكون محتاج لخبر حلو يرفع من روحو المعنوية
و اقولك بشرة خير انا لما قريت البنات بتباركلك على خبر الحمل
فرحت جدا و جريت على الصفحات اللى ورا عشان اباركلك على "حملك" ان شاء الله تكون بشرة خير عليكى يا رب

شوشو حبيبتى انا ان شاء الله ناوية انزل اخر التامن
بس الناس مقلقنى لحسن شركة الطيران مترضاش تطلعنى لفقسلهم على الطيارة
ربنا يستر و جوزى يعرف يهربنى يومها

نييييييييييييفو
كمان مش عاجبك انى قلت خسيتى اد ايه فى السنة اللى فاتت؟!!!!!!!!!!!!!
طيب غصبن عن بوزك حعيد الكلام تانى
طيب انا حسبتهالك اهو
حضرتك خسيتى 666 جراااااااام فى الشهر على سنة و تخنتيهم تانى
و خسيتى 5 كيلو فى اسبوعين العمرة
يعنى انتى ممكن تخسى و كويس جدا كمان
بس عاوزة حد يزن على دماغك فى الموضوع دا

بصى انا ححكيلك حيكاية واحدة صاحبتى من 9 سنين كانت منى الشاذلى فى الشكل و الحجم و كل حاجة
سافرت و اتجوزت و حملت و مخستش و فضلت تتخن تتخن تتخن و متخسش ابدا ابدا لحد ما تخنت قوى قوى
مش عاوزة اقولك بقت اد مين
بس لما بشوفها بحزن عليها و هى مش عارفة ترجع تانى خالص لوزنها او حتى لنص اللى تخنتو عشان هى شايفة ان الدايت بعمل اكتأب
هى عندها حق بس اذا بصت للموضوع بالعكس انها اد ايه حتفرح لما حتحس انها خست

انا عاوزاكم يا بنات تشدو حيلكم فى موضوع الخسسان دا
اذا كان دا هو الطريق للخلفة
احكيلكم حكايتى انا بقى
انا الحمد لله مكانش فى عندى موانع للحمل بس كانت عند جوزى و كان بياخد علاج شهر اه و شهور لأ
انا كنت بزعل منو جدا جدا لانى كنت بحس انو مقصر
اه لما بتكلم معاه بيكون نفسو قوى فى انو يكون عندو اطفال و يكون اب
و كتير كان بيقولى انو ظالمنى معاه و انو و انو و انو (طبعا عارفيين نوعية الكلام دا)
طيب انت بتعمل ايه عشان الكلام دا؟
مش بتخد الدوا و كنت بجرى وراه ذى العيال عشان ياخدو و خلطات العسل يوووووووووووه
كنت وحياتى و عشان خاطرى و خناق و خصام (لعبتو كل الالعاب)
و فى الاخر عملت الحقن عشان اخلص من الانتظار فى العلاج

طيب انتو عاوزيين طيب اعملو و موتو نفسكم عشان الموضوع دا
اذا كان سبب التأخير الوزن
يبقى طز فى كل انواع الاكل اللى بتخن عشان خاطر عيون البيبى

انا يمكن اكون غلسة فى كلامى
بس يا بخت من بكانى و بكى عليا ولا ضحكنى و ضحك الناس عليا
انا عاوزاكم تكونو مبسوطين و السمنة اصلا لوحدها مش كويسة

بجد اسفة اذا كان كلامى تقيل او ممكن يزعل بس دا من حبى ليكم


مشمشة مكة الجميلة يالا علمينا حتكون حاجة جميلة لما نتكلم جزائرى
انا عارفة كلمة ديالى دا من واحدة صاحبتى مغربية دايما بتقولى "القردة ديالى" :)


باقى البنات تقبلو تحياتى ليكم كلكم