رماااااااااااااااااااااااااال
:26::26::26:

سمسمة انا كمان متهيألي توري تحاليلك لدكتور تاني

هو fsh كويس لكن م lh في حالتك المفروض ميزيدش عن 2 عشان نقول ان تحاليلك كويسة

وبالنسبة لتحليل البروجستيرون ده بيكون نتيجة التبويض في الشهر ده زكل ما زادت نسبته دل على جودة التبويض ونتيجة هرمونك بتقول ان محصلش تبويض خالص في الشهر ده
لكن ممكن يكون بيحصل في شهور تانية

المشتاقة يا جميل عاملة ايه ياحبيبتي

لولا خوفي من شوشو ونيفو كنت قلت لك وانا كمان ابعتي لي الطريقة >>>>

:22:

يا حبيبتى انتى تؤمرى

بصى يا سيتى
نبتدى من اول الحقن اللى تحت الجلد
و الحق دى بتتاخد عشان الدكتور يتحكم امتى يحصل اباضة عشان يفضل يكبر فى البويضات لحد الحجم المناسب و بعدين يدى الابرة التفجيرية
و اليوم اللى بتبتدى فيه الحقن دى يأما اول يوم من الدورة يأما قبل الدورة اللى حيحصل فيها تنشيط بأسبوع "7 ايام" يعنى تلاقى بنات كتير تقولك اليوم الـ 21 دا على اعتبار دورتهم 28 يوم لكن انا اخدتها فى اليوم الـ 19 عشان اان دورتى 26 يوم و بيتحدد تاخديها اول ولا ايوم الـ 21 على حسب السن و الحالة
انا معرفش ليه الدكتور ادهانى فى اليوم الـ 19 على اساس شاف ايه معرفش
و بتكون حقنة واحدة تحت الجلد و بتكون السرنجة ملانة بالمصل اللى حتاخديه و جاهزة انك تضربيها
و سهل جدا انك تاخديها ممكن تاخديها فى الفخد من فوق "فوق الركبة بشبر" او فى البطن او فى الزراع من فوق
انا كنت باخدها فى الفخد "بس نصيحة اذا كانت عروق الرجل باينة اديها فى مكان مفهوش عروق"
و بتاخديها ازاى بتدخليها فى الرجل و تسحبى سنة لبرا عشان تتأكدى ان مافيش دم حيتسحب فيها عشان تتأكدى انها تحت الجلد و بعين تضربيها انا كنت كل يوم بعمل كدة بس و مرة سحبت دم
الحقن دى بتفضلى تاخديها لحد ما يقولك حناخد القنة التفجيرية
الحقن كلها اللى حتستخدميها لازم تحافظى عليها انها تكون ساقفعة يعنى اذا اتحركتى بيها من مكان لمكان ممكن تحطيها فى آيس بوكس او كيس بلاستيك فيه تلج عشان تفضل سليمة و الحقنة دى الواحدة بـ 37.5 جنيه مصرى
و بتاخدى كمان حقن تنشيط بتكون كل حقنة عباارة عن امبولتتين واحدة بودرة و واحدة ماية عشان تخلطى البودرة بيها
الدكتور بيحددلك حتاخدى كام واحدة فى اليوم
و دى بتبتيها من تانى يوم او اول يوم للدورة برضو على حسب الدكتور ما يقول انا ابتدتها من اول يوم
و كنت باخد 2 بودرة + واحدة ماية الصبح و واحدة بودرة + واحدة ماية بالليل
و روحت فى اليوم السادس للدكتور عشان اتابع التبويض
بس لفى عندى 4 بويضات بس اللى طلعو "ودى كانت سابقى فريدة من نوعها معايا لان تبويضى الحمد لله كويس و كنت لما باخد كلوميد كنت بعمل من 2 لحد 3 كويسيين غير الصغيرين بس اتقالى ان فى اشهر بيكون التبويض فيها مش كويس" و هو زودلى الجرعة على اساس انى "ممكن" البويضات عددها يزيد بس اللى حصل انهم كبرو مزادوش
المهم سبت تكالى على الله و هو زودلى الحقن لـ 2 بودرة الصبح و 2 بالليل يعنى 4 حقن فى اليوم
و الحقن دى بتتاخد فى العضل و حاولى انك تحافظى على ميعادها ذى المضاد الحيوى
و ممكن تثبتى ميعاد الحقنة اللى تحت الجلد مع ميعاد من مواعيد حقن التنشيط عشان تقللى وجع الدماغ
و دى كان سعرها 50 جنيه للحقنة الواحدة يعنى اليوم اللى كنت باخد فيه 4 كان = 200 جنيه
و روحت اليوم التاسع عشان اتابع التبويض و اليوم الـ 12 كمان و الدكتور حددلى السحب تقريبا كان اليوم الـ 14 و قالى اخد الابرة التفجيرية و وقفت كل الحقن التانية و دا كان اسعد يوم عشان مافيش حقن تانى خااااالص لحد ما سحبو البويضات طبعا كانت ببنج و جت الدكتورة بعد ما فقت قالتلى ان 3 منهم ماية و احدة بس اللى كويسة و ندعى انها تتلقح و انها حتتصل بيا بكرة عشان تقولى ايه اللى حصل
و كنت من تانى يوم دا ابتديت اخد حقن التثبيت و هى دى اللى كانت مصيبة سودا عشان حقن زيت تقيلة جدا و كانت بتوجعنى مش مهم مين اللى بيدهانى او حتى بيدهانى فين فى جميع الاحوال بتوجع
و سألت اذا كان ينفع اخد بدل الحقن اقراص او تحاميل قالولى لأ عشان الحقن اثبتت فعالية كبيرة عن اى حاجة تانية فطبعا حطيت الجزامة كلها فى بوقى و استحملت
و الحمد لله اتلقحت البويضة و اتحدد ميعاد الترجيع بعد السحب بـ 3 ايام و رجعت الجنين ببنج برضو و نمت عندهم تقريبا ساعتين و بعدين رجعت البيت و انا نايمة على كنبة العربية و كانت التعليمات انى اخد البيبى اسبرين و انى متحركش الا للحمام اول للسفرة اكل و ارجع تانى للسرير لمدة يومين
و انا بقى عملت كدة لحد اليوم السادس نزلت اخدت الحقنة فى المستشفى اللى جنب البيت و رجعت على طول المسافة بتاخد دقيقتين بالعربية بس و ارجع انام فى السرير تانى
و انام يعنى انااااام مش قاعدة على السرير لأ نايمة خالص و ابتديت اخرج فى اليوم الـ 12 من الترجيع
و كنت باخد كمان الفوليك اسيد
يعنى الفترة دى كنت باخد حقنة التثبيت + الفوليك اسيد + البيبى اسبرين
و عملت تحليل الحمل بتاع البيت و طلع الشرطة التانية على خفيف و نزلت عملت تحليل الدم و طلعت النتيجة ان الهرمون 81 و كلمت الدكتورة قالتلى انى اعيدو تانى بعد 48 ساعة و عيدتو و الحمد لله طلع 295 و فضلت على حقن التثبيت لحد ما روحت عشان اسمع النبض و اول ما سمعنا النبض اترجيتو انى اخد حبوب لانى كنت حمووووووووت من وجع الحقن و الحمد لله وافق
ادى قصتى يا سيتى مع الحقن

و عن اللى مفروض تاخديه من دلوقتى هو الفوليك اسيد حباية فى اليوم خوديه لانو مهم جدا عشان تشوهات الجنين و دا بيتاخد لاى واحدة عاوزة تخلف من قبل ما تنوى بـ 4 شهور
بصى انا باخد دلوقتى فيتامين حلو قوى فيه الفوليك اسيد بالنسبة اللى مفروض تاخديها اسمو برجنابلان
بس اذا مش حابة تاخديه مش مهم بس الفوليك اسيد مهم قوى
بالنسبة لموضوع الترجيع دا انا عجبنى موضوع انى رجعت فى اليوم التالت عشان اان بسمع على نجاح الترجيع فى اليوم الخامس عن اليوم التانى و ان برضو فى مخاطر انهم يفقدو الجنين اذا استنو لليوم الخامس فحسيت انى مشكت العصايا للنص
و عن اللى بيشكرو فى اوب الغار و اللى مش بيشكرو فيه فدا عادى طبعا كل واحد بيقول تجربتو
اذا نجحت بيركز على اللى عملوه و عجبهم و اذا فشلت بيركز على اللى معجبهوش
انتى استقرى على حد و خلاص و سيبى الباقى على ربنا و متشعليش بالك بالنتيجة خالص لانها فى ايد ربنا بس
و اذا راد يخليلك الوحش حلو و اذا مأرادش يقلبلك كل الكويس وحش

انا عملت الحقن يا سيتى عند الدكتور ثروت الاهوانى فى المركز بتاعو و هو عيادتو المركز فى نفس العمارة
العيادة فى الدور الرابع و المركز فى الدور السادس و بيفتحو من الساعة 4 لحد 8 بس طبعا بيشوف الحالات اللى حجزت فى خلال الوقت دا لحد ما يخلصهم
و العنوان يا سيتى
مركز النيل لاطفال الانابيب
20 شارع البطل احمد عبد العزيز برج الحكمة الطبى المهندسيين
ت : 37618765
0113331788
ivfnilecenter@hotmail.com
العملية اتكلفت عندو 5000 جنيه من غير الادوية و عرفت ان التجميد بيتكلف من 1500 لـ 1700 جنيه بس طبعا مستخدمتش التجميد


بالنسبة لابو الغار
انتى ممكن اى حد يروح و ياخدلك ميعاد و لما تنزلى تروحى انتى و جوزك
هناك بيفتحو الملف بتحليل الزوج
و هو بيعمل التحليل عندهم فى المركز قبل المقابلة بيومين او 3 بس يعنى مافيش مشكلة كبيرة


يا رب اكون جاوبتك على كل استفساراتك
و صدقينى ربنا لما بيريد مش محتاج احسن دكتور هو اللى يعمل الحقن محتاج حد ينفز طريقة و خلاص و ربنا عليه الباقى
يعنى احنا نسعى بس و ربنا عليه نتائج سعينا
ربنا يكرمك و يفرح قلبك و قلوبنا كلنا يا رب

بنا يخليكى ليا ياكوكر وما يحرمنيش منك
ويسهلك ولادتك وتجيبلنا احلى نونو فى الدنيا