يا بساء الخير يا بنات


شيمو حبيبتى الحقن مش بيحتاج اى انبوب اصلا لا مفتوح ولا مقفول عشان مالوش استخدام فى الحقن
و اذا كان المنظار ممكن يفتح الانبوب اللى مقفول طبعا تعمليه و تجربى السنة اللى انتى مش فيها فى مصر انك تحملى بأذن الله طبيعى او حتى تعملى تلقيح صناعى
بس حبيبتى انا بحس اللى بيجيب من الاخر و يعمل حقن اللى بيكون كبر فى السن ذى حالاتى انا حملت و انا عندى 33 سنة و قعدت احاول فى العلاج مع جوزى 4 سنين من 5 سنين جواز فيعنى كنت استنفذت كل مرات الرسوب

فانتى توكلى على الله و اعمل المنظار اهو انتى بتزيدى فرصة الطبيعى
و بالنسبة لفرص الطبيعى
هى بتكون 25% كل شهر بين راجل و ست الاتنين سلام
ربنا يكرمك يا حبيبتى
و شاطرة على عزيمة الايس كريم بجد جدعة اهو كدة البنات


و عشان خاطرك


بيب بيب شيمو



بيب بيب شيمو




رجاء الغفران اولا احب ارحب بيكى معانا بس لازم تقدمى فروض الولاء و الطاعة الاول و هى يا ست البنات تحكيلنا ايه اللى مأخر حملك لحد دلوقتى و انتى متجوزة من كام سنة و المشكلة من عند مين بالظبط يعنى شوية معلومات عنك زيادة

و نصيحة بيبنى و بينك كدة بلاش الدكتورااااااااااااااات مع احترامى الشديد ليهم و اذا مزنوقة قوى روحى لرجاء منصور بس دى فى المعادى
و عموما ممكن باقى البنات يفيدوكى


نيفو عملتى ايه يا بطة عند الدكتور؟
ربنا يطمنا عليكى

ام مريم

بدل ما تشيلى الهم لوحدك وزعيه علينا و نشيل معاكى
اكيد حترتاحى اكتر بكتير من دلوقتى


ربنا يفرح قلبك يا رب

انا جيييييييييييييت يا بنات
بصوا انا هقولكم اللي حصل بأمانة شديدة
و كل اللي قلته قبل كدة كان هزاااااااااااار 000 و الله العظيم هزاااااااار
طيب اعمل ايه 000دمي خفيف و خايفة لو خسيت دمي يتقل
هههههههههههه
المهم خلونا في الجد
اولا 000 نظام العيادة
انا و بنات كتييييييييير كان رأينا مبني على آراء البنات اللي راحوا و اتعاملوا شخصيا مع نظام العيادة
اللي حصل معايا كان بالظبط
ماما راحت حجزت الساعة 4 و سألت ميعاد دخولي الساعة كام للدكتور000 قالولها الساعة 11 مساءا"
نزلت من بيتي الساعة 10 على اساس ان المشوار تقريبا ساعة
فوجئت بمكالمة على الموبايل و كان المتصل اخت من عيادة الدكتور بتطمئن اني رايحة في ميعادي و بتقولي ان ميعاد دخولي للدكتور قرّب
طبعا دة موقف محترم جدا000 مش حصل معايا قبل كدة
المهم
وصلت العيادة الساعة 11.15 نتيجة الزحام من التحرير للدقي
قابلنا الطبيب المساعد و اللي هو بالمناسبة شخصية ظريفة جدا
و اخد مننا شوية بيانات و وزني و قعدت انتظر دخولي للدكتور
و دة كان الساعة 12.30تماما"
يعني لو تحسبوا هتلاقوني مقعدتش ساعة على بعضها قبل ما ادخل للدكتور
دة اللي حصل معايا بالظبط و الله على ما اقول شهيد
يعني ربنا يسرلي الامور على الآخر000الحمد لله رب العالمين
ثانيا 000 د / عادل
اول ما دخلت كنت مرعوبة و مش عارفة اقول ايه و اعتقد انه حس بكدة فقالي انا اسألك و جاوبي و بعدين اي اضافة عندك قوليها
و طبعا دة ريحني نفسيا شوية بدل ما ما انا مش عارفة ابدا منين و اقول ايه
و شوية شوية راحت الرهبة و الرعب و بدأت اتكلم عادي ( بس مش بربنط )
المهم كل اللي اقدر اقوله عن دكتور عادل و بدون مجاملة او رياء
انه
انساااااااااااااااان 000 فاهم 000 واعي000مثقف 000 ذكي جدا جدا جدا 000 عارف هو بيعمل ايه 000 امييييييييييين 000 مستمع جيد جدا 000مقنع 000محترم ( اول دكتور اتعامل معاه و جوزي يخرج من عنده يقولي دة شخصية محترمة ) 000اخر حاجة دمه خفيف و بيعرف يختار الكلمات اللي توصل المعلومة بشكل ظريف و لطيف
كفاية كدة لا جوزي يقرأ الكلام و يغير و يحلف اني مروحش للدكتور تاني
المهم
باختصار يا بنات
هو طبعا شاف نتائج التحاليل بتاعتي و اللي التكيس واضح فيها وضوح الشمس
و قالي باختصار شديد ان الحل في ايدي و دي الحقيقة اللي للاسف ادركتها من اسبوعية اما ابتديت الريجيم و البريود جاتلي من غير ادوية و كان ربنا بيقولي المفتاح اهوه استعمليه يللا
قالي خسي خسي خسي خسي خسي
5 مرات
بس كل واحدة منهم كان معاها تحذير من الاثار المترتبة على زيادة الوزن و اللي هي مش بس تأخر الانجاب
لالالالالالالالالالالالا
اضف اليه سرطان الرحم و الضغط و السكر و انا اقولكم كمان حاجة بدأت بالفعل عندي
بشرتي تقريبا اتشوهت من الشعر الزائد و البقع البنية و الزوائد الجلدية
و طبعا دة كله نتيجة التكيسات
و كمان دكتور عادل كان بيخليني اقرأ الكلام اللي بيقوله من الكتب اللي بيدرسوها لطلبة كلية الطب عشان اكون مقتنعة تماما بكلامه
و الله ما كنت محتاجة اني اقرا لان اسلوبه
مش عارفة اقول ازاي
بس حسسني انه خايف علىّ و على صحتي و على فلوسي و بينصحني لوجه الله
و زي ما يبقولوا رمى الكرة في ملعبي و قالي اعمل بيها ايه بالظبط
بس 000 هو فقط اداني سيدوفاج ( قرصين في اليوم ) و اتابع الدايت و استمر حتى لو نسبة خسارة الوزن قليلة
و قالي مش لازم اصاب بالاحباط لاني اكيد هخس هخس
و ان شاء الله اروحله بعد 3 شهور بس لازم اكون على الاقل نزلت 15 كيلو تقريبا
دي كل الحكاية بس من غير التفاصيل المملة اللي مش هينفع احكيهالكوا هنا

السلام عليكم ورحمة الله

ازيكم يابنات وحشتوني
معلش والله يابنات مشغولة جدا اليومين دول بس والله بدخل اطمن عليكم بسرعة واخرج
ربنا يخلينا لبعض لحد ما نشد كلنا في شعورنا من العيال

نيفو حبيبتي والله دخلت دلوقت عشان اعرف عملتي ايه عند الدكتور والحمد لله
انا كنت عارفة انك هتحكي لنا اول ما تيجي

ربنا يطمنك يانيفو ويرزقك يارب
وعايزاكي تنفذي كلام الدكتور وهو ده الحل فعلا يانيفو
بس انا حاسة من كلامك انك متحمسة وارادتك قوية المرة دي وهتنزلي اكتر من 15 كجم في 3 شهور

يارب اشوفك غزال يانيفو وبطنك قدامك فيها توأم يارب

انتي وكل البنات وانا واختي يارب

باقي البنات بحبكم في الله

نيفو شوفى ياحبيبتى طبعا حاجة كان لازم نعرفها من زمان ان السمنة بتأثر على المبايض
والدكتور كده عداه العيب وقزح
يعنى هو بدأ معاكى صح ربنا يجزيه خير لان فى دكاتلرة كتييير بتحب تعقد المواضيع وتلاقيه كاتبلك ادوية قد كده
فالموضوع كله بعد اذن ربنا ان شاء الله فى ايديك وفى ايدينا لازم نخس لازم اعملى المستحييييييييييل وخسى قبل الميعاد اللى قالك عليه كمان حاولى ياحبيبتى وربنا معاك
وعلى راى ام انس اللى عايز النونو يجوووووووووووووووووع لعيونه