كوبونات الراقية تسجيل الدخول

اشتقت اليك
اشتقت اليك •
مميزات....ربنا يا حبيبتى يقومك بالسلامة و يقوي ايمانك و يحفظك انتى و أسرتك من كل سوء....

هابى...كنت قلقانة عليكى موت...لكن الحمد لله انك رجعتى باسم جديد أحلى من الأولانى...و ان شاء الله يا حبيبتى ربنا يكرمك و يرزقك بأحلى مريم....و يا ريت يا فلبى متفكريش بالشكل ده تانى لسبب واحد و هو (ما أصابك لم يكن ليخطئك، و ما أخطأك لم يكن ليصيبك)....يعنى يا حبيبتى كله مكتوب...لا تؤنبى نفسك ( لو علمتم الغيب لاخترتم الواقع)...ربنا كريم يا حبيبتى و هو دايما بيختار الأصلح...و التأنيب ده بيبقى من الشيطان يا حبيبتى....لا تجعلى له عليكى سلطانا و فكري فى كل النعم التى انعم اله علينا بها.....ربنا يرزقك و يفرحنا بيكى و يشفى زوجك...

أم أنس....ربنا ما يحرمنا منك يا حبيبتى و يسمعنى عنك دايما سمع خير...

بوبا...كلامك جميل أوي يا قمر...ربنا يكملك بعقلك و يقوي إيمانك و يرزقك من حيث لا تحتسبر
ام انس 2006
ام انس 2006 •
oshy2005 oshy2005 :
بنات انا بشكركم كلكم على الرد عليا انا بس حبيت اطمنكم عليا واقولكم انى كويسة الحمد لله النهاردة بس لسه مارجعتش للطبيعى بتاعى وان شاء الله هكون كويسه وارجعلكم بضحك تانى
بنات انا بشكركم كلكم على الرد عليا انا بس حبيت اطمنكم عليا واقولكم انى كويسة الحمد لله النهاردة...
ايوة عايزينك تضحكي بس ضحك مش اصطناعي

اضحكي يابنتي مش هناخد اكتر من الي ربنا كاتبه لنا
ام انس 2006
ام انس 2006 •
يا هابي خليكي ايمانك بربنا قوي

العدد الي بتقولي عليه ده كله احنا مش عايزين منه غير واحد بس

ربنا قادر على كل شيء
وبعدين ما شاء الله عملية الحقن المجهري نجحت قبل كده
يعني يا هابي عندك طفال ما شاء الله؟؟؟؟؟؟ ولا حصل ايه؟؟؟؟
ام انس 2006
ام انس 2006 •
اشتقت حبيبتي وحشتينا غايبة على غير العادة

ياستي ربنا يخلي لك مامتك يارب


بس انا زي مميزات لااااا احتفل بعيد الأم بأي بشكل


ومميزات معلش سؤال انتي اتأخرتي قد ايه قبل الحمل ؟؟؟

انا الصراحة اتغظت اوي من الست الي كانت عايزة تتجوز جوزك

اصل انا بفكر في الموضوع ده ليل نهار خايفة اكون ظالماه معايا بس انا عارفة هو ميقدرش يتجوز غيري

ولا انا بس التفكير في الموضوع تاعبني >>>>>> ساعات يعني مش على طول
اشتقت اليك
اشتقت اليك •
طمطم....ليه يا حبيبتى الحزن....أوعى تستسلمى للشيطان....اللى ساعات بيعمى عنينا عن كل حاجة حلوة فى حياتنا و يخلينا نفكر بس فى اللى ناقصنا....حتى لو كان اللى ناقص ده هو زينه الحياة الدنيا...بس أكيد رب العالمين أخر هذا الحلم الجميل لحكمه لا يعلمها سواه....حاولى يا حبيبتى أول ما تتخنقى تتوضى و تصلى ركعتين و ترمى حمولك على الذي لا يغفل و لا ينام....هتحسى ساعتها ان رحمته واسعة أوي...ربنا يا حبيبتى ينزل السكينة فى قلبك و يكرمك ....

أوشى...تألمت كثيرا لما كتبتى يا حبيبتى...و أقدر بشدة احتياجك و حبك للأطفال...و مش هالومك على المشاعر ديه ...لاننا بشر و لينا لحظات ضعف...لكن هاقولك فعلا انتى متعرفيش تأخر الإنجاب ممكن يكون ربنا زايح عنك بيه بلاي أد إيه...و كمان هاقولك عادي انك تضعفى للحظة...لكن أهم حاجة انك متستسلميش كتير للضعف ده ....لازم تقاوميه بالتفكير فى نعم ربنا عليكى زي ما قالت بوبا...و حاولى يا حبيبتى متفكريش فى أي لحظات أليمة مضت....محدش حياته خالية من الهموم لكن أهم حاجة اننا منسمحش لنفسنا اننا نعيش فيها كتير...و منسيبهاش تسيطر علينا....علشان يا حبيبتى منندمش بعدين على الوقت الجميل اللى ضيعناه فى الحزن...ربنا يفرجك كربك و يريح قلبك...

نيفو...واحشانى يا قمر....مش عايزة أقولك الموضوع اللى أترتيه نرفزنى أد إيه....لكن أهم حاجة باقولهالك..اننا نسقط الناس ديه من حساباتنا لان ببساطة الصداقة فيها حب و تبادل للعطاء ...لكن الناس ديه عندها الصاقة مصلحة و هات بس..و أشيلك همى و لما تبقى مهمومة معرفكيش...يبقى قلتهم أصلا....و بعدين زعلتينى لما قلتى كلمة (منبوذين)...لا يا حبيبتى...تحسى انك منبوذة لما تبقى راغبة فى حد أصيل و هو يبعد عنك...لكن النوع ده ميستاهلش لحظة واحدة من تفكيرك...ربنا يروق بالك يا قلبى....