فاطمة الزهراء912 :

انتى كمان وحشتينى يا اوشى بصى يا ستى انا اختى كان عندها التبويض كويس يعنى لما كان الدكتور بيديها كلوميد بس كان بيبقى عندها بويضتين ولما اخدت 25 حقنة برضة بويضتين والله اخدت حقن 3 الف جنية وراحو فشوش يلة قدر الله وما شاء فعل

انتى كمان وحشتينى يا اوشى بصى يا ستى انا اختى كان عندها التبويض كويس يعنى لما كان الدكتور بيديها...

muslima627 :

أنا هحكيلكم إختصار للمده اللي فاتت طبعا إنتو فاكرين إني من من أربع شهور كنت نازله مصر أعمل عملية أطفال الأنابيب الثالثه اللي حصل إني كان المفروض إني أخد العلاج التأهيلي وبعده أعمل العمليه لكن الدكتور حسام طلب مني إني أعمل منظار الأول وطبعا ده أخرلي العمليه شهر تقريبا وبرده ولله الحمد كانت إستجابتي للعلاج ضعيفه طبعا مع طول المده زوجي مقدرش يفضل أعد في مصر فإضطرينا نجمد العينه بتاعته لحد يوم العمليه وطبعا لما سافر أخد اللاب توب معاه وساعتها إنقطعت إتصالاتي بيكم بس الحمد لله بكرم من عند ربنا العمليه إتعملت والحمد لله أنا حامل ربنا يارب يسعدكم كلكم ويرزقكم من عنده يارب المهم بعدها الدكتور نيمني على ظهري شهرين من غير حركه كنت هموت وأقولكم بس طبعا كل وسائل النت غير متاحه ده غير العجز اللي كنت فيه بس قلت كله يهون في سلامه البيبي وهييجي اليوم اللي أفرحكم فيه وأنا في نص الشهر الثالث الدكتور قرر يعملي عمليه ربط لعنق الرحم والحمد لله عملتها وإرتحت بعدها إسبوعين كمان وأخيرا الدكتور سمحلي إني أسافر والحمد لله أنا لسه جايه بقالي أسبوع بالظبط على ما إقدرت أسترد وعيي وأظبط الشقه شويه بعد بهدلة أربع شهر وأخيرا عرفت أكلمك وأقولكم على الأخبار الحلوه اللي كنت شايلهالكم والله والله يا بنات أنا كنت بدعيلك كل يوم بالليل وأنا بدعي لنفسي وربنا العالم أنا قلت أفرحك بالخبر ده يوم الجمعه وربنا يجعلها بداية الأفراح يارب ومن هنا لحد رمضان نكون كلنا حوامل يارب ربنا قادر وكريم وعظيم قوي (يارب إرزق كل واحده في هذا المنتدى بالذرية الصالحه اللي تتمنها وإعطيهم كلهم من كل ما يحبوا ويتمنوا حتي يرضوا آمين يارب العالمين) بس يابنات ده ملخص الفتره اللي فاتت وإدعولي إن ربنا يتتمملي الحمل ده على خير يارب ويباركلي فيه

أنا هحكيلكم إختصار للمده اللي فاتت طبعا إنتو فاكرين إني من من أربع شهور كنت نازله مصر أعمل عملية...