باقى البنات صباح الصباح والى جاى ان شاء الله احلى من الى راح

صباح الخير ياطماطم عاملة اية ياقمر وايه اخبارك ناوية تعملى ايه؟
انا الايام دى مش بقيت اعرف انام بفكر كتير جدا فى موضوع العملية ده وخايفة
ربنا يطمنا كلنا يارب ويلهمنا الصبر

أنا كمان مابنامش ومرهقه جدا وطوول الوقت سرحانه وبفكر لانى نازلة مصر بعد اسبوعين وانا ماورتهمش وشى من سنتين واللى مابينيمنيش الليل خوفى من رد فعلى من اللى هيسألو كل ده ومفيش حمل ولا مرة مانتو عارفين الناس ورزالتهم جوزى بيقولى فى سفرنا اتولد 3 اطفال لاخواته واحنا ماشفناهمش طبعا ده كلام ماماته يعنى من الاخر ماشاء الله ربنا يبارك اخواته واحد جاب عيلين فى السنتين والتانى جاب واحد واحتمال تكون مراته حامل ماهما مش بيقولولنا الا وهى بتولد تخيلو مانعرفش الا اما الاطفال تتولد الحمد لله على كل حال ادعولى انا محتاجه دعم نفسى جدا وقولولى ازاى اواجه الناس وكلامهم الاستفزازى وبالذات حماتى

وكمان لو فوجئت ان مرات اخو زوجى حامل اقول ايه انا بخاف قوى فى المواقف اللى زى دى وبحاول اكون حذرة علشان محدش يفهمنى غلط والله انا بفرح جد لاى واحده حامل لكن لانهم بيخبوا عليا انا بالذات ده بيخلينى مش عارفه اتصرف ازاى ........................ دلونى يا أهل الخبرة انا مكنتش عايزة انزل مصر بسبب كده وانتو عارفين انا بقالى سنتين مش عايزة انزل فى المنتدى كانو يقولولى انزلى اجازة ولا يهمك وانا كنت خايفه من المواقف اللى ممكن تحرق دمى ........ بس ماما وحشتنى قوى وعايزة اشوفها وخلاص احنا حجزنا . ادعولى

صباح الخير يا بناااااااااااااات....
إيه ده أنتو سركم باتع.....يا ريتنى كنت قلتلكم من زمااااااااااان....مش هتصدقوا امبارح فعلا مكنتش قادرة افتح عينى و تركيزي كان زيرو....بس صليت العشاء و دخلت نمت....(طبعا فى الأيام العادية...كنت بانام ساعتين و أقلق و بعدها مفيش نوم تانى) الحمد لله امبارح نمت و محستش بنفسى إلا تانى يوم الساعة 9....تخيلوا...12 ساعة نوم...مكنتش حتى باحلم أنام نصفهم....ربنا يخليكوا ليا...و أدينى ملحقتش أغيب و رجعت أتنططلكم تانى....

شكرا لكل...أخواتى اللى سألوا عليا....كوكر...مسلمة ..و أوشى.....بحبكم كلكم