انا بهزر يا رمضان مبتهزرش
وان كان على المية هجبلك جركن يا ستى تستحمى بية انتى وانوستى

شيمو حبيبتى انا كنت زيك كده وانا نازلة بس سبحان الله عطانى ارادة قوية واجهت بيها كل الناس وسمعت كتيير وكان ردى حاجة واحدة لسه ربنا مش رايد لا واحرجهم كمان اقولهم ادعولنا بقى
طيب انت عارفة فى واحدة وقفتنى وهى شايلة ابنها وقلتلى مش تتوحمى بقى تخيلى ضحكت وبوسته وقلتلها ماشى ياستى خليهولى وانا اتوحم عليه كبرررررررررررررررى دماغك وعيشى حياتك انا السعادة اللى انا كنت فيها لما نزلت ما خلتش اى حد يزعلنى بكلمة لانهم شافونى قوية ومبسوطة الحمد لله ومش ناقصنى حاجة لاكن انت لو بان عليك اى حزن صدقينى انت اللى هتجيبى نفسك الكلام امدى وواجهى الناس بقلب جامد احنا مش عاملين عملة وخايفين ده رزق من عند ربنا والحمد لله على كل شئ اوعى اشوفك تقولى خايفة تانى يابنتى الثانية اللى بتروح مش بترجع استمتعى بوقتك على اد ما تقدرى

السلام عليكم ورحمة الله وبركاته
اخواتى فى الله اشكركم كلكم على اهتمامكوا فى الرد عليا
انا اتخضيت لما لاقيت نيفو بتقولى بس معلش احنا ما بنقبلش اصدقاء
قولت فى بالى حتى دى كمان اتقفلت فى وشى بس لما لاقيت الكلام اللى بعد كده استيشرت خير و فرحت اوى
انا اسمى فاطمه
من بورسعيد
متزوجه من 3 سنين
بعد الزواج ب6 شهور حصل حمل بس نزل بعد شهر و نصف لعدم اكتمال الجنين ودى رحمه من ربنا
و بعد كده لفيت على دكاتره كتيييييييييييييييييييييييييييييييييييييييييييير فى بورسعيد
و بعد كده روحت لدكتور فى القاهره اسمه الدكتور سيد الاخرس لو تسمعوا عنه
قالى عندك تكيس على امبيض و نعمل عمليه بالمنظار و عملتها على طول فى نفس اليوم
بعد كده كنت بستنى الحمل كل شهر برده ما فيش و الحمد لله لغاية ما اعصابى تعبت و الاخر اكتشفت و بعد تحليل الزوج انه عنده الحيونات المنويه ضعيفه و قليله مشوهه
مع انه كان متزوج قبلى و عنده اولاد
و بعد كده اتجهت للتلقيح الصناعى عملته مرتين بس برده مافيش حاجه و الحمد لله
و منشهر تقريبا عملت الحقن المجهرى فى مركز اسمه الحياه فىالمعادى حللت الهرمون بعد اسبوعين من الترجيع كانت النبه ضعيفع كانت 33 الدكتور قالى انه حمل بس لازم النسبه تزيد عملت تانى بعد 5 ايام لاقيت النسبه نزلت ل 25 الدكتور قالى للاسف انع الحمل هينزل خلال اسبوع من وقف المثبتات و فعلا نزل بعد اربع ايام
و كان امفروض انى اعملها تانى الشهر ده بعد ما بريود تيجى بس ما فيش امكانيات دلوقت فأجلها شويه
بس انا خايفه لان انا سنى 35 سنه و كل لما السن بيزيد نسبة النجاح بتقل
بس ربنا كريم و قادر على كل شىء
معلش انا صدعتكوا بحكايتى بس انا بفتح قلبى معاكم
و ربنا يخليكوا ليا
و يرزقنا كلنا بالذريه الصالحه
و ربنا يعوض صبرنا خير يا رب

صباح الخير يا احلي اخوات

اشتقت واوشي وطماطم ومسلمة ونيفو وكوكر
وزوزا اللي اكيد مش هتنساني في الدعاء ، تروحي وترجعي بالسلامة يا حبيبتي

بخبكم اوي ووحشتوني مووت

بطه الأخت الجديدة معانا اهلا بيكي وفضفضي انا علي فكرة لسة جديدة زيك قبلك باسبوع كدة ولا حاجة
افتحي طبعا قلبك ويا حبيبتي لا تيأسي من رحمة الله وعلي فكرة سنك مكبرش ولا حاجة انا بسمع ان في ناس عندهم 40 سنة وبيعملو العملية وبتنجح ما شاء الله
انتي بس تثي بالله وتوكلي عليه وان شاء الله هوا الرزاق اللي هيرزقكك قريب ان شاء الله

السلام عليكم ورحمة الله

ازيكم يا حبايب قلبي

طماطم كويس ان اختك نفسيتها اتحسنت واهم شيء فعلا الرضا بقضاء الله
وربنا يرزقكم من واسع ابوابه وان شاء الله تنبسطي في مطروح

batanor
اهلا بيكي معانا وان شاء الله وشنا يكون حلو عليكي انتي كمان ومتخافيش من السن ياما ناس حملت اكبر من كده بكتيييير
انتي عملتي تحاليل هرمونات قبل كده ولا لأ؟

شيمو انا عملت زي اوشي كده على فكرة لما نزلت اي حد يسألني كنت اقول لها ادعي لنا
مش عايزاكي تشيلي الهم اوي كده

يابنتي الي حملوا دول مش شطارة منهم وبعدين ده كلهم سنتين يعني امال لو كانوا اكتر من كده ؟؟ ربنا يعجل لك بالحمل يارب

شوشو حبيبتي واحشاني عاملة ايه يا جميل

نيفو اخبارك ايه وعاملة ايه مع الريجيم ؟

باقي البنات
احبكم في الله