كوكر واوشي وباتنور والمشتاقة لمكة ويارب ما اكون نسيت حد الف شكر ليكم علي حرارة الترحيب لان عمري ما افتكرت الاقي حداقدر اتكلم معاة براحتي افضفض معاة ويفهمني تعبت من الكلام مع نفسي والبكاء لوحدي:( وان كان على حكايتي حاحكي لحد ما تقولولي كفايةاسكتيييي

صباح الخير عليكم جميعا

سارة اهلا بيكي معانا يا قمر
ويالالالا احكي كلنا آذان صاغية وفضفضي براحتك خالص
وان شاء ترتاحي معانا يا شابة داحنا هنريحوكو

انا زي ماعرفتو اسمي سارة عمري 33سنة متزوجة من 4سنين و3شهور انا مش حاخبي في بداية الزواج ماكنتش متحمسة للحمل علي طول لان كانت اموري ملخبطة وعلينا ديون ووراي دراسات عليا بس عمري ما فكرت اخداي مانع للحمل بعد سنة كانت الاموراستقرت والديون خلصت بس مافيش حمل :mad:ومن هنا ابتدت الحكاية علي راي العظيم الراحل عبدالحليم حافظ رحلة التحاليل تحليلي كانت كويسة وطبيعية بس المشكلة كانت زوجي قلة وضعف في الحيوانات المنوية اخدت كلوميدكم شهر حوالي 3 بس ماحصلش حمل ووقفتة وبعدها بكم شهر اتاخرت الدورة والمفاجاة حاااامل لكن يافرحة ماتمت نزل بعد اسبوع من الفحص بعدها عملت تلقيح صناعي 4 مرات ولا واحد فيهم نجح الدورة بتيجي في معادها بالثانية بعدفترة معاناة وحساب ايام التبويض حصل الحمل التاني وما كنتش متوقعاة بس كان بيجيني الم لايطاق في الضهر وحللت وطلعت حامل وجوزي مش عارف يعمل اية من الفرحة بيقول بس اطلبي اللي نفسك فية من الفرحة نسيت اي حاجة لكن برضة قبل ما يكمل 7اسابيع نزل ولما حللت طلع ان عندي الاجسام المضادة اخيرا اصريت علي الدكتوريعمل لي اطفالانابيب وتحديدا تلقيح مجهري لان نتيجة زوجي كانت مزبزبة يعني مرة العدديزيد والحركة كويسة شوية ينزلو خصوصالو اخدبرد لان طبعا معروف ان الحيوانات المنوية حساسة جدا للحمي ولو اتاثرت محتاجة من شهرين لتلاتة عشان ترجع لطبيعتهاالمهم عملناها في شهر 12 اللي فات حقن وانا اصلا بخاف من الحقن موووت لكن كلة يهون عشان احلي عيون و سحبو مني 10 بويضات ورجعو منها 4من الدرجة الاولي والدكتور كان متفائل ونمت علي ضهري اسبوعين كاملين وقبل ارجع المركز بيوم حللت في البيت مافيش حاجة طبعا اتصدمت بس كتمتو جواي حتى جوزي ماقلتلوش رحت المركز تاني يوم حللت برضة ما فيش حاجة لا التحليل حمل ولاحتي نزل دم طول الاسبوعين الدكتور اداني مواعيد كمان يومين لحدمايظهر واحد في الاتنين الدم او خط الحمل وقالي ارجعي لي حللت في البيت ولا لقيتة سالب زعلت ورفضت ارجع وقلت خلاص بقي استني رحمة ربنا و اللي ماتتسمي تيجي واخلص ولاول مرة من يوم اتجوزت انتظرها باللهفة دي وجات بعد 5 ايام بس دخلتني في حالة ما يعلم بيها الاربنا:angry:انامؤمنة بقضاء ربنا لكن التجربة كانت صعبة ومؤلمة والغلط اني حطيت نسبة نجاح 100% والدكتور اقترح لونعيدها تاني بس قررت ارتاح شوية وجوزي اقترح نعيدها في مصر ان شاء**** في 8 او9 وطبعا عندي اسئلة كتييير مش قلت لكم حتتعبو معايا وتقولو ما كنا كويسسسن:icon33:

صباح الفل علي احلي توووووتة ربنا يريحك وينولك الللي في بالك

انا رجعت من العمره يا بنات
ووالله دعيت لكم كلكو
يارب يستجيب
كانت جميله جدا ورحت المدينه كمان اجمل واجمل
انا باقيلى حوالى اسبوعين وانزل مصر
وان شاء الله هاكشف عند د عادل فاروق
ايه يا بنات اوعو تكون 5 ايام نسيتكم
زوزو