boba boba :

وعشان بقى مانبقاش بنتكلم كلام فى الهوا وخلاص انا هبدأ اهه احطلكم بداية الخطة مع ان كلمة خطة دى بتفكرنى بالعصابات بس مش مشكلة احنا خطتنا خطة التزام يلا بسم الله نبدأ 1- اولا وقبل كل شئ الصلاة فى وقتها يعنى نصلى وقت بوقت على قد مانقدر ونصلى كمان السنة ونحاول كمان نختم الصلاة وندعى بعد الصلاة مباشرة واحنا على السجادة 2-قيام جزء ولو بسيط من الليل حتى ولو نص ساعة بس ويوميا او على قد مانقدر 3- نخلى لينا ورد يومى من القرآن الكريم حتى ولو 10 ايات بس يوميا مع طبعا المحافظة على حفظ ولو ايه واحدة من سورة نحس انها سهلة علينا ونقدر نحفظها بسرعة 4- الدعاء والتسبيح والاستغفار وده بقى على قد مانقدر يعنى طول اليوم واحنا رايحين الشغل وراجعين منه او واحنا بنطبخ او على السرير قبل ما ننام نستغفر ونسبح وندعى ربنا بكل اللى نفسنا فيه وفيه خير لينا 5- على قر المستطاع نرقى نفسنا بأيات القرآن والرقية الشرعية على الاقل مرة او مرتين فى الاسبوع 6- نحاول كمان نعمل ازازة مياه مخصوصة كده مقروء عليها الرقية الشرعية ونشرب منها الصبح على الريق وندعى ربنا انه يشفينا بفضل كلمات القرآن وحتى اللى بتاخد علاج اسبرين او حاجة تاخده افضل بالمياه دى دى طبعا اجتهاد يعنى حتى لو مكانتش من السنة فهى مش بدعة سيئة يعنى عشان محدش يقول بنتوكل على المية لا احنا بنتبارك بأيات القرآن 7- الصدقة ودى كل واحد على قد مايقدر يطلع شئ لله بنية الانجاب والله يابنات انا جربت مفعول الصدقة فى حجات كتيرة جدا وسبحان الله ربنا عمره ما اخذلنى فيها عارفين انا كنت وانا بطلع شئ لله بقول فى نفسى ايه بقول يارب انت مفيش اكرم منك انا عارفة انا بعمل اللى قدر عليه ولو بمبلغ ضئيل جدا بس انا عارفة انك اكرم منى بكتيييييييييييير وفعلا سبحان الله كانت الامور كلها بتتيسر وربنا بيسهلها ده اللى قدرت افكر فيه بالنسبة للجانب الدينى واللى عنده شئ يضيفه عشان نبدأ بإذن الله وان شاء الله من انهاردة هكتب الخطوات دى فى ورقة معايا عشان تكون قدام عينى عليها على طول وانا بإذن الرحمن هبد أ من انهاردة يلا مين هيبدأ معايا

وعشان بقى مانبقاش بنتكلم كلام فى الهوا وخلاص انا هبدأ اهه احطلكم بداية الخطة مع ان كلمة خطة...