بصى يا ست البنات

هو فى بدايتين و تكملة واحدة
البداية بيتقال بيتحدد على حسب الحالة و عمر الزوجة
البداية عبارة عن حقن تحت الجلد بتتحكم فى ان ميحصلش تبويض الا لما تاخدى الحقنة يعنى متقوليش انا خلاص فى اليوم الـ 14 اخر يوم لأ بيتحكم فيها و بتكون الدورة دى و تبيوضها مختلف عشان بيكون تحت تأثير ادوية مش طبيعى
الحقنة تحت الجلد دى يأما بتتاخد فى اليوم الـ 21 من الدورة اللى قبل دورة التنشيط يا أول يوم من دورة التنشيط على حسب الحالة و العمر
و الحقن دى بتاخدى واحدة كل يوم و سعرها 37 جنيه
طيب اهم حاجة بتوجع "لأ" لأن سنها صغير جدا جدا جدا يعنى اقل من شكة و المصل بتاعها مش بيحرق يعنى نسبة الالم اللى حتحسى بيها اذا زادت و قلت ادبها 5 دقايق و الم اهبل خالص
نيجى بقى للتنشيط بيكون حقن برضو بودرة + ماية بتاخدى واحدة ماية فى كل حقنة و عدد من البودرة و بيتحدد على حسب الحالة برضو الحقنة الواحدة كانت بـ 50 جنيه
و بتبتديها اول او تانى يوم للدورة بالكتير
و دى حقن فى العضل و ممكن تحسى بحرقانها شوية

و بتاخدى الحقن و فى اليوم السادس او الخامس بتروحى للدكتور

يعنى انا اذا حبيت اعيد التجربة تانى لحد دلوقتى مافيش مشكلة خالص عشان التقيل جاى ورا

بيتحدد ميعاد سحب البويضات و بتتبنجى و بيسحبوها و عادى بتصحى بيقولوك "اذا" حسيتى بألم خدى مسكن و الألم دا اقل بكتييييييييييييييييييييير من وجع البريود و انا نزل منى نقطتين دم و راحو لحالهم

و ابتديت "حقن" التثبيت و يا "أأأأأأأأأأأأأأوووووووووووحى" على حقن التثبيت ذى بقى اللى ذى النيلة و هى دى اللى تخوفنى من انى اعيد الموضوع تانى

بس اذا فكرت انى اجيب بيبى تانى و مافيش غير كدة يبقى رجلى فوق رقبتى
هى حقن زيت اسمها "برونتوجيست" الزيت بتبقى رخمة و كمان ليها طريقة محددة فى الاخد و بعدين لازم تدلك 5 دقايق و تعملى كمدات او اربة سخنة عليها عشان متكلكعش انا كانت بتكلكع و مبيفرقش معاها عملت ايه او مين حتى اللى ادهانى و كنت بتلاقينى بحط فى ناحية أربة ماية سخنة و ناحية تانية كمدات تلج عشان اللى مكلكعة تفك كنت متظبطة الحمد لله
و الدكتور قال انه من التجربة لقى ان الحقن احسن من الحبوب او حتى اللبوس

و بيتحدد ميعاد ترجيع الجنين ان شاء الله و انا الدكتور برضو عملها ببنج عشان هو خايف للمريضة تكون قلقانة فتشد نفسها الجنين ميلزقش

و بس يا سيتى هى دى كل الاجراءات

و اى سؤال انا تحت امرك

كوكر...فكرة عمتك ديه حلوة أوي أوي.....فعلا يا ريت كل الناس الميسورين يعملوا كده..انهم بدل ما يكرروا الحج و العمرة بكثرة...يا ريت لو يتصدقوا بتمنها لصالح الأيتام أو إعفاف الشباب.....بس طبعا فيه ناس هتقولك احنا بنشتاق اننا نروح...لكن انا شايفة ان أفضل حاجة الوسط يعنى أنا أعرف ناس بتروح كل سنه....لو يخلوها مرة عمرة و مرة يتصدقوا بتمنها...معتقدش ان هيبقى فى مجتمعنا حد محتاج.....بجد ربنا يباركلها و يقدرنا جميعا على فعل الخير...

و عايزة أقولكم على فكرة تانية قريتها هنا فى المنتدي و عجبتنى أوي و ناوية أنفذها...و هى اننا نحط فى البيت حصالة صغيرة..و نحاول كل يوم نحط فيها ولو حتى جنيه....و كمان ساعات بنلاقى معانا فلوس فكة ملهاش لازمة...نحاول برضه نحطها فيها....و هنلاقى مع الوقت ان المبالغ الصغيرة اللى كنا بنستهين بيها عملت معانا مبلغ كويس....نقوم فاتحين الحصالة و نديه لصاحب نصيبه..و نعيد الحكاية من جديد....و أهى كلها محاولات اننا نشيل شوية من ذنوبنا و نتقرب لربنا قليلا....ربنا يرحمنا جميعا...

فعلا حلوة قوى الفكرة دى

انا حشترى حصالة ان شاء الله اول ما انزل و احط فيها اللى اقدر عليه

بس عارفين يا بنات المشكلة هنا انى مش عارفة اعمل خير فين

فى بيت للزكاة دا اللى اعرفو يعنى مش لاقية جمعيات او ناس محتاجين ذى مصر او حتى دور ايتام

مصر سهل قوى طول ما انتى ماشية تقدرى تعملى خير

عموما ممكن ابعتهم لمصر
بحس دايما ان اهل بلدى اولى من اى حد تانى

بس اذا قدر المصريين يكفو بعضهم تبقى حاجة كويسة قوى

ممكن يا كوكر تحولى الفلوس على رقم الحساب اللى بيظهر فى الاعلانات...:ل دار ايتام او مؤسسة بيكون ليها رقم حساب

بصى يا حبيبتى تحويل الفلوس بيتاخد منه فلوس عشان التحويل

يعنى اذا طلع من زمتى مبلغ حياخد منه شركة التحويل

فبحاول ابعت لماما فى وسط اى فلوس ببعتها عشان محسش بالتحويل و احط الباقى لربنا

بس اهم حاجة ربنا يتقبلو من يا رب