والله يارمال انتى خلتينى زعلت من نفسى
لانك أكتئبتى بسببى
بس استنى افوق بس وانا هعملك حفلة تجنن هنا على صفحات المنتدى
وماشاء الله عليهم البنات كلهم كانوا معايا اكتر من اخواتى كمان
وانتى نفسك كان معانا يا ام فستك

وفى حاجة تانى انا زعلانة من نفسى فيها
انا معرفتش ابعتلك اوراد الولادة بس انتى فى بالى هدور لك عليها وابعتها لك

وكمان نيفو كانت عاوزة تعرف ازاى بتعمل الاحتفالات زى اللى عملتها للميزات
ربنا يردها للمنتدى بالسلامة

سامحونى كلكم انا بكتب بسرعة ومش عارفة ارد عليكم واحدة واحدة
لانى مشغولة جدا وفى ضغط شغل فظيع عندى الايام دى عشان كده مش بعرف ادخل النت كتير

حبيبتى بوبا

انا شايفة انك تأجلى موضوع الحمل الـ 6 شهور دول ممكن باقى البنات يقولو عليا مجنونة

بس اذا مكانش فيه خطورة عليكى أجليه فعلا لغاية ما تقدرى تاخدى اجازة من شغلك بجد شغل الحكومة دا بسم الله فرصة عظيمة و ممكن يكون صعب تعويضها

بصى انا معرفش ان سافر مصر الا منك سبحان الله انا ميعادى معاه الشهر اللى جاى و مكلمتوش الفترة اللى فاتت دى
بس هو راجل فعلا اقل حاجة تتقال عليه انو مريح جدا جدا
و اعتقد انه ممكن تدخلى بعد كدة ليه هم مالهم بيكى محدش حيغصبك على حاجة
بس انتى شوفى الدكتور دا حيوقلك ايه برضو

و اذا ينفع تأجلى موضوع نزولك مصر لبعد ما تتسبتى فى شغلك اعمليها
مش عارفة ليه حاسة ان ربنا عمل الموضوع دا لحكمة و عاوزك تستنى

اصل انا مجربة الموضوع دا كتير مع ربنا كل حاجة بكون زعلانة انها حصلتلى تمر الايام و اعرف انها هى الخير بعينو و ان ربنا اختارلى الاحسن اللى معرفوش
سبحان الله فعلا

يعنى عارفة انا السنة اللى فاتت كان عندى مشكلة فى حلمة الصدر اليمين و كنت موجوعة جدا و روحت لدكاترة و قالولى عادى بس انا كنت تعبانة
عارفة انا متأكدة انو هو دا الصدر اللى حعرف ارضع منو
عشان اكيد ربنا عمل كدة لخيرى

و بعدين موضوع الحمل دا ربنا اللى بيحددو اه احنا نعمل اللى علينا بس مندمرش حياتنا و نقول عملنا اللى علينا
بالهوادة على نفسك يا حبيبتى مش كلو مع بعض
ثبتى نفسك الاول و شوفى بعد كدة الباقى
و ان شاء الله خير

بس اعيدلك تانى ميكونش فى التأخير خطر عليكى بس


اما بقى عن دكتور مصطفى انا معرفوش خالص بصراحة و بعدين انا روحت لدكتور محمد عشان دكتورى فى مصر (ثروت الاهوانى) هو اللى قالى عليه و شكرلى فيه جدا
و فعلا لما روحتلو اتطمنت ليه جدا و حسيت انو بابا مش دكتور
"ربنا يكرمو"


و انا تحت امرك فى اى حاجة تحتاجيها و اذا احتاجتى اى حاجة زيادة ابعتيلى على الخاص و انا تحت امرك لو عاوزانى اجى معاكى للدكتور اى اى حاجة انا بجد تحت امرك




رمال حبيبتى انا فعلا مكانش المفروض انى اعمل العزومة دى بس مكنتش عاوزة ازعل جوزى و فى نفس الوقت كانت معظم الحاجات معمولة من قبل كدة كان بس على تكميلها فى نفس اليوم
بس معرفش ليه تعبت
ممكن مجهودى قل مش عارفة

بس فعلا اول و اخر مرة
حرمت يا بيه



اوشى مصر نورت سلميلى على كل حتة فيها و ان شاء الله تتبسطى يا حبيبتى و تنورى الدنيا فى وسط اهلك



باقى البنات تقبلو تحياتى ليكم كلكم

السلام عليكم ورحمة الله

اخباركم يا بنات

يا بوبا ربنا يهديكي الى ما فيه خير لكي في الدنيا والأخرة
ويوفقك ويبعد عنك الحيرة ويرزقك الذرية الصالحة بدون علاج

البنات طبعا ما قصروش معاكي في الردود

وانا هقول لك ما خاب من استخار

يا بنات احنا المفروض نستخير في كل صغيرة وكبيرة في حياتنا

الاستخارة معناها انك بستشيري ربنا وتطلبي منه العون في الامر الي محيرك

وهو فيه احسن من كده ؟؟؟

استخيري وربنا يقدر لك الخير حيث كان

ولو عايزة رأيي
انا مستخسرة انك تسيبي شغلك و6 شهور صبر كمان مش مشكلة

وربنا يرزقك فيهم الذرية بدون ما تحتاجي اي علاج

:)

يا بنات اخباركم كلكم ايه

اشتقت ليك الف سلامة على انس يارب ما يشوف شر

وبالنسبة للبلطجة >>> هي بلطجة بلطجة يعني مش اي كلام بس الحمد لله ما زدتش وزني ثابت

اوشي حمدالله على سلامتك
كويس اطمنا على وصولك بالسلامة
نيفو ورمال وفطوم اخباركم يا حبايبي

كوكر الف سلامة عليكي من التعب

انتي المفروض تبلطجي خالص لحد ما تفومي بالسلامة :26: