يا حبيبتي ربنا يكرمك و يسعدك و يرزقك كل ما تتمني
دة بستاننا زاد زهرة جميلة و غالية و نادرة بوجودك معانا
انا طبعا مش عاوزة ارغي كتير و لا هقدر اقول حاجة بعد كلام رمال و اوسة
و كمان انت ما شاء الله عليكي 000ربنا يزيد ايمانك و يقويه
بس حاولي تقيمي الليل على اد ما تقدري و عليكي بالاستغفار و الصدقة بنيّة الحمل و الدعااااااااااااااااء و التذلل الى الله
و انا متأكدة ان ربنا مش هيردك خائبة ابدا
ربنا يسعدك و يصلح احوالك يااااااااااااااااااارب

صباح الخير و الورد و الفل و الياسمسن على بناتى القمرات..

بسم الله ما شاء الله و لا قوة الا بالله....

بجد انا قلبى مش مستحمل الفرحة ديه كلها بالأخبار الجميلة ديه.....ده ربنا بيحبنا أوي يا بنات....ما شاء الله 3 مننا ربنا يطلبهم فى بيته الحرام هذا الشهر...الف مبروك لنوفى و طمطم و ان شاء الله تحصليهم يا أم أنس.. و عقبالى أنا و باقى البنات لما ربنا يكتبهالنا إحنا كمان...

شفتم بقى ان ربنا بيحبنا ...و بيكتبلنا الخير بالجملة.....و ان شاء الله برضه هيكتبهولنا بالجملة فى موضوع الإنجاب برضه......

أما أختنا مشتاقة لمكة....فبرحب بيكى فى بيتك ووسط أخواتك يا حبيبتى....نورتينا و يا ريت تفضلى منورانا على طول...على فكرة اسمك حلو أوي...بصى يا ستى أنا مش هازود على كلام حبايبى ليكى كتير....لكن عايزة أقولك انه مهما كان المرض فمفيش حاجة اسمها مفيش أمل أو الأمل ضعيف...لسبب مهم و هو ان الطب كل يوم بيتقدم و فيه جديد...و اللى ملوش علاج النهاردة ...بكرة يبقاله علاج...يبقى الدكتور اللى يقول كده...معلش يعنى ..ميستاهلش غير انه يقعد فى بيتهم ...لان ده معناه انه مش عايز يطلع على الجديد....و بعد كل ده عندنا الأهم...و هو رحمة ربنا التى وسعت كل شئ...و بعدين يا جماعة كنت قريت حاجة عجبتنى أوي و هى ان الدعاء هو الحاجة الوحيدة اللى ممكن ترفع البلاء اللى ربنا كتبه...فياريت كلنا و احنا بندعى نخلى دايما الدعاء ده فى بالنا ( اللهم قنا و اصرف عنا شر ما قضيت)....ربنا يا حبيبتى يرفع عنك البلاء و يشفيكى و يريح قلبك و يرزقك الذرية الصالحة المعافاة....

صباح الخير يا بنات

يا رب تكونو كلكم بخير يا رب



اولا احب ارحب باختنا الجديدة المشتاقة لمكة اهلا بيكى يا حبيبتى معانا و ان شاء الله حنباركلك قريب

بصى انا حقولك حكاية جابوها مرة فى التليفزيون عن واحد صغيرة فى العشرينات بس ربنا امتحانها بأنها جالها فى السن دا سن سأس مبكر
بس هى ميأستش و قالت انا حطلب من ربنا و ان شاء الله حيكرمنى مع ان كل الدكاترة قالو خلاص معندكيش دورة يعنى مافيش بويضات تلقح

المهم اقلت بأصرار كل شهر حتابع تبويض عند الدكتور و قعدت شهور تيرة كل شهر تروح و مافيش حاجة طبعا لحد ما مرة ظهرت بويضة الدكتور نفسو مصدقش
و قالها على ميعاد لقائها مع زوجها و تم فعلا و سبحان الله ماتش الدورة فى الشهر دا برضو عشان طلعت حامل بأبنها الوحيد و دىكانت اول و اخر دورة جت ليها

الواحد مييأسش و انا دايما كنت بفكر فى ستنا مريم اقول ربنا من عيها من غير زوج خالص يبقى ان شاء الله فى امل بس منسيبوش من ايدينا و من قلبنا و ان شاء الله فرج ربنا حيكرمنا

و ان شاء الله محاولتك اللى جاية فى اطفال الانابيب حتنجح بأذنه

انا لما الدكتورة اللى عملتلى الحقن عرفت انى حملت مكانتش مصدقة لأن فرصتى كانت ضعيفة دا بس عشان ربنا أراد انو يكرمنى

فاكيد ربنا حيكرمك انتى كمان بأذنه ان شاء الله

ربنا معاكى و معانا كلنا بأذن الله و يفرح قلبونا



اوشى بجد مافيش كلام ممكن يتقال بعد اللى قالتو نيفو
انتى تابعى عند الدكتور و شوفى موضوع البرولاكتين دا ايه نظامو و انا بسمع انو عشان ينزل سهل جدا و مش بياخد وقت بس لازم تتابعيه
و ان شاء الله ربنا يكرمك بأذن الله


بوبا طمنينا عليكى يا جميلة و ان شاء الله يكون فى اخبار جديدة تطمنا


نيفو ان شاء الله عمرة مقبولة بأذن الله
عارفة انا اول ما شفت الكعبة فضلت متنحة و انا ماشية رايحالها و كل اللى طالع عليا ان دموعى نازلة بس انا مكنتش بعيط كانت دموعى نازلة كانت حالة غريبة فعلا
و دعيت دعوة اوصى بيها الشيخ الشعراوى" اللهم اجعلنى مستجيب الدعاء" متنسيش تدعى الدعوة دى برضو و ان شاء الله ربنا يكرمنا على حس الدعوة دى


باقى البنات ربنا يكرمنا جميعا بأذن الله

أما أوشى الجميلة...فحسب معلوماتى البسيطة فى هذه القصة ...فاقدر أقولك ان تحليل ال FSH و ال LH....بسم الله ما شاء الله و لا أحسن من كده......لكن البرولاكتين هو اللى عالى لان نسبته الطبيعية المفروض متزدش عن 25 ..لكن طبعا ده فعلا أخف الأمور لأن علاجه سهل أوي.....

كده فاضلك يا قمر انك تعملى تحليل البروجسترون فى اليوم ال 21 من الدورة ...و ان شاء الله نطمن عليكى و تكون الأمور كلها زي الفل...

استمتعى فى مصر على أد ما تقدري...ربنا يرجعك بالف سلامة...

بوبا....يا ريت يا حبيبتى تيجى تكمنينا عليكى أول ما ترجعى من عند الدكتور....و يا رب يا حبيبتى يكون ربنا هداكى للى فيه الخير....و الحمد لله ان ربنا بعتلك أختنا كوكر ...و الحم لله انه دلك على طبيب كويس و انتى عندك....متهيألى كده يبقى ممكن تتابعى و تظبطى الحال من و انتى عندك...من غير ما تخسري شغلك و لا إقامتك ..و ان شاء الله ربنا هيكرمك....و متفكريش فى الوقت يا حبيبتى....يمكن فى المهلة ديه فعلا ربنا يكرمك من غير دكاترة و لا غيره...

طب عارفين يا بنات...هاقولكم على حكاية فعلا تبين ان ربنا لو رايد يدينا...مفيش حاجة هتمنع ده حتى لو الدكاترة اجمعوا على استحالته...

أعرف واحدة تاخرت كثيرا فى الحمل...و بعدبن ربنا أكرمها بالحمل...و عند الولادة....حصل ضرر كبير للرحم...لدرجة ان الطبيب قالها بصراحة مش هينفع حمل تانى مع حالة الرحم ديه...فهى اكتفت بما رزقها الله و رضيت...و لم تستعمل مانع....عايزة أقولكم انها على الأربعين كانت حامل تانى.,... و ربنا سبحانه و تعالى كمل حملها التانى على خير و رزقت بطفل جميل معافى....

يبقى يا جماعة...بالرغم من كل شئ نعمل اللى علينا...لكن يبقى أملنا فى الله أكبر من كل شئ

اللهم عاملنا بما أنت أهل له و لا تعاملنا بما نحن أهل له....