boba boba :

اولا طبعا برحب باختى المشتاقة لمكة وماشاء الله مختارة لنفسها اسم جميل قوى ثانيا ببارك لنيفوو حبيبة قلبى على العمرة معلش انا اول مادخلت كتبت الرد اللى فات عشان اطمنكم عليا وبعدين قريت الردود وسبحان الله فرحت قوى لما عرفت ان نيفووو طالعة العمرة وانا لسة كنت بقول لكم انى نفسى اطلع عمرة ومحتارة عشان كمان عاوزة اجيب ماما بس حسيت ان انا ونيفو واحد يعنى يمكن ربنا يسر لها العمرة فى الوقت ده بالذات هى وطمطم وام انس عشان خاطرهم وخاطرنا معانا وهى اهه بتقول انها كانت حاجزة على شهر رجب بس ربنا ما ارادش وكتبهالها دلوقتى ماهو ربنا كريم ادعيلى بقى يانيفو انتى وطمطم وام انس شفتو الطمع بس معلش اصل انا تعبانة قوى ودعواتكم هتكون قبل العملية وان شاء الله هيستجيب منكم انا اهه طمنتك يا اشتقت ادعيلى بقى انتى يمكن تكونى بتكتبى مشاركتك وانا كمان كنت بكتبها فى نفس الوقت وربنا مايحرمنى منك ياكوكر والله كلامك بيريح قلبى قوى وانا فعلا مع انى قلقانة لانى لوحدى هنا بس دلوقتى مطمنة ان ليا اخت ربنا يباركلها على الاقل هتدعيلى وانا داخلة اعمل العملية بس انا مش عارفة ابعتلك رسالة خاصة لو تعرفى ازاى قوليلى او ابعتيلى باذن الله رسالة وانا ارد عليها حد يعرف حد ممكن يكون عمل العملية دى وهى سهلة ولا ايه؟ انا بحبكم كلكم فى الله ومش عاوزة اكون ناسية حد بس كلكم واحشنى

اولا طبعا برحب باختى المشتاقة لمكة وماشاء الله مختارة لنفسها اسم جميل قوى ثانيا ببارك لنيفوو...

اشتقت اليك :

رمال....معلش يا أم فستوكى انشغلت عنك النهارده شوية....عاملة ايه يا قلبى...و بعدين ايه العبط و الخوف ده....يا بنتى يعنى كلنا بندعيلك بساعة سهلة و بعد كل ده و خايفة.....و سبق و قلتلك الولادة سواء طبيعى أو غيره فآخرها أسبوعين و بعدها بتتنططى زي ال..... يبقى ليه الخوف يا قلبى.....شدي حيلك انتى بس و ان شاء الله ربنا يجيبلك ساعة سهلة و يقومك بالف سلامة و يوريكى وش فستوك على ألف خير يا رب...و عقبال باقى أخواتى الحلوين...

رمال....معلش يا أم فستوكى انشغلت عنك النهارده شوية....عاملة ايه يا قلبى...و بعدين ايه العبط و...

رمـــــال :

بوبا حبيبتى انا كتبت المشاركة دى ولا تلات مرات وكل مرة بتتمسح بصى بقه الخلاصة يا حبيبتى اولا انا لو مكانك هستخير قبل اى شئ وحاولى تكثرى من الدعاء بتاع الاستخارة بين الاذان والاقامة وفى مواطن استجابة الدعاء .. الحاجه التانيه كلام الدكتور بتاع النهاردة بردة منطقى يعنى يخليكى فعلا تفكرى انك تتراجعى عن حكاية نزولك مصر بس انتى قبل ما تقررى الخطوة دى محتاجة تتناقشى مع دكتور عادل لكى يطمئن قلبك ليس اكثر ولا اقل واى سؤال او استفسار عندك بخصوص العمليه اسأليه هتلاقى رده وافى وكافى بامر الله ورد د عادل عليكى هيكون اكيد جزء من الاستخارة ويوجهك للطريق السليم .. برغم انى برده بقول ان كلام دكتور النهاردة كويس ومعقول جدا لكن انتى محتاجة رأى يأكد الكلام بتاعه علشان تكتمل الثقه .. الحاجه الاخيرة بخصوص موضوع العمرة ولا تجيبى ماما .. بصى يا قلبى انا معاكى الواحد فى الغربة بيحتاج ماما تكون معاه اوى وبيفتقدها اكتر من اى حد خصوصا فى المواقف اللى زى دى بس يا حبيبتى انتى فى موقفك ده مش محتاجه غير ان ربنا يكون معاكى بإختصار انا بقول تروحى العمرة وتدعى ربنا هناك انه يكون معاكى وييسر لك امورك فى العمليه ويهون عليكى اى عناء بالاضافه الى انك تدعي ربنا انه ييسر لك الامور بحيث تقدرى تجيبى ماما كمان وان شاء الله الدعاء هناك مستجاب يبقى انتى كده كسبتى الاتنين .. وبعدين يا بوبى بصراحه المواقف دى الزوج وجودة بيكون مهم اوى وبالنسبه لى شخصيا يوم ولادتى هبقى محتاجة لزوجى اوى اوى اكتر من اى حد تانى وهيكون وجودة مؤثر جدا فى حالتى النفسيه حتى لو ماما حبيبتى معايا وجمبى ربنا يخليها لى بس صدقينى وجود الزوج حاجه تانيه خالص وهيبقى كأن كل الناس حواليكى ... علشان كده روحى العمرة وانتى مطمئنة جدا .. خصوصا يا بوبا ان كل اللى عملوا العمليه بتاعتك دى محدش اشتكى منها او قال انها صعبه انتى كل المسأله هتاخدى شويه بنج وبعدها لما تفوقى هتقومى زى الحصان وبعدها مش هيكون فى تعب شديد يخليكى ترقدى لا قدر الله لا يا قلبى اطمنى خاااااااااااالص دى حاجه بسيطه اوى اوى ومش هتاخدى اساسا وقت فيها .. امال بقه اللى بيولدوا وهمه بعيد عن اهلهم يبقوا ايه ؟؟ اجمدى كده والمسأله بسيطة ابسط مما تتخيلى ان شاء الله وبجد بجد مش عارفه اقللك ايه ولا اشكرك ازاى على الاوراد دى ربنا يجزيكى الف خير يا حبيبتى لانى مكنتش اعرف انها شرعيه اساسا لكن طالما قلتى ان الشيخ ابن عثيمين افتى بجوازها ريحتينى اوى وهفضل اقولها لحد يوم الولادة ربنا يكرمك يا بوبا ويجعل ده فى ميزان حسناتك ويصلح لك احوالك يا رب .. اه صحيح بالنسبه لمعاد الولادة انا فى الشهر التاسع يعنى فى اى يوم يا جميل :06: دعواتك

بوبا حبيبتى انا كتبت المشاركة دى ولا تلات مرات وكل مرة بتتمسح بصى بقه الخلاصة يا حبيبتى اولا...