السلام عليكم ورحمة الله وبركاته

صباحكم زي الفل

عاملين ايه كلكم يارب بخير دايما

رمال واشتقت بعد كلامكم قررت استأنف العلاج

وسألنا على دكاترة مكونش رحتلهم قبل كده لأني فاقدة الثقة في كل الي رحت لهم

فناس قالوا لنا على دكتورة استشارية وكمان مناظير

حجزنا النهاردة الصبح بس الجو كان ضدنا مرحناش

والحمد لله على كل حال

البريود شرفت وان شاء الله على يوم الاربع اروح مكة

يعني نيفوا وانا هندعي لكم في نفس الوقت هناك


ويا رمال بجد زعلت منك

7
7
7
بقى لو عايزة حاجة طرية تعضي فيها مجيش في بالك ؟؟؟؟؟

يعني هي اشتقت اطرى مني ؟؟؟؟؟:hahaha:

صباح الخير يا قمرات....الظاهر ان المنتدي كان غضبان عليا...من امبارح بالليل مش عارف أدخل...وحشتونى من ساعتها لحد النهاردة...و بصراحة كمان مش عايزة أخبى عليكم ...اليومين دول السوق صعب مووت..و عايزة أقولكم ان جلسه امبارح كانت صعبة بشكل مريع و فضلت متوترة بعدها و مش قادرة أبص للكمبيوتر لحد بالليل....ده غير انى اتعديت من أنس و نفوخى هيضرب من البرد و الصداع ....وكمان لما نويت أدخلكم المنتدي عملها معايا..

رمال...طبعا محدش يملا مكان نوفى حبيبه قلبى ...لكن لو فستوك حبكها انا فى الخدمة...اختاري الحته اللى تعجبك و عضى فيها...و كمان على رأي أم أنس حبيبتى...المنتدي كله ما شاء الله مليان طراوة..و الحقى عضى قبل ما نسيحوا الدهون ديه كلها....

أم أنس...متتخيليش فرحت أد إيه لما عرفت انك نويتى تكملى العلاج...بجد يا حبيبتى استمري و ان شاء الله ربنا مش هيضيع تعبك أبدا...

نيفو..أيوه كده نورينا على طول لحد ميعادد السفر يا قلبى...ربنا يرجعك لينا بالسلامة يا قمر...

مشتاقة لمكة... شفتى قدرة ربنا بقى....يبقى ننحى اليأس جانبا و نركز بس مع الدعاء و نحسن الظن بالله...وان شاء الله ربنا هيكتبلنا كل الخير...

إيناس...باضم صوتى لصت رمال و اقولك فعلا يا ريت تقوليلنا مشكلتك ايه ووصلتى لفين يا حبيبتى ..علشان نبقى متابعين معاكى....ربنا يخليلك ابنك و يباركلك فيه و تخاويه قريب بأمر الله...

بوبا...فينك النهارده...تعالى يلا علشان تقوليلنا انك استخرتى و أخدتى القرار النهائى...يلا بقى مش عايزين نضيع وقت....

طمطم...طال الغياب يا قلبى و شوقى اليك زايد .....(ايه رايك فى الحته ديه بقى)

هوبه..أم مريم...دودو...شيمولاتا...دينا....فينكم...تعالوا طمنونا عليكم

آه صحيح...بالنسبة لأم أنس و نيفو و طمطم....أوعوا تنسونا فى الدعاء...و لو عرفت ان واحدة فيكم مأخدتش لسته الأسماء معاها ...هاجيلها فى المطار وو أهريها عضعضة و لا عضعضة واحدة بتولد 3 توائم....انتو سامعين...

اشتقت اليك الموقع فعلا النهاردة من اول النهار مش عايز يفتح معايا برغم ان كل المواقع التانيه فتحت .. عموما انتى شكلك تعبانه من جميع النواحى يا قلبى .. الف سلامة عليكى خلى بالك من نفسك وياريت تريحى اليومين دول على الاخر طالما البرد داخل عليكى .. وحاولى متقربيش كتير من انوس ولو انى عارفه ان غصب عن عينيكى لازم تقربى بس على الاقل حاولى تاخدى احتياطاتك شويه واشربى حاجات دافيه كتير وبرتقال كتيييييييييير .. وبالنسبه للجلسه بتاعه البورصه مانتى يا حبيبتى عارفه انها يوم فوق ويوم تحت ده مش جديد .. جمدى قلبك واشربى بيبس .. :hahaha: وكله هيبقى تمام ..

أم انس ,, والله فرحتي قلبى بجد ايوة كده شدى حيلك وكفايه تضييع وقت ودلع بقه يالا شوفى حالك وان شاء الله تسمعينا اخبار حلوة قريب ولما تروحى للدكتور ابقى طمنينا يا قلبى وتروحى وترجعى بألف سلامة من العمرة .. طبعا مش هوصيكى الدعاء يا حبيبتى

اه صحيح يا ام انس .. ما تزعليش منى يا قلبى انا قلت لاشتقت اليك علشان هى فى مصر بس وانتى لو كنتى هنا مكنتش رحمتك ده انتى فى نعمه يابنتى انك مش هنا لانى عارفه نفسى هبقى عامله ازاى ساعتها يعنى الله يكون فى عون شوشو :o.. وعموما كلكوا محدش يزعل فيكوا اللى يحب يتطوع يرفع صباعه بس مليش دعوة اللى هتشتكى فيكوا وتقول اى مش هسيبها

طماطم لسه بردة مش باينه .؟؟ لا الله يكرمك انا بجد بدأت اقلق عليكى انتى مش بتغيبى كتير كده .. يارب يكون خير ونطمن عليكى

بوبـــــــا ,, فينك يا قمر .. مش تيجى تنورينا بقى انتى اخر مرة قلتى انك مشغولة وعندك ضغط شغل جامد .. حاولى تفكى من الشغل حبه وتيجى تروقى معانا وتطمنينا عليكى

هااااااااااااااااااااااااااااااااااااااااى
اوعوا تنسونى فى الدعاء ان ربنا يشفى جوزى ويكرمنا امانة عليكم
وحشتونى
بحبكم فى الله