صباح الفل والورد والياسمين والقرنفل على أحلى بنات فى الدنيا
بصو بقى انا هقلكو على احساسى انا طبعا سعيدة جدا لانى هروح اجمل مكان فى الدنيا وهروح مسجد حبيبنا رسول الله صلى الله علية وسلم
اما بقى عن ذكرياتى هناك فهى انى قبلت جوزى وعرفتة هناك وكان حب من اول نظرة طبعا هتقلولى انتى ريحة تعملى عمرة ولا تحبى زى ما كل الناس قلتلى
انا قبل مااروح كان متقدملى اتنين طبعا جوزى مش منهم وقلت هرد بعد مارجع من العمرة ورحت ودعيت وانا على باب الكعبة ان ربنا يوفقنى للخير ولفيت وراية لقيتة كان معايا فى الفوج بس مخدتش بالى منة غير فى الكعبة وطبعا الطواف سبع مرات وفى كل مرة انا ادعى والف القية وكنت هجنن لية الاحساس الى جوايا دة ولما رجعنا لقيتةكلم اخويا وطلبنى منة فرحت جدا زى مكون مستنية انة يطلبنى ولما قعدنا مع بعض قلى انة كان بيدعى عند باب الكعبة ان ربنا يرزقة ببنت الحلال وكان بيلقينى قدامة لحد مقتنع ان ربنا حطنى فى طريقة علشان اكون مراتة وحببتة وعايزة اقولكو اننا اتجوزنا فى ستة شهور وكل يوم بنحب بعض اكتر من اليوم الى قبلة عرفتو بقى ان اجمل حاجة فى حياتى كانت فى بيت الله الحرام علشان كدة انا كنت مصممة انى اعمل العمرة قبل العملية علشان ربنا يكرمنى باحلى حاجة تانية فى حياتى ايى رئيكو بقى فى قصتى
صباح الفل والورد والياسمين والقرنفل على أحلى بنات فى الدنيا
بصو بقى انا هقلكو على احساسى انا طبعا...
بوبــا .. ازيك يا حبيبتى كويس انك طمنتينا عليكى يا قلبى .. ما تقلقيش على ماما خالص ربنا معاها بأمر الله وهتقوم بألف ألف سلامة بس انتى قولى لها تدعى لك يا حبيبتى كتير متنسيش وان شاء الله كله هيبقى تمام والعمليه هتعدى على خير
فاطمة .. كلام جميييييييييل وكلام معقول مقدرش اقول حاجه عنه :heart:... ايه يا عم الرومانسية دى :32:.. ربنا يحفظلك زوجك ويبارك فيه ويبارك فيكى ويجعلك قرة عين ليه .. سبحان الله انه جمع بينكم فى المكان ده انا لو مكانك كنت هقول لنفسى اكيد بحلم بس كمان هقعد اشكر ربنا كتير على كرمة معايا بالطريقه دى .. وان شاء الله يكون ده دليل على ان ربنا راضى عنك يا طمطوم وعن زوجك كمان .. فعلا انتى عندك حق انك تختارى العمرة الاول قبل العملية ده القرار السليم.. ربنا يتمم رضاه عليكى بالذرية الصالحة يا حبيبتى وتشوفى البشرة وانتى هناك يا حبيبتى:04: .. بس لو سمحتى مش هوصيكى فى الدعاء
المشتاقة لمكة .. ازيك النهاردة يا حبيبتى عامله ايه .. يارب تكونى بألف خير ... انتى مختفيه ليه يا حبيبتى ..؟؟ :26:
أوشـــــــى .. بصى يا حبيبتى انتى بتقولى مش عندك اى اعراض قرحة .. بنت خالتى كان على طول عندها حرقان وهرش غير عادى ... حاولى تستخيرى كويس اوى على موضوع القرحة دة تعمليها ولا تأجليها مفيش حاجة اسمها هنعمل القرحة وخلاص يا بنتى وبعدين القرحة مش هتمنع الحمل وده كلام الدكتور بتاع بنت خالتى بس هى بتتعب الواحدة وطالما انتى مش تعبانه ولا بتعانى من هرش ولا حاجه يبقى اصبرى شويه .. ثم عايزة اعرف يعنى ايه قرحة خلقية ؟؟؟؟؟ وبعدين مش قلت لك يا بنتى اتصلى ب د عادل وهو يفيدك اكتر من اى حد على الاقل علشان تتأكدى من كلام الدكتورة التانيه بردة ... ابعتى له ايميل حتى هتلاقى تانى يوم يرد عليكى بأمر الله ومش هيتأخر وانا بصراحة مش معايا الميل بتاعه بس اى حد من البنات لو سمحتوا ممكن يديه لك على الخاص
وبعدين الحمدلله اهه فى بويضات والدنيا تمام التمام يعنى معندكيش مشاكل الحمدلله والبرولاكتين قلنا ينزل من علاج بسيط خالص معظمنا اخد العلاج ده وبقى تمام بس انتى بطلى قلق وبلاش تسلمى بكلام الدكاترة وخلاص علشان قبل ما تعملى حاجه تكونى متأكده تماما انك محتاجة تعمليها فعلا .. وربنا يقدر لك الخير يا حبيبتى بس طمنينى عليكى على طول يا اوشى وقولى لى هتعملى ايه لو سمحتى علشان ما اقلقش عليكى
إيناس .. احنا منقدرش طبعا على زعل الحبايب خالص :D.. انتى حاولى تستعملى النت وهو بره البيت ولما يرجع بلاش تستخدمى الكمبيوتر خاااااالص همه كلهم كده يا عزيزتى :blink::blink:... بس ابقى طمنينا عليكى يا روح قلبى
أم أنس .. ازيك يا جميل عامله ايه ياترى الجو النهاردة ما اتحسنش شوية ؟؟
إشتقت اليـــك ... ازيك يا قمر القمرات .. عامله ايه يا حبيبتى يارب تكونى تمام وبخييييير يارب :33:
كوكــــــــــر ... ضحكتينى موت والله على اسبرين جوزو دى .. انتى فقرية خالص :glotz: وشكرا يا حبيبتى على سؤالك عليا وما تقلقيش والله من ناحية الدعاء انا هدعى لكم كلكم بأمر الله وقت الطلق وربنا يهون علينا جميعا الحمل والولادة دى حاجة ربنا كتبها على بنات حواء كلهم ربنا يجعله فى ميزاننا كلنا يوم القيامة
أم مريم ... ازيك يا قمر .. جزاكى الله خيرا على مشاركتك الجميله جدا جدا دى ربنا يحفظك يا قلبى ..
وبردة لازم اخيرا اختم بنيفو حبيبتى مبحبش المشاركة تبقى فاضيه من اسمها الغالى .. ترجعى لنا بألف سلامة يا حبيبة قلبى ربنا يمتعك بالعمرة يارب ... زمانك دلوقتى فى مكه يا حبيبتى .. اغلى مكان على وجه الارض ..