الزوجة الأولى عندها عقدة نقص ..أما أنها ماتعرف تلبس وتكشخ ..وخافت أخت زوجها تاكل عليها الجو وتفتح أبواب مسكرة ..

أو انها فاقدة للثقه بنفسها ..

ببساطة هذا هو التفسير لحالتها ..

الحالة الثانية

الله يعطيها على قد نيتها ..

ولاتخافين على زوجة الولد ..عقب ماشفت تاخذ حقها وزيادة من خوات زوجها ..

انتي ماتعرفين أيش الضروف اللي تخلي أخت الزوج تعاملها كذا ..!!

فلاتحكمين أللين تشوفين بعينك ..

انا عن نفسي أخوات زوجي لو يكشخن لبكرة ,, ماعمري غرت منهن ولا فكرت اغار ,, وحتى لو مدحهن زوجي مو معناتها قاعد يقارن بيني وبينهن .. بس ياربي لك الحمد عندي واحد مايحب المكياج والزين المبالغ ابدا << معاناة صدق ..

وبصراحة مرت الاخ لازم تكبر راسها وتعرف مكان الغيرة الصحيح .. انا عن نفسي مرة كنت عند اهلي وزوجي بيجي من السفر ياخذني وقعت استشور في الصالة عند اهلي وكان اخوي قاعد ويروح ويجي وانا شعري من غير مبالغة ملفت شوي بطوله وكثافته .. بعدها بايام قالت لي اختي ان مرت اخوي متضايقة ذاك اليوم مني / تقول قلت الاماكن تمشط شعرها عندنا !!!!

والله يابعض الحريم لو حصلها تحط زوجها بخيشة عشان لايشوف احد
تغار من خواته ومن امه ومن السلايف ومن اخوانه ومن الصغير والكبير مابقا الا البنقالي راعي البقالة تغار منه
وكل هذا لانها ماعندها ثقة بنفسها...نصيحة ترا الرجال تطيح من عينه المرأة اللي ثقتها بنفسها مهزوزة

عااااااااادي احيانا احب اكشخ لو اني لحالي بالبيت كذا اكشخ لنفسي


والله فيه ناس تفكيرهم غريب مره وصدقيني ماراح تغار وتقول كذا اللي حاسه بالنقص


اما اللي واثقه من حالها مستحيل يجي بفالها هالتفكير

:)

زينه زواجات !!!!

لا والله مو عادي
وش دعوا بزور اخوي ما اخلي في المكياج شي الا حطيته !!!
لا والله الا يازين المكياج الناعم
اصلا لانو مكياح العروس ماينفع له الا الشدو القوي والحكل الاوفر والاساس الثقيل لانو الاضاءه قويه
اجل ليه سووا مكياج للسهرات ومكياج ناعم للطلعات وما شابه !!!

مااحب ابدا اللي مكياجها هو هو في المناسبات او في الزيارات
ياختي لكل مكان وضعه واسلوبه وكشخته