السلام عليكم و رحمة الله و بركاته .
يومكم اخضر و اعلام ترفرف باسم الوطن
< مجهزه الموضوع من امس و عيا ينزل .. :/اشتغلت بالاسبوع الماضي طاقيتين لبابا الله يحفظه , بعد تجارب عديده للباترونات و القياسات , ضبطت الثنتين و الحمد لله ,
و لسا ناويه اعمل غيرهم , نويت اشتغل خمسه مع تصوير الخطوات و انزل الشرح كامل لهم اساعد فيهم الاخوات ,
بس خوفا من ضغط الدراسه اللي مابعد بديناها ,, توكلت على الله و بنزل شرح طاقيه وحده بس ,
و الجايات ان شاء الله لو اشتغلتهم و وفاني الوقت بالتصوير و الشرح مابقصر معاكم ..
استخدمت خيط حلوان مصر مع سناره 2 مم اسرع للشغل و افر للوقت و الثنيتن كلفوا تقريبا 50 جرام بس .
نجي ع الصور .
بالاول اشتغلت على باترون , صارت القاعده كبيره ومهما كملت شغل فيها تتعبني لين فكيتها و دورت شي غيرها ..
( و لو قللت البتلات ممكن كانت تضبط بس خلاص عفتها حاليا ههه)
-
بعد صرت افرفر بالمنتديات و اشوف الورشات و حبيت اخذ القاعده من شرح اخت الله يجزيها الخير , حلو و بسيط ,
باقي الشغل فيليه بسيط من عندي ,
لو حبيتو ممكن انقل الشرح ,
--
الموديل الثاني ,
اخت الفكره من قبعه بناتيه صيفيه و نفذتها مع تغييرات مني ,
( حبيتها لبساطتها و لانها مشابهه للي فكيتها )
بسيطه جداً بالشغل , و ساعت قليله و هي خالصه ,
عجبتكم .. !!
هي اللي راح اشرح طريقتها بالصور ..
انتظروني جايتكم بالشرح ..
بالاول , حابه اقول الافضل تتركوا طاقيه جنبكم و تشغلوا عليها قياس ,
افضل لان ممكن يكون في اختلاف مع نوع و سمك الخيط و السناره ,
و كمان لاختلاف الاذواق , بعض الرجال يحبوا الطاقيات تكون واسعه و بعضهم مضبوطه , و البعض يحبها واصله للأذن و البعض لاء ,
فالافضل ناخذ طاقيه عزيزه و محبوبه لتكون قياس لنا .. :D
نبدأ / بسم الله ,
بالاول دائره سحريه أو 4 سلاسل و نغلقهم بمنزلقه ,,
الأحمر ,
السطر الأول / 3 سلاسل للارتفاع + 11 عمود بلفه
المجموع = 12 عمود .
-
بالأسود /
السطر الثاني / 3 سلاسل+ عمود
عمودين فوق كل عمود , المجموع 24 عمود .
-
بالأخضر /
السطر الثالث / 3 سلاسل للرتفاع + عمود + سلسلتين + عمودين + سلسلتين ..... إلى آخر السطر .
-
بالأصفر ..
السطر الرابع / 3 سلاسل للارتفاع + عمودين على نفس العمود + سلسلتين + عمودين + سلستين + عمودين فوق كل عمود ..... لآخر السطر .
الناتج / 6 مجاميع بالتزايد / و 6 مجاميع مكونه من عمودين فقط .
و بين كل منها سلسلتين .
-
بالأزرق ..
السطر الخامس / التركيز على مجاميع التزايد , بحيث نشتغل تزايد على العمودين بالطرف ...
-
بالنفسجي ..
السطر السادس/ نفس الشغل .
التركيز على مجاميع التزايد , بحيث نشتغل تزايد على العمودين بالطرف ...
باقي الشغل اعمده بس .
-
بالأخضر ..
السطر السابع / نفس الشغل السابق .
التركيز على مجاميع التزايد , بحيث نشتغل تزايد على العمودين بالطرف ...
باقي الشغل اعمده بس .
-
بالبرتقالي + البني ..
السطر السابع + الثامن / نفس الشغل السابق.
التركيز على مجاميع التزايد , بحيث نشتغل تزايد على العمودين بالطرف ...
باقي الشغل اعمده بس .
و هكذا حتى نصل لمحيط الرأس , حسب سمك الخيط و سنارة الشغل .
انتظروا باقي الشرح لو شفت حدا معايا ..