مسيتوا الوتر الحسااااااااااس
أولا السلام عليكم ورحمة الله وبركاته....
شحالكم بنات طالباااات ومعلمات.....
طبعا أنا عرفت عن نفسي مسبقا بس ماعليش لو عرفنا مرة ثانية....
بسم الله الرحمن الرحيم....<<<<< شعندها هذي لايكون هيه وزيرة مادة الانجليزي...:01:
معاكم طالبة من كلية في الامارات تخصص "تعليم الانجليزية للأطفال الصغار"
Teaching English For Yong Learners TEYL
المهم نحن ماعندنا شغلة الا هالعيال ندورلهم ألعاب ونقعد ندرسهم عن طريق الالعااااااب...
تخصصنا من جامعة ملبورن في استراليا.... يعني كله اساليب اجنبي X اجنبي
واللي تبا أي ألعاب وأي طريقة للتدريس الاطفال تسألني.... على طوووووول بعطيكم ألعاب ووسائل.... وموااااقع حللللوة بعد....
المهم ...... تدريس الانجليزي ينقسم لتدريس وتنمية أربع مهارات في الطلبة أو التلاميذ...
SPEAKING
READING
WRITTING
LISTINING
يالله ببدأ معاكم في ألعاب
ال SPEAKING
وعشان أحدد استخدام اللعبة خلينا نحط موضوع الألوان كدرس من الدروس...
اللعبة تستخدم لتدريس عدة أمور في الانجليزي... وهنيه بقولكم كيف تستخدمونها لتدريس الألوااان...
MY Colours Balloon
الوصف:
لعبة البالون لعبة تشجع البنات على المحادثة بالانجليزي فيما بعضهم والبحث والاطلاع على شتى الالوان في المجلات والتحدث معهم فيما يشاهدون في المجلات.. تقوم الطالبات بالبحث عن ألوان معينة في المجلات... تقصها ثم تقوم اخرى بنفخ البالونة والصاق اللون المعين على هذه البالونة هكذا حتى تمتلئ البالونة بألوان مختلفة.... تقوم المعلمة في النهاية باختيار واحدة من البالونات وتلعب بها مع الطالبات ... اللعبة ماتكون تفرين للبنات البالونة بعدين يرجعونها لج.... لا .... بشرح كيف ممكن تستفيدون من اللعبة في النهاية....
الأدوات:
-عدد 4 بالون (4groups of girls) والبالونات تكون من النوع الكبير والقوي
-مجلات قديمة ... طلبيهم من الطالبات مسبقا أو من عندج... أو جرائد
-صمغ UHU
-مقصات
اعدادات مسبقة:
1- لازم لازم تكون الأدراج مرتبة مسبقا على اساس 4 مجموعات متفرقة في الصف.
2- قسمي الطالبات ل 4 مجموعات-كل مجموعة لازم تكون عندها عدد كافي من المجلات والجرايد.. يكفي مجلة لكل ثلاث اوثنتين... ولازم يكون صمغ ومقص فكل طاولة
الخطوات
خبري البنات انج الحين بتلعبين لعبة البالونات.... شوقيهم وقوليلهم انه نحن راح نتصفح المجلات (وراويهم المجلات مع الحرص على نطقها بالانجليزي) وراح ندور على الألوان كلها.... راح نقص هالالوان وبعدين بنلزقهم علي شي انتوا تحبووووووونة .... وتحبون اطيرونه في الهوى (أونه تشويق) وخبي البالون روا ظهرج.... وخليهم شوي يحزرون شو وراج.... ساليهم شو تتوقعون ياحبيباتي وراي؟؟؟؟ طابوقة؟؟؟؟ لاااااااا مع الضحك طبعا...! تتوقعون وراي شوه؟؟؟؟؟ دفتر؟؟؟؟؟؟؟؟؟؟ سندويشة؟؟؟؟؟؟؟؟؟؟ زبدة؟؟؟؟؟؟؟ مسدس؟؟؟؟؟
يعني العبي باعصابهم مع التشويق .... بعدين قولي بصوت عالي: معاي بالوووووووون
:32::32::32: البنات راح يموتون..... موب عشان البالون بحد ذاته... لا عشان اسلوب التشويق والضحك اللي بديتي فيه....
قوليلهم التعليمات....
ياحبيباتي .... انا بقسمكم لمجموعات..... كل مجموعة تروح عند طاولة.... بتحصلون هناك
مجلات.... شو تسوون بالمجلات؟؟؟؟؟ تدورون فيهم كل لون تطيح عليه عينكم.... مثلا أي ولد لابس أحمر او دب أخضر..... وبتحصلون مقص.... (وراويهم المقص) قوليلهم تقصون الالوان بالمقص.... وبعدين تستعملون اللزق وتلزقون الصور هذي على البالون,,, طبعا لازم وحدة فيكم تنفخها.... ويكون نفسها قوي....
وبما انهم توهم رضع في الانجليزي :04: .... عيديلهم مرة ثانية التعليمات.... طبعا بطريقة الاسئلة... قوليلهم.... يعني ... فلانة حبيبتي شو نسوي اول شي,,,, وبعدين يعلانة ..... ؟؟؟؟ طبعا هنيه تعرفين منوه البنات اللي مش منتبهات من المنتبهات... بس حاولي تسالين بنات مستواهن جيد...
المهم.... بعدين قوليلهم ..... يالله الصف كله فلانة وفلانة وفلانة عند مجموعة B
والفلانات الثانيات عند جروب A C D......
بعدين سوي monitor حق الكلاس كله... مري على الضعيفات ... كلميهم بالانجليزي... لاتحاولين تهمسين بالعربي.... عادي برايهم جهلة انجليزي... المهم بيتعلمون... من كثر مايسمعون كلام الانجليزي....
سأليهم .... what color can u see???? is it red or 6eenah
ضبطي البنات وكلامهم... دايما استخدمي الوسائل التعزيزة....
بعد مايخلصون البنات بلالينهم.... قعدي معاهم حلقة كبيرة.....
مسكي البالونة وسألي البنت اللي عدالج.... شو اللون من الالوان اللي تشوفينهم؟؟؟ ذكريلي اسم واحد,, تذكرلج لون لونين... بعدين اتسوي نفس الشي لصديقتها..... تسألها... وهذيج تجاوب من ضمن ألوان البالونة.... وهكذا دواليك.....
بعد ماتخلصون.... واذا فضل وقت..... اختاروا وحدة من البلالين.... قولي حق البنات بنلعب لعبة البالونة وبنغني ABC.... تجمعينهم آخر الصف..... تنططون البالونة بشرط ماطيح عالارض.... وكل ماتضربها بنت تقول حرف من حروف alphabatic بالتسلسل... لين ماتخلصون تبدون ببالونه ثانية...
وهذي هيه اللعبة بالتفصيل... صدقوني وناااااسة.....
اقولكم.... اسفه عالاسلوب التعبان في الشرح... واسفه اذا نقص شي.... لني تعبانة ومب رايمة اكتب حرف..... بعدل بعدين....:09: :09: :09:
سمحولي....
بنت الشيخة.....
الله يعطيك الف الف عافية
وان شاء الله يوفقك
بس عندي استفسار
بالنسبه للوان كيف ابدا بالعبه وانا لسى ماشرحتها ليهم
الا اذا كنت راح اخلي الدرس على حصتين الحصة الاولى اشرح فيها والثاني اسوي فيها العبه
لانو حصة واحد ممكن ما تكفي
اتمنى توضحيلي كيف
دمتي سالمة
وان شاء الله يوفقك
بس عندي استفسار
بالنسبه للوان كيف ابدا بالعبه وانا لسى ماشرحتها ليهم
الا اذا كنت راح اخلي الدرس على حصتين الحصة الاولى اشرح فيها والثاني اسوي فيها العبه
لانو حصة واحد ممكن ما تكفي
اتمنى توضحيلي كيف
دمتي سالمة
الصفحة الأخيرة
انا مقدمة للديوان بس النتايج بعد شهر تقريبا ..بس توي اعرف ان التقديم لسادس يختلف عن التقديم العادي للمتوسط والثانوي!!!
استخيري ولاترفضين من اجل مصلحتك وراحة راسك من غثا المراهقات...:26: