كبّرني الزمن @kbrny_alzmn

عضوة نشيطة

طالبة تغذية ورطانة بمادة الخياااطة .. أرجووكم انقذوني .. :(

بسم الله الرحمن الرحيم
السلام عليكم ورحمة الله و بركاته ..

كيفكم اخواتي عضوات عالم حواء المتميز .. ان شاءالله الكل بخير و سعادة يارب .. :26:

حبيبآآتي انا جااايتكم وانا كلي امل انكم تنقذوووني بعد الله عز وجل .. لاني بجد ورطاااانة .. ونفسيتي تعباااانة و مو لاقية احد يساعدني ..

الله يسلمكم انا طاااالبة تغذية و علوم اطعمة .. و سبحان الله بقدرة قادر .. اعطونا بقسمنا مادة اسمها اختيار مفروشات او حاجة زي كدا .. حسبي الله عليهم من مناهج غبية .. انا ايش دخلني ادرس خياطة مدري ..

و المشكلة الكبيرة بالموضوع انه عمري مامسكت ماكينة الخياطة آخر مرة خيطت كنت بالمتوسط و علمونا نخيط بابرة و خيط .. و بالثانوي الحمدلله دخلت فني .. يعني ما اعرف من ماكينة الخياطة الا اسمهااااا .. :( ..

الله يرحمهااا و يغفرلهاا و يدخلهااا الجنة ماما حبيبتي .. كانت خبيرة بالخياطة و الرسم .. لكن سبحان الله ابدا ما اخذت منها شي بالخياطة .. لو كانت موجودة كان انقذتني و ما احتجت لاحد بعد الله ..

لكن الله يرحمها .. كل يوووم تزداد حاجتي لها ووجودها الى جانبي .. :44: ..ولكم ان تتخيلوا وضعي المزري و حالتي الصعبة و نفسيتي التعباااااانة .. و الحمدلله على كل حاااال ..

بعد المقدمة الطويلة دي عشان ابينلكم وضعي الصعب و قد ايش محتاجة مساعدتكم ..

طلبي هو انه جامعتي العزيزة طلبوا مننا اشياااء كثيرة متعلقة بالخياطة وما اعرف ولااا شي منها الا الابرة و الخيط .. فانا راح ارص طلباااتي و اللي تقدر تساااعدني لو بطلب واااحد وربي ماراح انسااالهاا جميلهاااا ..

اول شي طلبوا مننا نشتري ماكينة خياطة .. و ماااا اعرف من فين اشتريهااا .. الله يجزاكم خير ابغى حااااجة خفيفة و صغيرة و اقدر اشيلها معاية للجامعة .. ويكووون سعرهااا معقووووول ..لاني اجهز لملكتي ان شاءالله على خير و العيد جاي ان شاءالله .. فالميزانية ابدا ابدا ماتسمح للمزيد من طلبات الجامعة الغثيثة ..

يعني اللي تعرف محل كويس في جدة يبيع مكاين خياطة صغيرة و خفيفة و سعرها حلووو .. الله يخليكم تنقذني و تدلني ..

دا طلبي الاول .. وهو الاهم و اللي ابغاكم تنقذوني فيه ..

واللي الله يجزااااهاا الجنة و تقدر تنقذني بباقي طلباتي ماراح انسالها جميلهااا ابدااااا ..

الترم دا اعتقد راح نعمل خدادية (المخدات الصغيرة اللي ع الكنب) .. فالاستاذة طلبت مننا قماش اعتقد اسمه (جاكارت) او حاجة زي كدا وربي مو متأكدة .. تقول قطني و يكون متوسط لا خفيف و لا ثقيل ..

مدري هل تعرفووووه و هل هو دا اسمه الصحيح ولا انا سمعت منها غلط .. ؟؟؟؟ .. و اذا غلط الاسم دلوني على قماش ينفع اسوي بيه الخداديات الله يسعدكم و مايكون ثقيييل ولا خفيييف .. :(

و طلبت مننا حاجة اسمها كربون روووليت .. مدري هل هو نوع من انواع الكربون اسمه روليت ولا ايييييييش الهرررررجة .. ؟؟؟ :09:

و كمااان طلبت مننا فوووم .. تقول حاجة زي الاسفنج عشان التضريب مدري تلطيش مدري تكفيخ .. خخخخخ .. مدري المهم حاجة كدا تعرفوووه ..؟؟ من فين اقدر اجيبه .. ؟؟

و تقول فيه شي اسمه قيطاان .. يكون له مرد يدخل في الخياطة و يكون القيطان منقوش .. و تقول كمان فيه قيطان نوع تاني يجي على شكل لفة و يكون يا ابيض يا اسود .. يفرق عن القيطان المنقوش .. و نستخدمه عشان نغطي مدري عشان جوة القماش مدري عشاااااان ايييييش نستخدمهم وربي .. <<--- فيس يبكي قههههر .. :icon36:

يعني بالله ايش الفرق بينهم مدري .. الله يسعدكم من فين اجيبهم .. وهل لهم اسامي محددة عشان افرق بينهم .. و اذا عندكم صووورة .. كيف شكلللللله ..؟؟؟

و اللي تعرف مواقع خياطة على الانترنت ممكن استفيد منها .. لانه تبغانا نعمل مشروع اما مفرش طاولة او ستاير و خداديات او شرشف و مخدات للسرير او مريلة طبخ و توابعهااا .. مدري المهم اذا عندكم افكار لمشرووووع او مواقع خياطة تساعدني الله يخليكم ساعدوووني ..

و ابغى موضوع او فيديو او اي شي يعلمني كيف الظم الماكينة .. <<-- مدري صح اسمها لظم ولا ايش .. اللي هو كيف ادخل الخيط بالماكينة عشان تشتغل .. :09:

و اللي ح تساعدني بمعلومة او دعوة الله يسهلي او حتى لو برفع الموضوع لها اصدق الدعوااااات بظهر الغيب .. من قلب بنت ورطااااااانة .. :44:

اللي ح تساااعدني ان شاءالله بعد ما اتخرج اديها دايت تنحيف او تسمين مجانا .. خخخخخخ .. بس ساعدوني بليييز ..

أرجوووكم انقذووووووني .. :(

يلزم عليك تسجيل الدخول أولًا لكتابة تعليق.

تسجيل دخول

بنت بعلبك 2009 • 14 سنة

للرفع

ام رقيقه • 14 سنة

ما عندي فكره عن محلات جده لبيع المكائن
باقي طلباتك تلاقينه في محل الكلف او لوازم الخياطه..
ان شاء الله الاخوات يفيدونك

ام ندى 2008 • 14 سنة

اختي لو انك بالرياض ساعدتك بكل اغراض الخياطه علي العموم 0000

الكربون ياتي الوان يستخدم اختي يوضع تحت القماش وروليت ياتي مثل قطعة العجين العجله بس الروليت لاخذ العلامات00 عمود في نهايته عجله (صح عليكي كربون _روليت )

بنسبه لقماش علي حسب التذوق بس اذكان فيه شك او تطريز كتان ام بنسبه لقطني فيه مشجر وفيه ساده متوسطه القماش واقف يعني مناسب لمبتدها 0000

بنسبه لقيطان صح موجود (عباره عن خيطين طويلين ملفوفين )توجد لونين وفيه لون واحد 0000

العباره الصحيح انظم المكينه وطبعا كل مكينه له نظمه يعلمك ايه صاحب المحل 00000000000بالتوفيق والنجاح اختي 000

كبّرني الزمن • 14 سنة

بنت بعلبك 2009 :

للرفع

للرفع

الله يرفع قدرك بالجنة .. و يريح بآلك يــآآآرب ..

كبّرني الزمن • 14 سنة

ام رقيقه :

ما عندي فكره عن محلات جده لبيع المكائن باقي طلباتك تلاقينه في محل الكلف او لوازم الخياطه.. ان شاء الله الاخوات يفيدونك

ما عندي فكره عن محلات جده لبيع المكائن باقي طلباتك تلاقينه في محل الكلف او لوازم الخياطه.. ان...

الله يسعدك و يجزآكي كل خير ..

مشكووورة حبيبتي ..