مسا الخير
صبايا انل عندي مشكلة و حابة اخد برايكم
انا عمري 22 و عندي زميلة بشغلي بتحبني كتير و انا بحبا عندا اخ عمرو 28 و هو شب منيح كتير ملتزم و اخلاقو حلوة و ابن ناس و شغلو كويس المهم انو هي اكتر من مرة فتحت موضوع انو يجوا اهلا يطلبوني لاخوا هلا انا شفتو مرة وحدة و هو شافني بس والله بالصدفة كنا رايحين عند رفيقتنا و اجا هو بدو يوصل اختو فقالتلي طلعي معنا نوصلك عبيتك بس انا و الله ما طلعت معن لانو بعرف انو وقتا كان بدو يشوفني بس انا كتير خجلت و ما طلعت معن بس هو لمحني و انا لمحتو الشب منيح كتير و انا عاجبني بس في مشكلة انو هو مو من طائفتي انا سورية عربية و هنن سورين اكراد بس الجماعة عن جد كتير كويسين بس انا محتارة كتير يعني من غير طائفة اكيد اختلاف عادات و تقاليد و تفكير لو انتو مكاني شو كنتو بتعملو و كيف بتتصرفو
يلزم عليك تسجيل الدخول أولًا لكتابة تعليق.
sweet lano
•
الزواج قسمة ونصيب لايعرف طوائف ولاشي اهم شي اخلاق
اذا كآآن منيح وابن حلآآل ليش لآ << تأثرت بااللهجه
الخيره فيما يختآره الله
ربي يكتبلك اللي فيه الخير :)
الخيره فيما يختآره الله
ربي يكتبلك اللي فيه الخير :)
صبايا عن جد شكرا على ارائكم بصراحة انا ا تخيلت حدا رح يرد علي لانو انا لسا جديدة بحبكن كتير عن جد كلي دلع عن جد انتي دلع و اللهجة السورية طالعة منك حلوة الله يحفظك
الصفحة الأخيرة