طالبة مشورتكم بلييييز لاتردوني

مشكورة حبيبتي....والله عتابي له في الرسالة كان فيه من الكلام اللي قلتيه....بس ليش زعلان ليش مايكلمني اش سويت؟؟

عزيزتي تصرفك صحيح ومافيه شيء
وغيرتك على الحرام أولا ثم عليه مافيها شيء بالعكس تشكرين عليها
وموقفك صائب وهو الغلطان .. وحاولي مرة ومرتين وثلاث حتى يبتعد عن رؤية المعاصي ومايغضب الله
والله يوفقك ويهديه ويصلحه

شوفي حبيبتي 00أنا أقول أن المسائل الي زي هذي ماتناقشين زوجك فيها من ناحية أنه مافكر في مشاعرك لا حبيبتي هذا يبغاله تذكير بالله وتعددين له المفاسد الي ممكن تحصل من وراء هالأشياءوتذكرينه ان الراضي كالفاعل بس طبعا" بأسلوب يتقبله مو بخناق000وبعدين هالفتره الي مايكلمك فيها خليه براحته ولاتقصري في واجباته بس لاتحاولين تناقشينه لين يجي هو يكلمك وأسمعي منه أول قبل تتكلمي000الله يهدي زوجك ويسخره لك ويغنيه بك عن غيرك

الصراخ والصدام حيلة العاجز..
وزوجك ماسكت الا لانه عارف
انه غلطان ولاعنده تبرير ..
لاتعينين الشيطان على زوجك يااختي
هالبلوتوثات بلاء عم وطم وصار حتى
مع الاطفال باجهزتهم..
الحل ابدا مو بالزعل والمقاطعه كذا
بيفرح الشيطان ويقوي سيطرته على
زوجك الطيب..
زوجك من له غيرك تاخذ بيده وتنصحه
بالحسنى..
مادام شفتي الطريقه المباشره مانفعت
اتبعي الطريقه الغير مباشره..
تقوية الرادع الديني عنده..
يشوفك تصلين النوافل ..
تستاذنين منه بصيام الاثنين او الخميس
وتطلبين منه بلطف يصوم معك لانك ماتقدرين
تصومين وتخلينه لوحده..
لو مره كل شهر...
صدقيني تدين الزوجه يؤثر على الزوج
على المدى البعيد الزوج راح يتأثر ويستحي
من زوجته..
صدقيني هالامور مالها حل سحري وفوري
يبي لها جهد وتعب واخرة الصبر زي العسل..
الله يهدي لنا ولك ويسخر لنا والمسلمين.

ترى بعض الرجال مايحب احد يفتش جواله يمكن عشان كذا زعل مايبغاك تراقبينه
وكانه متعود انك تشوفين جواله وعادي عنده فموقفك صح
ذكريه بالله وانه محاسبه على هالاشياء اللي يشوفها بعدين قولي لي انت عندك حرمه وش تبي بشوفة هالاشياء

اما مسألة تروحين لهلك مالها داعي ابد يعني المسألة ماوصلت لها الحد
يمكن هو مستحي من نفسه عشان كذا مايكلمك بس انتي قابليه بالحسنى وعادي مشي امورك طبيعية