طالبة نصيحتكم .. تكفون لا تهملوني

شلونكم اخواتي الغاليات؟؟

انا اليوم جايتكم ابي منكم النصيحة واتمنى انكم تساعدوني اختار الشي المناسب لي ولزوجي

مشكلتي يالغاليات بما ان زوجي ما يشتغل ولا انا وبما ان ما عنده ابدا احد يساعده ولو بالشيء البسيط

وانا ابوي على قد حاله بصراحه يعني ما اقدر اطلب منه شي مع انه يحاول يعطيني بين فترة والثانية ..

فأنا افكر اني اروح عند ابوي بشهر رمضان لكن اخاف اذا الله كتب وتحسنت احوالنا ولقى زوجي

الوظيفة اللي تناسب ظروفه الصحية .. انه يتذكرها علي وتتأثر حياتنا بصراحة محتارة .. الصج انا مو

همي الاكل ..مرت علينا ايام ولا زلنا فيها نشرب الماي من الحمام وانتوا بكرامة علشان جذي انا ازور

هلي وايد واي شي يعطيني ابوي اتشارك فيه مع زوجي .. خصوصا وان احنا تقدمنا بطلب للندوق

الخيري وقالوا لنا ما يصير يساعدوننا لان في مساعدة تخص هالبيت يعني باسم عمي ابو زوجي وطبعا

احنا ما نستفيد منها بالمرة ولا ندري عنها بشي ..

سامحوني لاني مو عارفة شقول لاني ما تعودت ابدا اني اشتكي من اي شي لاي احد غير ربي .. بس

الحيرة ذبحتني وقلت اسألكم ..واذا تأخرت بالرد عليكم لا تزعلون لاني يمكن باجر برد لبيت زوجي

وهناك ما عندي نت ومشكورات مقدماا