طالبة وعندي خادمة (( كيف التوفيق بين الطبخ ومراقبة الاطفال ))

حبيبتي بما انك طالبه اكيد وقتك ضيق بس استعيني بالله والاكل اذا علي الغداء جهزيه بالليل والخدامه هي اللي تنتبه للاطفال لحد ماتجين البيت مثلك مثل الموظفات العشاء شي بسيط وساندويتشات
هونيها وهي تهون بما ان عندك خادمه والشقه صغيره مو مثل البيت الكبير
شغلها بيكون للخدامه بعد ماتطلعين وتنامين شوي بعدين تنتبهين ل اطفالك

عندم خدامه وش تبين بالثانيه ترا ماعندك الا طفلين
عادي نظمي وقتك والخدامه نعمه سوي لها جدول للبيت كله يوميا ايش ترتب وايش تنظف
وايش تجهز للغداء والاطفال احسن طريقه خليهم ينامون معاك عشان لارحتي تداومين يكونون نايمين

أهم شي بغيابك تنتبه الخدامه للاطفال بس ترجعين للبيت خليها تسوي اعمالها للي كانت مؤجله ،،عشان لاتنشغل عنهم

مااشوف فيه داعي لشغالة ثانية!!!! خصوصاً انك في شقة!!! يعني مافيه شغل زايد
حاولي تنظمين نوم الاطفال اذا قدرتي عشان يصحون بدري ولما ترجعين ياخذون غفوتهم معك
وقت غفوتكم هي تشتغل ومااتوقع عندها شغل كثير اللي بتنظفه بيطول ماراح يتوصخ مثل مجلس الرجال ممكن يتنظف وياقفل ومايعاد تنظيفه الا الاسبوع اللي بعده او مرتين فالاسبوع مو كل يوم زي اكثر شي بينحاس في شقتكم وهو مكان جلستكم اليومية والحمام اللي تستخدمونه كل يوم والباقي يتأجل لوقت غير دوامك او لنهاية الاسبوع ... ولو عيالك ماصحوا بدري الصبح وقتها تشتغل عشان اذا رجعتي وصحوا تمسكهم لين تاخذين غطتك الزبدة قايمين لاتشتغل لين ترجعين.. نايمين تشتغل لين يصحون واذا صحوا خلاص توقف واصلا ماراح يكون شغلها كثير في شقة اما الغسيل والكوي تقدر تسويه اي وقت مو شرط وانتي مو موجودة.

ما اشوف فيه مشكله بالموضوع
حبيبتي الشغاله خليها تصحى خمس الفجر ما تجي سبع الا ومخلصه تنظيف البيت يعني قبل تطلعين من البيت
وقتها خلاص تجلس مع الصغار وتنتبه لهم
واذا. جيتي سوي الغدا مو شي صعب او ياخذ وقت
انا اول ما ارجع من ادوام اشيل عبايتي وادخل المطبخ على طول اسوي الغدا واقصر عليه واروحغرفتي اغير ملابسي واترتب واصلي وانزل يكون تقريباً الغدا خلص الشغاله تقطع البصل والطماط وغاسله الرز وش بقى !!
طبعاً اطبخ قبل اغير علشان ما تثبت ريحة الطبخ بملابسي اللي بجلس فيها وطبعاً ملابس الدوام بتنغسل فما فيه مشكلة
بعد الغدا ريحي شوي انت وعيالك والعصر سوي قهوه او شاي واجلسو وبالليل حاولي ينامون معك