طالبتكم بنات حواء تكفون ضروروي شغالتي بتجي

السلام عليكم ورحمة الله وبركاته
بنات حواء تكفون ابي منكم خدمة وياليت ان كان تقدرون تساعدوني ما تقصرون باللي تقدرون عليه
بنات انا قدمت على شغالة سيرلانكية لكن عن طريق خدامة اهل زوجي هي اللي مكلمتها ومنسقه معها وارسلت اوراقها عن طريق مكتب في كولومبو المهم راح تجي ان شاء الله بعد اسبوعين لكن المشكله مدري وشلون اتصرف معها وهي اكبر مني في العمر بكثير تقريبا بـ 10 سنوات عمرها 36 ان ما كان 40 مسيحيه
ياليت من جربت السيرلانكيه تحكي لي خبراتها
خاصة باني موظفة يعني ابضطر اطلع من البيت يوميا الصبح وهي موجوده وعندي طفل لكن ماراح اتركه عندها
لاني اخاف وما حدني على الشغاله الا ان بيتي كبير ومافيه غير انا وطفلي وبس وزوجي راعي دوريات وعزايم
تكفون ساعدوني لا تبخلون علي بأي معلومه مها كانت صغيره
طولت عليكم لكن ودي انها تجلس بملحقها ما تنزل ابد الا اذا كلمتها انا ابعودها ما تترزز في البيت كل شوي
يعني ابحدد لها وقت معين تخلص فيه شغلها وتطلع لان ملحقها مره كبير غرفه وصاله بحمامها وجزء من السطح وش رأيكم اخواتي