طالبتكم طلبه تدعون لي احافظ على صلاتي

السلام عليكم ورحمه الله وبركاته

حبايبي اول مره اكتب موضوع بهالقسم لكن لما شفت تكاتفكم ودعواتكم لبعض 

انا فيه موضوع منغص علي صراحه والحلو ان الواحد يعترف بخطاه ماهو يقعد عليه يستحي ثمن يتمادى

صلاتي يابنات كلنا عبيد لله ومانسوى شي ومصيرنا تحت الترراب

الحمدلله احب الخير احب اتصدق احب اليتامى ومساعدتهم ماااحب الاغاني لكن صلاتي مصيبه يدخل الوقت ويروح الاذان ومااتذكر الابعد مرور ساعه ولا طلع الوقت خلاص ودخلت الصلاه الثانيه فيني تناحه مدري وشو صراحه 

بنات والله لما كنت بالثانووي ع الاذان ع الوقت مااخرها ابد كنت عضوه

فعاله بالمصلى كنت الحمدلله الحمدلله كل شي والاصلاتي ولما نكون في جمعه ولا مكان اشوف الناس جالسه وهو اذن وااذكرهم وانقد على الي ياخروون اقول معقووله فيه قلووب ميته كذا تاخر صلاتها وماتدري شسالفه 
الحين انا الي صار قلبي ميت 
تكفووون انا اعرف كل شي عن تاخيرها مابي نصايح مابي شي اعرف كل شي لاني كنت ارسل للناس واقرا فضلها لهم
واحط الموت قدامي واقرا عنها واجلس اصيح بس مافيه فايده يومين وراجعه

ابي بس دعوووه تكفووون من قلب ابي تقولون يارب لاتجعل هم غلاتي الاول والاخييير الاصلاتها وانها ماتفكها ابد واول ماتسمع الاذان يفز قلبها وتصلي بسرعه
يمكن وحده تصيب دعوتها وارجع مثل اووول
تكفووووووون لاتنسوووني لو  دعوه بظهر الغيب
اللهم لاتتوفانا الا وانت راضي عنا ياذا الجلال والاكرام،،




ليت كل وحده نفس حالتنا تدخل وتعترررف والله عاادي

نتساعد تصدقوون ممكن لو اعترفنا ووقفنا مع بعض يالي مقصرين وكل شوي ندخل الموضوووع ونقول اليوم صلينا ع الوقت ولا وكم صلاه فوتنا وكم صلاه ع الوقت نتحمس ونحب الموضووع ونسوولف فيه

واتمنى محد يغلط بالردوود كل انسان خطاء وخير الخطائين التوابين يمكن بنات ودهم معنا بس يخافون من الردود