طالبتكم طلبه تساعدوني يا اهل جده

كل الاماكن الي ذكرتيها احسن شي في جدة بس فية مطعم الوزان في شارع التحلية مقابل ايكيا

وكمان مطعم ابوخيال في حراء مو متاكده خيال ورومانسي

مشكورين
ياحلوين
بس بغيت اسئل عن المطاعم اللي زي تشيلز والاسماء الغريبه
ماقد رحتها
وافكر اروح ابحر
بس ابغى شاليه رخيص
وحلو
انتظركم

لا يفوتك مطعم بابايا رااااااااائع وحتحسي كانك برى المملكة اجواء مررره حلو سواء غداء او عشاء بس زحمة
احبه وقت الغداء روووعه لانه كله من فوق قزاز
موقعه طريق الملك خلف سوق الشاطي

على فكرة ترى مافي بارتشن يعني حواجز لكن مو مره مكشزف لانه فيه اشجار وزرع
والاسعار من 100 إلى 300 لشخصين وصحونهم تجي مليانه مو مثل بعض المطاعم يحطو عينات

هذي صورته من داخل

وبالنسبة للمطاعم الاجنبية

جربت أغلبهم لكن مثل أون ذا بوردر المكسيكي مالقيت

اكلهم طعمه حلو ويشبع مو كلو زيت مثل تشيلز
اسعارهم من 60 إلى 90 للطبق
يوجد فرع في شارع الاندلس وفرع في الاندلس مول