طالبتكم علموني شسوي معها

مشكلتي مع اخت زوجي ماادري كيف ابداها لكم اول شئ انا ساكنه مع اهل زوجي بس مستقله عنهم يعني في شقه داخل بيتهم اخته هذي قبل لا تتزوج كنت انا وهي اكثر من اخوات اشاورها في كل شئ حتى اذا صار فيه عزيمه عندهم ادخلها غرفة نومي واشاورها في لبسي قبل ما اشاور زوجي واتبادل انا وياها في الملابس والاكسسوارات وكل شئ بعد كذا تزوجت ومازلنا مثل السمن على العسل لاكن بعد سنتين من زواجها تغيرت علي فجأه اول شئ لاحظت اني لما اجي اسلم عليها بس تصافحني قلت يمكن قصدها توني شايفتك قبل كم يوم لاكن الامر تطور صرت اذا دخلت المجلس ماتقوم ولا تسلم على انا اجي واسلم عليها كانها جدتي ولا امي واذا جت وحده من حمواتي بعدي على طول تقوم لها وتسلم عليها وتسولف معها بعدها بثلاث شهور كان وقت عيد الاضحى جايه لاهل زوجي اسلم عليهم ثاني العيد ويوم شفتها فيه ضاق صدري قلت الحين بتنكد علي ذا الليله لاكن حصل العكس دخلت وسلمت علي وتسولف معي عاادي وتقول يو نسيت اوريك ملابسي حقت العيد والحمدلله مرت هذي الليله من احلى الليالي لاكن بعد شهر انقلبت علي اسوء من الاول وكله من غير سبب واذا راح ولدي لاهله وهي فيه يرجع لي يصيح ويقول عمتي فلانه تطردني واذا جيت عندهم وهي موجوده تقوم وتطلع من المكان اللي انا فيه واذا مديت يدي اولا قلت السلام عليكم تسفهني وتطلع ومره دخلت عليها ومديت يدي وتسوي نفسها ما تشوف لين قالت لها خالتي سلمي تقوم تمد يدها من غير نفس حتى من دون ما تناظرني المهم انا نفذ صبري وما ابغى اخسرها مهما كان اخت زوجي وعمت اولادي كلمت زوجي في الموضوع قال انا ما عندي فكره عن الموضوع واذا تبغيني اتدخل في حله تدخلت قلتله خلك بعيد اخاف تقول علشان زوجتك وزي هالكلام قمت كلمت اختها الكبيره قالت عادي ما في خاطرها شي وسكتتني لكني ما قدرت اصبر كل ما تشوفني تقول شايفه عدو مومرت اخوها قمت كلمت الثانيه والله يجزاها خير ماقصرت قالتلي كلنا ملاحظين هذا الشئ واذا سألناها تقول مافيه شئ بس كذا قلت لها اذا هي عندك خليني اكلمها بس بسلم عليها قالت اخاف ترفض قالت لا ان شاء الله واسمعها تحلف عليها والله ان تكلمينها علشان خاطري وهي تحلف والله ما اكلمها شوي رجعتلي اختها تقول معليش بقفل السماعه وبخليها تدق عليك بعد شوي طبعا هذا على التليفون لاني ما احب المواجهه لدرجة اني وانا اكلم اختها قمت ابكي بعدين جلست استنى نص ساعه مادقت رجعت ادق عليها قالت شوي قلت انا بس ابغى اعرف منها شالسبب قالت مدري انها تقولي ان ولدها (يعني ولدي) دايم اذا جاء يقولي اطلعي من بيتنا ماما تقوله قلت والله ما قلتله شئ بعدين بزر يألف من عنده تقوم تصدقه (ولدي عمره ثلاث سنوات) قالت انا قلتلها لاتحطين عقلك بعقل بزر وهي تقول لا بعدين رجعت قالت شوي وادق عليك احنا الحين جالسين نقنعها تقولنا سبب مقنع وهي تقول احتفظ بالسبب لنفسي وبعد ساعه كامل دقت علي اختها وقالت ابشرك الامور ان شاء الله انها في تحسن بس قالت لنا سبب ثاني تقول انك دخلت عليها مره وسلمت على مرت اخوي ولا سلمت علي قلت والله ماصار بعدين شلون اسلم على حماتي وهي معي بنفس البيت اشوفها كل يوم قالت مدري عنها وان اخوي الثاني تدخل في الموضوع لما سمع الضجه وانها اقتنعت بكلامه وبعد ثلاث ايام كلمو بعض يعني خليكم شوي لين تهدى النفوس وبعد ثلاث ايام دقيت على جوالها سبع مرات ماردت علي رجعت ودقيت على اختها قالت لي دقي على الثابت وادق اكثر من عشر مرات نفسه ماترد وبعدهابكم ساعه دقت اختها قالت انها تقول اني كنت نايمه ولا تدق علي علشان زوجي فيه ومابغاه يعرف شئ عن السالفه وانا بجي لاهلي بعد يومين وعادي بسلم عليها قلتلها انا بس بسلم قالت بكيفك ترى ولدها تعبان اسئلي عنه قمت كلمتها وردت علي عادي وكل كلامها عادي قلت لها عندك احد قالت لا قلت لها عسى ما في خاطرك شئ لين الحين قالت لا عادي بس اخاف يدخل علي زوجي فجأه قلت لها المهم انك الحين مانتي زعلانه مع اني كنت افضل انه يوم كان في خاطرك شئ تجين وتقولين لي عادي ولا تزعلين هالزعل كله وهي بس تقول عادي بعدين قفلت الخط واحنا راضين لاكن الطامه الكبرى انه لما جت لاهلها بعد يومين كنت انا بروح لاهلي اجلت الروحه علشان اجلس معها لاكن ارجعت حليمه لعادتها القديمه لا سلام ولا كلام تجي ولا تطلع علي يعني بعد كل هذا التعب والفضايح مع خواتها واخوانها ماسلمت ولا شئ يعني تكذب وانا الحين محتاره ما ادري شسوي اسفها ولا ارجع اكلم خواتها ولا شسوي مع اني كلمت اختها في نفس اليوم وهي كانت بعد موجوده عند اهلها قالت لا عادي هي مشغوله شوي وبتطلع والحين ولا طلعت ولا سلمت ولاشئ مر على هذا اليوم اسبوعين وهي نفسها ماتغيرت.... محتاره دلوني شسوي تكفون