طالبتكن اقرن موضوعي وعطني الراي اللي يريحني

السلام عليكم ورحمة الله وبركاته
خواتي مالي بعد الله غيركن أخذ برايه واسمع نصايحه كل ماصرت بمشكله ،، ويعلم الله اني ارتاح لما اقرا ردودكن علي
مشكلتي مع زوجي اللي جنني بحياتي،،، بس يعصب يصير شخص كريه وجاحد لابعد حد
اللي صار امس الظهر عيالي كانو يلعبون عادي بنفس مكان جلستنا،، انا تعبانه من الوحام مره ومنسدحه عندهم،،،، المهم جا ولدي الصغير ورمى على ابوه شغله بعدين قرب من ابوه وظربه ،،، زوجي انجن رجع وظرب ولدي ظرب مو طبيعي رغم انه طفل اربع سنوات،،، بعدين التفت لعيالي الثانيين اللي يلعبون وسحبهم لغرفتهم واخذ معه اللي حق الاسطوانه وجلس يظربهم ،،يقول كم مره اقولكم العبو برا،،، انا ساكته ماتحركت من مكاني عارفه انه هايج مره،،، بس لما شفته طول يظربهم قمت من مكاني لاشعورياً ابي ابعده لقيته طالع من عندهم وهو حده هايج،،، والله العظيم هي كلمه وحده قلتها،،، قلت خلاص اتركهم ،، مالقيته الا يقرب مني ويدفني على وجهي بقوه،،، قالي انتي مالك دخل فاهمه،،، انا بكيت وجلست ادافع عن نفسي وقلت لاتمد يدك علي وانا حدي ارجف من الخوف لانه يقرب مني مدري بيضربني ولا بيخوفني زود،،، لان اصلا باين اني ميته رعب،،، هو يقرب وانا ادفه بيدي ابعده عني بس مافي فايده قاعد يستفزني ،، رحت لغرفة عيالي كانو يبكون،،، جلس يقول شوفو حركات امكم نفس حركات امها العوبا مع جدكم،،، لما قال كذا انفجرت فيه وتكلمت عليه،،،وهو جلس يعيد نفس السوالف اللي يقولها بكل مره نتزاعل فيها،،، حتى امه يجيب طاريها يقول انتي ماتبين امي وانتي اهلك مايبونك،،، اقسم بالله يألف كلام من عنده ويحط فيني اشياء كلش مو فيني،،،، وكل مااروح مكان يلحقني ويتكلم،،، اخر شي مسكت جوالي واتصلت علئ ابوي قدامه قلت تجي الحين،،، ابوي قال حسبي الله عليكم ماتخلص مشاكلكم،،، لانه كذا مره يكلم ابوي يشتكي،،، هو سمع ابوي واستانس يقول شفتي ابوك مايبيك بعد،،، وجلس يهددني يقول اصبري والله لاطبخك على نار هاديه واذلك،،،، بكره تجين تحبين رجولي تبين رضاي،،،، هو بهاذي صادق انا كل مره اذل نفسي واجي اراضيه واعتذر،،،، تدرون ليه ،،، لانه كل مازعل حبسني باالبيت لو ابي مستشفى ماوداني،،، لو ابي سوق ولا اي شي يرفض،،،، لذلك اذل عمري واعتذر ،،،، تكفون قولو وش اسوي الحين،،، ودي اخليه زي الجدار مااعتذر بس باالمقابل راح انحبس وانا خلقه وحام ودي اطلع واشم هوا،،،،ودي مره وحده اجرب التطنيش بس اعرفه لو اجلس سنه ماراح يحس،،، رغم اني ماعمري جربت بس من معرفتي بشخصيته،،، ابوي بعدين كلمني قال تبين اجيك ترا عيالك مالي شغل فيهم تخلينهم وراك،،،انا الموت اسهل من اني اتركهم وراي،،،،، ساعدوني وشورو علي داخله على الله ثم عليكن