طالبتكن ..كيف أحل هذي المشاكل ؟؟

السلام عليكم اخواتي العزيزات

بصراحة ما اعرف كيف ابدأ الموضوع،

لكن انا بحاجة الى مساعدتكن و تشجيعكن

انا احاول اني اهتم بشكلي و لكن احس ما يبان علي ابدا ..لدرجة بدأت امل و اتكاسل

عندي مشكلتين عصيبتين من زمان متعباتني :

1) شعري ..يبيض بشكل سريع ..و ماهي مجرد شعرات بين الشعر لكن اصلا يثور من جذوره ابيض ( حاجة مخيفة) و طايحة فيه صبغة ورا صبغة ... كل 1سبوعين اصبغ

والحين انا توني في بدايات حمل و طبعا ما يصير اصبغ ع الاقل 3 اشهر الاولى ..لكن ما تحملت شكلي
24 ساعة الحجاب فوق راسي حتى امام زوجي ماعدا بالليل ، اطفي الانوار و عاد هو ما يميز ( ع الاقل عذا اللي اتوقعه !)

فرحت و صبغت شعري اول امس وفيني ما فيني من الخوف لكن تعبت من شكله ، مقدمة راسي كلها صارت بيضاء!!
و ماعرف ايش بسوي بقية شهور الحمل ..!!

2) ثاني مشكلة هي الشعر تحت الجلد و الشعر الصغير اللي ما اقدر اقلعه ..مشوه منظر رجلي كااامل و ليس فقط الساق .. ما اقدر البس اللي اريده
حاولت اطلعه بحلاوة ، بشمع ، بشرايح فيت ...فالببيت ، فالصالون ..نفس الشيء! نفس المنظر
اريد اسوي ليزر بس اللي حولي ما يشجعوني و اصلا مرة طريت لزوجي و كان رافض تماما !!
كيف احل هالمشكلة ماعرف ؟؟
و بعدين ما يشوه فقط المنظر ، حتى ملمس الجلد نفسه ..ما يكون ناعم و املس ..يكون فيه مثل الحبوب الصغيرة

3) وجهي اسوي فيشل ..ما اسوي فيشل ..احس نفسه
بدليل ما حد يلاحظ التغير
اخر مرة سويت فيشل ..قالت لي حماتي اليوم الثاني اليوم شكلك شاحبة و مصفرة ..مريضة ؟

4) يديني :
كنت و لازلت استخدم كريم اللوز من بودي شوب ..احبه بكل انواعه..تبع اليدين و الاظافر و احب البينت باتر و اللوشن
وكان كل حد يمدح يدي
الحين صار اذا استخدمته او لا نفس التأثير
يعني كيف اقولكم ، أحس جلدي خلاص تعود عليه لدرجة ما عاد يأثر الكريم في يديني :eek:
ما اعرف ..يمكن هناك شي نظرية او قانون انك اذا ادمنت استخدام الشي على اي جزء من جسمك ، يتشبع لدرجة بعدين ما يصير له اي تأثير ... ؟؟؟ :unhappy:

المهم / اخواتي
انا احس نفسيتي متغيرة بسبب شكلي
و اذا استمريت ع هالمنوال ، زوجي بيلاحظ و بيبدأ بسيل من الاسئله ، ليش متغيرة و ايش اللي مضايقك و و
و اخاف انهار و اقول كلللل شي قدامه و بكذا اذا كان ما ملاحظ ، اكون فتحت عينه ع امور ما كان منتبه لها ...
ع فكره كنت زمان كاتبه موضوع عنوانه لو لبست خيشه زوجي ما بيلاحظ ...
الحين بعدني اريده ما يلاحظ
يعني اريده يلاحظ الاشياء الحلوة اللي فيني و الباقي كللله ما يشووفه ...
المهم ما الحل ..؟؟ كيف اقدر احسن من شكلي ؟؟

خاطري تجيني جويل و تحللي كل هالمشاكل ..:icon36: