طالبه تعتنق البوذيه!!!

السلام عليكم ورحمة الله وبركاته

بالبدايه احب اني أؤكد أن هذه القصه حقيقيه ميه بالميه
وانا اختكم طيور الفرح انقلها لكم عن لسان بنت اخويا الله يحفظها

بنت اخويا الله يحميها بأول متوسط ولله الحمد مهتمه بدراستها ومو من نوع بعض بنات هالايام دلع وخلافو
الاسبوع الي فات وحده تدرس معاها بنفس الصف قالت لها شي فاجأها
قالت لها انا بصير بوذيه!!!! تعرفون ليش لأن في فنان كوري يمثل بمسلسل كوري مدبلج والبنت أعجبت بيه لدرجه انها غيرت دينها من زود حبها له
والبنت على كلام بنت اخويا صارت تصرفاتها تضحك بمعنى لمن تدخل المعلمه وتسلم البنت ترد السلام وتتذكر انها بوذيه والمفروض ماترد بطريقة المسلمين ترجع وتقول يوه استغفر الله وبعد كذا تقول لا لازم ما اذكر الله وقيسو على هذا الكثير البنت صارت ملخبطه
بنت اخويا في نفس اليوم قالت لها انتي الان بوذيه لاتعرفيني ولا اعرفك
البنت بالفسحه جت لبنت اخويا وقالت لها ( أشهد أن لا الله الا الله وان محمد رسول الله) خلاص برجع مسلمه

قد يكون بهذه القصه مايضحك لكن للأسف القصه تدمي القلب قبل العين
للأسف أغلب بناتنا يتابعو هالنوعيه من المسلسلات والبرامج
ويتعلقو بأبطالها بشكل مرضي لدرجة تقليدهم بالشكل والحركات والتصرفات وحتى بالديانات

بناتنا و أبنائنا اماااااااااانه في أعناقنا ويجب الحفاظ عليها
والا سنندم في وقت لا ينفع فيه الندم

اختكم في الله طيور الفرح...