طالبه عندي تشتكي من تحرش ابوها

السلام عليكم ورحمة الله وبركاته
موضوعي طويييل بس بحاول اختصره ..وابغ حل يريحني ومكون ظلمت الطالبه،،
انا اساسا معلمه والعام في مدرستي الجديده ابتدائي(متعينه بقريه) كان في احتياج للادارة والمديره رشحتني ،،فصرت اداريه يعني مالي علاقه بالطالبات نهائياً.
الموضوع بدا بعد شهر ونص من الدراسه تقريباً كنت في مكتبي ودخلو عليا طالبتين(بنات عم،ملخص سريع عنهم، وحده جرئيه وملسونه ع قولت المديره توديك البحر وترجعك عطشانه وضعها الاسري من ناحية المعامله جدا تعبان مافي اهتمام من ناحية الاب نهائيا .التانيه خجوله ، مؤدبه ،محترمه،وضعها الاسري جدا جدا رائع )
راح ارمز لهم باسماء الجرئيه ع،والهادئيه و قبل الفسحه دخلو عليا الاتنين (ع) قالتلي استاده بنكلمك بموضوع مررره حساس قولتلهم خير .قالت عمي يتحرش ببنته قلتلها نعم،راح اشرت ع (و)قالت ابوها يمارس معاها زنا المحارم،
انا قولتلها اسكتي هدا الكلام ماينقال كدا علنن وبصوت عالي،قالت ع،لاتخافي استاده واشرت ع فمها وتسوي اشاره انها تخيطه،هدا الكلام ماينقال الا لك وبس ،
قلتلها ممكن تتفضلي وتخرجي وتخلي( و) اتفاهم معاها،،قالت هدا اللي انا ابغاه.
سألتها ايش المشكله البنت ساكته ماتتكلم،فقلتلها ي قلبي زي هذي المواضيع منقولها لاحد مهما صار،،اليوم هذي صحبتك بكره عدوتك،قالت ليا هذي بنت عمي قولتلها لو اختك ماتقوليلها ،،عندك امك تحكيها الموضوع ،،وامك راح تحله ،،قالت امي ماراح تصدقني لانها تحب ابويا،قلتلها الام تحب كل شي بس عند بناتها تكره كل شي وتوقف معاهم ترى انت غاليه ومستحييل امك تسمع هدا الكلام ومتصدقك،،سكتت ماردت،قلتلها ممكن تحكي ايش الموضوع من البدايه للنهائيه سكتت ماردت جلسنا تقريبا عشره د ساكتين لما بدات الفسحه قولتلها روحي ولما تحسي نفسك مستعده للكلام تعالي ،قالت طيب وراحت،،طبعا انا ماسكت حاولت اشوف الموضوع من بعيييد لبعيد خاصة انه المديره ومعلمتين من نفس القريه،
سالت المديره والمعلمتين كلا ع حده وبطريقه غير مباشره والكل اتفق ع الاتي(حابه اكتب لكم وضعهم عشان تفهموني وتساعدوني بالحل)
الجد باني بيوت(طبعا شعبيه)جنب بعض وكل بيت في داخله باب يدخلك ع البيت الثاني،،بيت الطالبتين جنب بعض يعني بالعربي يسمعو هروج بعض وكل حاجه يعني كانهم عائيشين في بيت واحد مافي خصوصيه ابدا،،هما مرتاحيين وعاجبهم الوضع،،
(ع)ابوها اكبر من ابو(و) شدييد جدا ع بناته وعياله لانه مو مرتاح مع زوجته،يجلسلهم ع اللقمه وياويل احد يتحرك او يتكلم وهو في البيت ،متزوج غير مرته ومايزورهم الا فين وفين واللي يصرف عليهم الجد وبقيه العمان والخوال،اكبرهم عمره15سنه.
(و)هيا الكبيره عمرها 11سنه عندها3اخوات ،ابوهم روحو متعلقه فيهم يحبهم حب مو طبيعي والكل عارف والكل يتكلم عن حبه لبناته،حنون جدا عليهم يداوم بمنطقه بعيده لمده اسبوع ويجلس معاهم اسبوعين ،،هدي الاسبوعين يعيشهم بجنه ،،الكل يشهد باخلاق الابو وع قولتهم رجال ماتخرج منه العيبه،،،
بيني وبينكم حسيت انه في غيره من ع عشان كدا تحاول تكره و في ابوها،،
المهم قبل ماينتهي الترم الاول جاتني و وهيا تبكي قالت استاده ابغ اتكلم..قلتلها اتفضلي قالت امس الحيوان اتحرش فيا،قلتلها بنت هدا ابوك ،قالت ع تقولي سميه الحيوان لا تقولي ابويا،قلتلها هدا ابوك مهما صار ،قلتلها اتكلمي قالت هو دائما يتحرش فيا،،وقلتلها اخواتك قالت ماادري امكن عشنهم صغار مافيهم معالم انوثا،،قلتلها طيب ايش سوى قالت هو يغيب اسبوع ولما يجي يسلم ع ماما سريع يقولها سلامك بعدين ،انا مشتاق للبنات ويشيلني ويضمني ويجلس يسلم عليا بكل مكان،،قلتلها فين جلست تاشر ع راس والخد ووو(السلام الطبيعي)فاشرتلها ع الفم قلتلها هنا قالت لا بس بعض الاحيان يبغ يسلم ع خدي انا اتحرك وتسير في الفم وهو يبتسم بس ويكمل سلام،،قولتلها واخواتك قالت حتى اخواتي،،قلتلها طيب حبيبي كل الاباء يسوو كدا،قالت لا الابو الطبيعي مايسلم ع بناته بس يمد يده،،قلتلها مين قلك قالت ع،،قلتلها اخصريك منها ،انا بناتي اكبر منك في المتوسط يجلسو ع رجوله ويضموه ويلعبو معاها ،كلامي معجبها قالت يشيلهم قلت ايوه ،،لما كانو صغار قدك كان يطلعو فوق ظهره ويدور فيهم في البيت،،قالت زي الحيوان يسوي كدا ،هدا اسمه تحرش ،قلتلها لا هدا اسمه حنان الاب،،لما ابويا جاي من عمله تعبان ويشيلني ع ظهره عشان انا انبسط،تسميه تحرش ابوك يحبك،،قالت ابويا يحبني لانه بنظره مغريه . قلتله بسألك اسئله ومنها أقولك ابوك يتحرش فيك او لا ،،قالت طيب سالتها بكل شي وكلام صرييح عشان تفهم ،كل اجاباتها تقول لا،ماعدى وحده يسويها لاختها الصغيره عمرها شهور ،الحركه الطبيعيه،،
قلتلها ابوك يحبك وع غيرانه منك تبغاك تكرهيه عشان ابوها مايسويلها وهيا مقهوره،،قلتلها الكلام اللي بيناتنا مايطلع بره حتى ع ماتقوليلها،قالت طيب،،بيني وبينكم حبيت اتاكد من الموضوع قلت امكن انا اشوف هدا الشي طبيعي وهما عندهم تحرش،،رحت كلمت المديره وقلتلها في طالبه تقول ابوها يتحرش فيها،،قلتلها باكلم مشرفة حقوق الطالبات عشان تحل الموضوع،،سالتني مين محبيت اقولها ميين عشان تقربلهم فاضطريت اقول مييين عشان اكمل الموضوع،،لما عرفت مين قالت مستحيل اشك بزوجي انه يتحرش ببناتي ولا اشك فيه،،قلتلها ماادري انا جاتني طالبه ولازم اوقف معاها،،قالتلي سوي اللي براحتك بس ماليا دخل باي شي قولتلها اوك..اتصلت ع المشرفه وكلمتها ع الموضوع وماقلتلها مين،،جات وجلست معاها ونادينا الطالبه وجلست معاها لوحده وتناقشو وكتبتها تعهد وخلت الطالبه توقع،وقالتلي لازم تجي الام عشان تقوليلها..لو الام متفاعلت معاك اديني خبر عشان نبلغ الشرطه ونحول الموضوع قضيه،،ناديت الطالبه وقولتلها جلست تبكي وتقول لا انا ماابغ ماما تطلق عشان اخواتي قولتلها لازم نحل الموضوع،،قالت لا تقوليلها وانسي الموضوع،،قلت اوكيه،،بعدها كم يوم جاتني الطالبه تبكي من الصباح ،قولتلها ايش فيه قالت بابا اتحرش بااختي الصغيره شاف عيبها ،،قلتلها كييف عرفتي قالت دخل علينا الغرفه واحنا نائمين،انا لما فتح الباب صحيت وسويت نفسي نائمه طالع فيا عشان بيشوفني انا صاحيه ولا لا سويت نفسي نائمه راح غطاني بشرشف عشان مااشوف بس فتحت شويه من الشرشف الا هو سلم ع اختي الصغيره(عمرها اقل من سنتين)بعدين فتح حفاضتها رحت غمضت عيني عشان مااشوف ايش يسوي فيها,,فقلت كدا لازم انادي امك قالت طيب بس الله يخليك لاتقوليلها اني اشتكيت ع ابويا ،،قلتلها ابشري،،
ناديت الام،،الام جات قمه في الادب في الزوق في كل شي،،هرجنا انا وياها عادي،،بعدين سألتها كييف علاقه البنات مع ابوهم،،قامت تتكلم كثييير عن زوجها وعن علاقته في بناته (الاب جدا راقي مع بناته ماشاء الله تبارك الرحمن)قلتلها بنتك و،تقول انه ابوها يتحرش فيها قالت كذابه مستحييل اصدق لو كان زوج غير زوجي اصدق ،بس هو لا وجلست تبكي،فحكتني ع موقف امس اللي حصل انه جا من العمل متاخر فمن شوقه للبناته ماقدر يستنى للصباح هو مصمم يدخل يسلم وتقوله لا تصحيهم و وعندهامدرسه،،فوعدها بس يدخل يشوفهم لما دخل عليهم شاف و متقشعه فلحفها عشان البرد وراح للصغيره لقى حفاضتها مليانه فخاف انها تبرد(اياميها كان شتا)فغير حفاضتها،،
لاحظو كلام البنت شي والام شي،،اتناقشنا كثييير في الموضوع ف الام مصممه انه زوجها مستحيل يسوي كدا في بناته،،خليتها تكتب هدا الكلام ووقعتها عليه(شغله روتينيه ع كلام المشرفه)،،
وانتهى الموضوع هنا،،
المشرفه لما عرفت بالموضوع مافيه تحرش.وعندها عنصريه وخاصة مع الحجازيات كبرت الموضوع اني احاول اشوه سمعت هذي القريه ووووو وادارة تعليم المحافظه كتبوني تعهد واني مااتعرض لبناتهم باي شكل من الاشكال..الترم الثاني ماطولت فيه جاني ندب لقريه ثانيه،،فما ادري ايش صار..
وهدي السنه صرت معلمه بنفس القريه وصرت ادرس الطالبتين،،ونفس الموال رجعلي البنت تحلف انه يتحرش ابوها فيها وقالتلي اشياء ماادري صدق او لا(بعض الحركات زوجي يسويها لبناتي فااشوفها عادي وبعض حركاته اشوفها تحرش صريح) فقلتلها هدا الكلام تقوليه لامك..قالتلي لا العام لما جاتك امي وكلمتيها،،لما رجعت المدرسة ضربتني ضرب بفخذي وحرقتني بالملعقه تقولي ليه تفضحينا تبغيني اطلق،،قولتلها وريني الحرق قالت مقدر واشرت ع المنطقه الحساسه وقالت هنا،،فقلتلها مااقدر اسويلك شي كلمي الاداريه او المديره ،،انا مااقدر اسوي شي العام كنت اداريه عشان كدا ساعدتك،،،الا شويه ع جاتني قالتلي ي استاذه و في ذمتك لو صار لها شي،،قلتلها عندكم كلام روحو للادارة قوليلهم،،انا ماليا دخل،،قالتلي احنا نحبك ونحسك قريبه مننا عشان كدا نبغاك تساعدينا..
انا خائفه اساعدهم القريه قبيله وحده وعيال عم ،،اخاف يودوني بداهيه،،،واخاف يطلع الكلام يطلع كذب وانا كاتبه تعهد فنحرم من وظيفتي عشان كلام صغار وبنفس الوقت اخاف يكون صدق وانا اكون سبب ضياع البنت،،،
ابغ حل يريحني،،من امس لما جاتني وانا افكر حتى نوم مانمت زي ناس،،
ايش رايكم