طالبه فزعتكم..ساعدوني في تجهيزات فرحي !!

الله يوفقك وسهل لك كل صعب
بالنسبه للعطورات والمكياج محلات مي بالديره اسعارهم معقوله ونصيحه لا تكثرين العطورات , بقول لك حاجه نصحتني فيها وحده اللي هي {اشتري عطر فخم وغالي وريحته حلوه وتعطر ي منه اول شهر بعدين وقفيه لمد ت اسبوعين } النتيجه انه اذا تعطرتي منه انهبل يازين هالريحه الله يذكر ذيك الايام بالخير يعني الريحه ماتنسي والعطر وريحته يذكركم بشهر العسل وايامه الحلوه,.

اولا الله يوفقك ويسعدك ان شاء الله وبعدين من جد صار كل شي غالي بس انا ما اعرف انتي من اي منطقه والاشياء اللي تلزم العروس قمصان نوم ملابس البيت والرسميات والعزايم الملابس الداخليه وكثري منها فوطه صحيه كا احتياط لانك اكيد راح تستحين تطلبين منه في البدايه اكسسورات شنط جزم شباشب بيت جلابيات طقم حمام شرشف سرير استشوار مكياج عطور مناكير عود وبخور معطرت الجسم زي الوشن والكريم وهالاشياء وهذا اللي حاظرني وبالتوفيق :)

بصراحه ماعرف كم مهرك عشان احدد لك
بس راح اقولك ايش المفروض تشترينه
اجري فستان لزواجك
اشتري ثلاث او اربع اطقم ناعمه ذهب على حسب امكانياتك
اشتري ساعه بسعر معقول على حسب امكانياتك
3 قمصان نوم طويله مع اروابهم
7قمصان قصيره
4 بجامات برمودا
4 شورت مع بدياتهم
اشتريلك 10 اطقم ملابس داخليه او اذا حابه تزيدين اكثر
3 بناطليين جينز و3 تنانير قصيره مع بديات عندك ستي بلازا حلو وجنيفر
جلابيه استقبال او جلابيتين
5 تيورات مرتبه
الجزم الله يعزك اشتري الوان اللي ممكن تحتاجينها زي الاسود والابيض والذهبي
والشنط زي ماتحبين بس لاتكثرين
لاتنسين الاكسسوارت
وراح تلاقين في بودي شوب ونكتار مجموعه عطر مع مزيل عرق ولوشن .. بسعر جدا معقول وتشكيله رائعه
اشتريلك روب للحمام وفوطه وشباشب للبيت ولقمصان النوم
اشتري ملحف للسرير فخم
واشتري مكياج مو شرط ماركات عندك مكياجي اسعاره معقوله
المكياج بتلاقين بمكياجي علبة ظلال فيها الوان كثيره بـحدود 100 ريال
واشتري بلاشر وردي ومشمشي وبرونزي
الروج وردي واحمر وبني ... مع قلوساتهم او ممكن قلوس واحد شفاف
ماسكرا وحده وكريم اساس وقلم لتحديد الحواجب
كحل اسود وازرق وابيض
مناكير اشتري 4 الوان من اللي تحبينهم مثلا وردي واحمر وفوشي ولؤلؤي
لاتنسين حمام الزيت لشعرك وجل الشور وبودره للجسم وعطر المفارش والبخور وغسول للمنطقه الحميمه تلاقينه بصيدليات وحلاوه لنزع الشعر وفوط صحيه وعلك ومعجون اسنان ومطهر للفم
استشوار - جل للشعر (موس) اذا حابه تسوين كيرلي
وفصلي لك عبايه او عبايتين
ولاتنسين تشترين لك فستان سهره موشرط غالي كثير بحدود 1000 او 1300

تسلمون ياقلبي مع اني مابعد قريت شيء من ردودكم بس شكله بينفعني الله يوفق كل وحده ساعدتني وردت علي ..

ولا تنسوني من دعواتكم ..

الله يوفقك ان شاء الله .
وعندك ستي ماكس وستي بلااز عندهم قمصان نوم وبيت شكلها فضيعه
واستغلي التخفيضات الان .
وكانك من الرياض فالأماكن الرخيصة وبضاعتهم حلوة هي :
المكياج والعطور والشامبوهات : عندك شارع السويلم اللي بوسط الرياض عند قصر الحكم ( بنهاية شارع السويلم من جنوب ) .
المفارش وأطقم أرواب الحمام والشنط الكبيرة : بالبطحاء فيه شارع كامل خاص بهم وهو امتداد شارع حلة القصمان باتجاه الشمال وعلامته وانت بشارع البطحاء من الدائري بعد مقبرة العود كوبري اللي فوق سوق اللحوم بالبطحاء اطلعي فوق والكوبري الثاني من تحت روحي يمين ثم أول شارع يسار هذا هو الشارع وعلامته بمدخل الشارع لوحة كبيرة مكتوب بها شماغ البسام .
أيضا المفارش وأطقم أرواب الحمام والتحف : المستودعات بحي الفيصلية وهو مع مخرج 17 بالدائري الشرقي اتجهي غرب تقريبا ثاني اشارة ادخلي باتجاه الجنوب هذيك هي المستودعات .
الشنط اليدوية والمكياج والاكسسوارات والساعات اليدوية : عندك شارع المرقب وهو بطريق البطحاء بعد ماتنزلين من الكوبري اللي فوق سوق اللحوم بالبطحاء يجيك مصرف الراجحي على اليمين بعده شارع ادخلي معه يمين هذا شارع المرقب واللي تحت مواقف المرقب الساعات اليدوية .
الذهب : عندك سوق حلة القصمان أسعارهم حلوة وهو عند مواقف سيارات المرقب .
الملابس : عندك أسواق مكة عند شارع طارق بن زياد فيه أطقم تيورات وبلايز حلوة بالدور الثاني .
هذا اللي اذكره الحين واذا تذكرت غيره راح ازودك بالمعلومات .