تسلمين حبيبتي وجزاك الله ألف خير

اه يا كتكوته بطعم التوته ذكرتيني بجلاسجو وايام جلاسجو والله كانت ايام احلى ايام عمري صح كان فيها شقاء وتعب بس هم فيها حلاوة التعب وحلاوة الالتقاء بناس جديده حلاوة المكان نفسه حلاوة اكتشاف اشياء جديده كل يوم اتذكر سانتي انوخ سنتر وساكي هول ستريت ياما رحت وجيت فيه ومحلي المميز دنس ستور ودبنهام وفريزر الله والله انه خانتي العبره اول ماتزوجت طواله رحت لجلاسجو ببريطانيا وعشت فيها ست سنوات لا تنسي تشتري الفلافل المجمده من كي ار كي مال الحلال ولا تنسي تشتري الحمص حج اسدا روووعه ولا تنسي تنزيلات اسد حج ملابس الاطفال والله انها شي واسعاره رووعه انا محل ما كنت ساكنه كان قريب علي اسدا كان كل يوم مع التاكسي او الباص رايحه راده لاسدا اسفه طلعت عن موضوعك بس انا برضه كنت احيانا استعمل الاكسترا دبل كريم كقشطه تقريبا نفس النتيجه وارسلي لي شوية ثلج وين ساكنه بجلاسجو ؟؟؟؟؟؟؟بوسط المدينه ولا برع؟؟

اخيرا حبيبتي اشتريتها وصورتلك هي
ولا صورت اشياء ثانيه امكن تستفيدي منها :D

هذي القشطه زي التاج واليوم لقيتها بالبقالات العربيه




شوفي هذي الجبنه زي كرفت السايله بس اقل ملوحه انا مااحب الفيلادلفيا ووحده من جاراتي الله يجزاها بالخير قالتلي عليها تلاقيها جنب الفيلادلفيا


وهذي القشطه الفريش بس ترى اللون الازرق اغمق من كذا صايرعلى كحلي



وهذا بف باستري مفرود جاهز احسن من القطعه الكبيره بس تقصينه

BINTalnoor
تسلمي حبيبتي على كلامك الحلو عن جد جلاسكو حلوه بس مو مره إمكن لاني ما اعرف ناس كتير فيها ولكن جوها البارد يجنن لاني من سكان جده وانت عارفه جده دايما حاره وبصراحه الفلافل حقت كى اركي ما جربتها انا دايما اشتري اللحم والدجاج منه ولكن حجرب الفلافل على ضمانتك وبالنسبه للحمص حق اسدا فانا من عشاق اسدا بكل ما في وانا دايما اشتري لاولادي منه على قولك ملابسو رووعه واسعارو كمان اما السكي هول سترييت اعتقد انو حفظني ههههههههه من كتر ماروحو لاني قريبه منه نوعا ما وانا ساكنه في وسط البلد قريبه من جامعة جلاسكو وهي تعتبر برضو قريبه من من الستي سنتر وماشاء الله عليكي وعيني عليكي بارده لسه متذكره كل شي فيها ولا امكن تكوني سايبه جلاسكو قريب

او نونا تسلميلي حبيبتي وجزاك الله الف الف خير على الصور ومساعدتك لي وابشرك انا اليوم رحت تيسكو واشتريت القشطه العلب حقت نستله بس ما لقيت غير المقاس الاكبر من الصوره اللي مقاسها 283g
بس مشي حاللك المهم اني لقيت البديل وتسلميلي حبيبتي على الجبنه عن جد جات في وقتها لاني بنتي كانت ماتاكل غير جبنة بوك وبعد المقاطعه صرت ما اجيبها وصرت اجيب جبنة البقره الضاحكه ويعني نوعا ما عجبتها تسلمي يارب والبف باستري فعلا شكلو طيب احسن من اللي كنت اشتريه لاني كنت اشتري زي ماقلتي القطعه الكبيره واحيانا كمان ماتطلع العجينه طيبه لاني كنت استخدم انواع مختلفه حسب الموجود معليش طولت عليكي بس بصراحه فرحت مره لمساعدتك لي وبصراحه مره ارتحتلك وياريت ترسليلي رقم تلفونك اذا حبيتي على الخاص لاني اتمنى نكون اصحاب واخوات في الله بس تعالي قوليلي انت اصلا من وين يارب تكوني من السعوديه ومن جده بالتحديد عشان اذا ربنا اراد وصرنا اصحاب نكون في بلد وحده ونتزاور وانت لك حرية الاختيار في ارسال رقمك وفي امان الله