طالبه منكم العون مع أخوي الصغير

أختي الغاليه .. اخوج الحين في سن مراهقه ويبا يحس انه ريال.. والمشكله انه يحس الرجوله في هالشي .. حاولوا تعوضونه بأشياء ثانيه .. مثلا تزقرينه بأبو فلان.. وحاولي تعطونا بعض المسؤوليات .. مثلا يشتري لكم اغراض للبيت .. صح انه بيغلط ومابييب كل اللي تبونه بس لازم تعطونه بعض المسؤوليات.. وايضا مثلا انج تبغين تطلعين .. قولي له انته ريال وتعال ويايه الريال هو اللي يحافظ على خواته.. ويوم بتدخلين وياه المحل خليه هو يكلم الريال وانتي لا تتكلمين .. حسسيه برجولته .. ادري بتقولين صغير .. انا اقولج لازم تتحسسونه انه خلاص ريال .. وتعتمدون عليه.. ولا تعاملونه على انه ياهل .. وفي هالسن بسرعه بيتقبل النصيحه اما اذا وصل سنه 19 و20 براها صعبه ان يتقبل هالشي .. حاولي تشترين له هديه مثلا شي في خاطره وعايبنه من فتره بس عشان يتقرب منج اكثر .. وانتي حاول تستشيرينه في بعض الاشياء عشان يحسن ان في حد بعد ياخذ برأيه ..

اختي كل الشباب يمرون بهل المرحله او اهم شي انكم ما تهملونه .. حاولوا تكسبونه بالكلمه الطيبه .. والحب والحنان عشان ما يلجأ لحد غيركم لانه هالسن وياخطر والواحد يخاف من الإنحراف..

ولاتنسنوا دايما تدعون له بأن الله يهديه ويصلحه .. وخاصة دعاء الأم لولده .. دايما ذكري الوالده بها الشيء..

اسأل الله ان يهديه ويصلحه لكم .. ويجعله ولد صالح بار بوالديه .. ويجعله قرة اعين لكم .. ويكون للمتقين إماما..

الله يكون في عونكم
أخوك يمر في مرحلة الوراهقة وشكلكم مدللينه فهو يبغى يثبت وجوده فحاولي إنك ماتغيضينه أعتمدوا عليه في بعض الأمور
ومرحلة وتعدي بس سايسوه

اسأل الله ان يهديه ويصلحه لكم .. ويجعله ولد صالح بار بوالديه .. ويجعله قرة اعين لكم .. ويكون للمتقين إماما..

يالغالية .. أخوي بعمر أخوج تقريباً .. والفرق بينا كبير
ونفس الحاله ماعنده حد في سنه .. تلقينه أغلب وقته بالبيت وربعة تواصله معاهم قليل بس بالمدرسه
كان دلووع امي ... ومدلل بزيااادة .. يحصل على كل الي يبيه .. لكن رغم ذلك اخواني الشباب كانوا مايعطونه سالفه وابوي كبير بالسن
وانا كنت خايفة من ان شخصيته تطلع مهزوزه لانه عايش بين بنات

المهم جات له فتره تعبنااااااااااااا كثير .. صاير عنيد ويبي يفرض وجودة
مثل ماقلتي مايحترمني لما حد يزورنا من خواتي

تميت أدعي له من خاااااطري ان الله يهديه ويعقل
وغيرت طريقة تعاملي معاه .. تقربت منه أكثر .. أقعد معاه واسولف وأسمع سوالفه
اذا ضايقني .. بعد فتره ارجع اتكلم معاه لكن ما أنتقد بطريقة مباشره .. بس افهمه بطريقة حلوه اني مستغربه ان هالتصرف طالع منه .. هو يحاول يبرر موقفه ..

اتكلم معاه في الدين كثير أحكي له قصص عن الرسول .. أقوله احاديث عن صلاة الجمعة وشغلات تهمه في حياته

اشجعة في دراسته .. واجيب له هدايا او اعطيه فلوس بس بعد ما أكون راضيه عليه بنتيجه حققها

صرت اقوله بين فتره وفتره انت صرت ريال .. مثلاً ابي اطلع السوق بس لازم يكون وياي ريال ابيك تطلع وياي
احسسه برجولته قدام نفسه وقدام الآخرين
وأحس أنه يفرح لما أقول جذيه ...


والحمدلله وضعه تغير وصار ماشاء الله عليه يعتمد عليه
وصار يهتم فيني ويحترمني ويحترم امي وابوي واخوانه .. لانه حصل على الاهتمام الصحيح ..

في البدايه رجعت له الحاله مره أو مرتين لكن يحس بغلطته ويرجع يعتذر بطريقته


الله يهدي اخوك .. ويوفقك يارب

معلي هو الحين بفترت مراهقه بس لازم تادبونه شوي