طالبه منكم العون مع أخوي الصغير

السلام عليكم و رحمة الله و بركاته،،

أنا عندي أخوي الصغير، عمره تقريباً 12 سنه، أنا اللي أكبر عنه فالبيت و عمري 27 سنه، خواني و خواتي الكبار كلهم متزوجينن، يعني الفرق بينا 15 سنه و أنا أقرب شخص له، المشكله بدأت من سنتين تقريبا، صار يتشكى أن ما عنده خوان يلعبون معاه و يتسلى معاهم و صار مهمل بالدراسه و ما يحترم حد، أنا و أمي و أبوي اللي معاه 24 ساعه بالبيت و دايما نهتم فيه و موب مقصرين معاه، المشكله أنه من فترة ما صار يحترمني، خصوصا إذا جونا ضيوف أو خواتي المتزوجات، يصارخ لي و يهزئني ويريد يثبت وجوده عن طريق الصراخ و لأسباب تافهه و بأي طريقة،ع الأسف حتى أمي ما صار يحترمها مع أنها كبيرة بالسن، و أبوي دايما ينصحه و يحاول يعقله من دون أي فايده، أمي وأبوي مستغربين منه يقولون أنه هو الوحيد اللي فالبيت العنيد، يعني نحن يوم كنا صغار ما كنا مثله؟؟ أريد منكم يا خواتي نصايح و طرق كيف أتعامل فيها معاه.

خواتي أعضاء عالم حواء أنتم خواتي و المنتدى هو بيتي الثاني، أتمنى أنكم تفيدوني و جزاكم الله كل الخير.
أتمنى كل و حده تقرأ موضوعي تدعي لأخوي بالهداية و تعطيني مقترحات أو نصايح بكيفية التعامل معه لأني أحبه و أريد مصلحته..