طالبه نصايحكم بعد الاجهاض

الحمل والإنجاب

السلام عليكم ورحمه الله وبركاته
عساكم طيبين وبخير
خواتي بشرح لكم شصار معاي وشنو كنت اسوي خلال فتره الحمل وبغيت نصايحكم بعد ماجهضت
اول شي الحمدلله والشكر على كل حال وباذن الواحد الاحد بعوضني وبرضه الحمدلله
الله يسلمكم في البدايه اعيش مع اهل ريلي كل شي تمام لفتره شهرين كنت اشتغل ف البيت وتصيدني امور تضايقني لكن الحمدلله هذي الحياه قبل اسبوعين تقريبا سافرو الشغل علي كنت احاول ماتعب روحي لكن كنت اتعب والفتره قبل يومين كنت قاعده ارتاح قمت شوي بس ورجعت ماسويت شي يتعبني وايد عادي كلش المهم لما رجعت الا نزل علي دم احمر خفيف حسيت بشي غريب اول مره. يصير معاي جذي خبرت ريلي ورحنه ع طول مستشفى خاص قالو لي كل شي اوكي غير ان الجنين صغير ومافي نبض المفروض عمره 10 اسابيع لكن طالع 7 اسابيع ويومين كتبت لي على ابره تكبر الجنين وحبوب فوليك والثانيه توقف الدم رجعت البيت تعشيت ورقدت لكن من الالم كنت اون لما صار الصبح وماتحملت حسيت بينزل وفعلا نزل رحت المستشفى ونظفوني وكلشي بس ماسوو لي عمليه الحمدلله
الحين شنو لازم اسوي ناس قالو لي ع الاقل ارتاحي شهر لا تعبين ظهرج ريلي محد له غيري ماحب اهمل واجباتي نصحوني شلون اوفق بين هالامور وبين ان ماتعب ظهري
وشي ثاني لو كنت ساكنه بروحي بعد بصير الشغل علي علموني شلون يكون شغلكم في الاشهر الاولى من الحمل
يمكن الغلط الاكبر الي سويته ان مراجعت الدكتوره من بدايه حملي بس الحمدلله ماكانت اعاني من شي احيانا لما اشتغل وايد ينزل علي بني لكن يروح بعد مارتاح وكنت اقره عن هالامور في النت وكنت اكل عدل وابتعد عن الممنوعات وايد نسوان ماكانو ياخذون الحبوب مثل حمض الفوليك وغيره وتم حملهم
هل اعتبر عدم زيارتي للدكتوره غلط ولالا
اسفه طولت عليكم بس بحاجه لنصايحكم وتجاربكم
14
24K

يلزم عليك تسجيل الدخول أولًا لكتابة تعليق.

تسجيل دخول

alemtenan
alemtenan
وعليكم السلام ورحمة الله وبركاته..الحمد لله على سلامتك أختي فطومه ربنا يعوضك بخير واحسن وأبر منه.. انا كمان أجهضت ربي يعوضني خيرممكن يكون سبب الاجهاض كثرة الحركه او ارهاق الجسم باعمال البيت وكمان في ناس يقولوا السفر يخضخض ويحرك الجنين من مكانوابس مع كذا ما ننسى انو اختبار من ربنا ليشوف مدى صبرنا واحتسابنا..هذا اللي عندي..تحيتي..// إمتنآآن..
Fatooma2.3
Fatooma2.3
صاجه اختي .. امين ربي يسمع منج .. الحمدلله رب العالمين
يزاج ربي كل خير
رحيق الورد...22
رحيق الورد...22
حبيبتي الحمد لله على سلامتك والله يعوضك بكل خير يارب ..
انا مريت بتجربة الاجهاض وبقولك نصايح من تجربتي والحين المهم بالحمل الجديد اذا صار كيف تحافظي عليه بإذن الله ..


اول شي .. انا بعد ماسقطت ارتحت اسبوعين كانت امي عندي الله يخليها انا ساكنه بمنطقه ثانيه واول ماسقطت جاتني وطول هالاسبوعين كنت اشرب اشياء دافيه وحليب مع رشاد وطبعا الادويه الي كتبوها لي بالمستشفى وكنت مرتاحه مااشتغل كثير وبعدها طبعا رحت مراجعه للدكتوره عشان اتاكد ان الرحم نظيف ميه بالميه وبعدها الحمد لله رجعت لحياتي الطبيعيه ..
ثاني شي .. دكتورتي نصحتني مااحمل بعد الاجهاض على طول قالت انتظري 3 شهور حتى ترجع بطانة الرحم وتصير قويه وتتحمل حمل جديد ..
وقالت لي الشهر الي بتنوين تحملين فيه من قبله اشربي حبوب الفوليك .. وفعلا بعد ماخلصت 3 شهور وكنت حذره فيها اني مااحمل بديت اخذ حمض الفوليك وهو مره كويس ومفيد حتى اذا صار حمل يحمي بعد الله عز وجل من التشوهات الي ممكن تصير في الجنين
يعني انتي قبل ماتنوي تحملي حمل جديد خذي حبوب الفوليك يوميا حبه وحده .. واستشيري دكتورتك عشان تكتبلك عليها..
الحين المهم ..
اذا ربي كتب وحملتي ان شاء الله ارتاحي ارتاااحي لابعد حد لاتشتغلي ولاتسوي شي خليك مريحه ع السرير والله يخلي المطاعم والغسالين والكوايين ولا روحي عند اهلك فترة الثلاث شهور الاولى لانها هي الي يزيد فيها خطر الاجهاض ..
وغير كذا اول ماتعرفين انك حامل بسرعه تروحي لدكتوره شاطره وفاهمه وتقوليلها انك قبل سقطتي وهي راح تكتبلك على مثبتات مفيده جدا لتثبيت الحمل بعد ارادة الله عز وجل وبتسويلك التحاليل وكل الامور اللازمه
والشي الاهم والمهم اذا شفتي نقطة دم او مو شرط دم لو افرازات بنيه على طول تروحي للدكتوره حتى لو وقفت لان هذا اسمه انذار اجهاض وممكن يتفادونه ويعطونك ابر وتحاميل مثبته لين تعدي الخطر بإذن الله
وخلاص اذا حملتي شغل وحركه كثيره مافي اهل زوجك الله لايهينهم يدورون شغاله لو الي تجي باليوم او بالساعه تخلص شغل البيت وتروح والاكل المطاعم موجوده ..
وكمان سونار مهبلي اذا قالولك سوي سونار مهبلي ارفضي مهما يحاولو فيكي انا كان ينزل عليه قليل افراز بني قليل جدا اذا مسحت بالمنديل اشوفه ولمن رحت للدكتوره سوتلي سونار مهبلي وهي تسويه حسيت شي حار اندفع مني وطلعت السونار وهو غرقان دم ومن بعدها والدم ما وقف لين سقطت ..


هاذي كل نصايحي ليكي والله يعوض عليك بكل خير ويرزقك الحمل السليم التام المعافي يارب
miselreem
miselreem
وانا كمان اجهضت من يومين ربنا يعوضنا خير جميعا يارب
مشكوره اختي رحيق على النصايح
لافندر.بمبي
لافندر.بمبي
بالاضافه توقفي عن الجماع ثلاث الشهور الأولى أو أربع شهور وأخذي دوفاستون وتحاميل سيكلوجست للتثبيت وأبر مثبته وفيتامين ب وفوليك اسد