انا ادرس في جامعه نوره قسمي لغه عربيه انتسااااب برضووو :)

عندي ولد عمره 3 سنوات الله يخليه لي
هذي اخر سنه لي حاولت انتظم بس مااااش :) تعب من جد
لااا وبكره عندي تطبيق في مدرسه الله يعيني على قومه الصبح<< ماتعودت:(

ياهلا وغلا بالي نوروا الموضوع
بنات هي صعبه وغثى وكله كوم لاجاتك استاذه ممله
بس لازم نكون قدها لانه مابينفعنا في هزمن غير طاعه ربي ثم الشهاده
انا جالسه احاول اترتب بس كل ما أجي بنظم نفسي اتلخبط لان عندي يومين في الاسبوع اجي العصر
والسنه هذه يبغالها شده حييييييييييييييييييييييييييل لانها مصيريه >>>متعوب على الكلمه
لازم نتكاتف ونتساعد وان شاءالله ربي مايخيب املنا هو الكريم
تعرفون الحديث (من سلك طريقا يلتمس فيه علما سهل الله له طريقا الى الجنه )
حاولوا نعيد نصلح نيتنا يعني نحط نيتنا اننا نعمل بهذا الحديث
ابغى افيدكم بشي
انا احس اليوم الي اعبد فيه ربي غير عن باقي الايام تتسهل اموري بسررررررررررررررعه
الله يوفقنا جميعا ونتخرج ونفرح وننبسط

هلا والله هذي تجربه 100% مريحه
انا ماتزوجتك لسى بس حبيت افيدكم:35:

بقولكم نظام وحده من قريباتي ومرررررره مرتاحه عليه ماشاء الله :27:
تروح جامعتها من الصباح طبعا وتوصل البيت الساعه 3 العصر

تسوي الغدا سريع مكرونه مو شرط كبسه ومايخلصو غدا الا مأذن العصر

تصلي وتنام الى المغرب

بعد المغرب تسوي قهوه مع حلا بسيط وسريع او زوجها :arb:من يجي يجيب معاه صحن حلا جاهز

تكيييييف ع القهوه وسوالف وعلوم لين اذان العشاء

بعد العشاء تسوي عشاء محترم لها ولزوجها واكثر شي تقول كبسات لان بالغداء تسوي شي خفيف
تعوضه يعني مهوب مجوعته بالغداء والعشاء ههههههه

المهم ع بال مايجهز العشاء تكون مجهزه شنطتها وصندلها ولبسها المكوي وكل شي ع اساس الصباح بس تلبس وتروح << مهوب تدور فيهم ساعه خخخخخخخ

بعد مايجهز العشاء ويتعشون تقريبا الساعه 10 بالليل زوجها خلاص يروح ينام

وش يبي مسولفه معو المغرب ومقهويته ومعشيته وكل شي خالص :35:

بعدها تجلس تحضر او تذاكر بعض الدروس ومن تجي الساعه 11 ونص او 12 خلاص مخلصه
وتروح تنام ونوووووووووم العوافي

ملاحضه :
يوم الاربعاء طبعا اخر يوم
تخلي من الساعه 10 لين 12 اللي هو الوقت اللي دايم تذاكر فيه ايام الاسبوع تغسل فيه كللللللللللل بلايز الكليه وتنانيرها وتكويها
ويوم الخميس تروح لاهلها تجلس عندهم من العصر للمغرب
بعد المغرب ياخذها زوجها وع البحر يسهروووون لوقت مايجيهم النوم ويرجعون البيت
الجمعه تغسل كللللللل ملابس زوجها وترتبها بحيث تكفيه اسبوع عشان ماتغسل الى نهاية الاسبوع

طبعا اهل زوجها بعييييد بمنطقه ثانيه فعشان كذا يعوضونهم بكل شهر يروحون عندهم خميس وجمعه ويجون

هذا كل ماعندي وسلامتكم واذكروا الله عليها



طولت عليكم بس والله استفدت كثيييييييييير من بنات حواء الله يجزاهم خير وحبيت افيدكم


تكفووووووون ادعوولي بالزوج الصالح عاااجلا ومن قلوبكم

وشكرا

موضوعك حلو ورايق

انا طالبة انتساب في جامعة الامام محمد بن سعود
قسم اصول دين
المستوى السادس

قدمت للجامعه بعد انقطاع عن الدراسه لمدة ثمان سنوات بعد الثانوي لاني تزوجت
يوم افكر في الجامعه كان عندي 4 اطفال اصغرهم كان عمره 6 شهور
كان هناك فرصه للمطوي قيدهم مثلي ومر على تخرجهم من الثانويه 4 سنوات فرصة التقديم على الدوره التاهليه للانتساب المطور والتعليم عن بعد كانت اول دفعه في هذي الدوره هي دفعتي
قسم بالله يابنات ان اول يوم في الامتحانات ما اعرف امسك القلم انه يطيح من يدي (من زمان عن الدراسه )حتى المخ مقفل ما اقدر احفظ وما استوعب بسرعه احيانا يجيني حالة صياح بس الحمد لله على كل حال مع الاصرار والعزيمه مافيه شي صعب

الضغط يكون قبل الامتحانات بشهر تقريبا لان يكون فيه حفظ جزء كامل من القران لكل مستوى واحيانا يكون فيه بحوث ماتنزل خططها الا في نهاية الترم
الضغط الاكبر ان الامتحانات للمنتسبات صارت فتره ثانيه من عشره ونص الى تقريبا وحده وانتي خارج البيت فترة رجوع الاولاد من المدارس تشيلي هم شوي
كل شي جربته استاذن لهم باقي السنه لان امتحاناتهم تقييم ورحت لا اهلي حسيت اني ضيعتهم وهم اولى في الدراسه مني
حاولت اني اغيبهم فترة امتحاناتي واخليهم يروحون يوم في الاسبوع يصيرون مذاكرين فيه للمدرسه عشان يقيمونهم بس احس اني شتتهم
حاولت اني ادرسهم اول باول قبل المتحانات عشان ما نضغط فترة امتحاناتي لان يكون عندهم تقييم بس مهما كان لابد يكون فيه ضغط
ومازلت مسيرة البحث عن حل مناسب مستمره
صحيح ان ايام امتحاناتي اكون مضغوطه واحس انها ايام صعبه بس حلوه والله

الله يوفق الجميع

كانت هنا
7
7
7
7
7
ريميه :26:

ثااااااااانكس لكل الي مروا
وان شاءالله ربي يسهلها
احس الايام الي اجي فيها العصر مره تعب
نفسي اذاكر اول بأول احس الدروس تراكمت علي
الله يعيننا