هذي قصه حقيقية لطالب في احدى الجامعات في الرياض
والله العظيم(كلام الرواي وليس كلامي)
انني اعرفه شخصيا لم اره في حياتي متكدر
او متضايق او مزاجه معكر او مهموم
والله لايدخل عندنا القاعه الا وهو متبسم
ومبسوط ونفسيته والله العظيم لاتقارن بغيرها
والله ليس ملتزم يعني ماهو مطوع ولاهو إللي متشدد
ولد طبيعي زيه زي اي شاب
ولكن معروف عنه مايترك الصلاه ابدا يصليها بوقتها
ومع ذلك طبيعي يسمع اغاني يطلع يروح يجي
يموت في شي اسمه بالوت وهو صديقي المقرب
اعرفه من 17 سنه مع اني اقرب المقربين له ماعلمني انه كافل
لكني اكتشفت هذا الشئ لما ركبت معاه السياره ونزل هو يشتري من اسواق التميمي
وأنا فتحت الدرج حق سيارته بطلع شريط باسمع اغاني لقيت ظرف
وانا طبيعتي ملقوف
فكيت الظرف وهنا صراحه صعقت
اكتشفت انه كافل ثلاث ايتام وحده عمرها 18
ووحده 8 سنين ووحده سنتينوالله اني بكيت سبحان الي يسرله هالعمل الصالح
والله ياناس مو باين عليه ابدا
يوم رجع وركب السياره طبعاً هو مرح جدا طلع
توكس وصقعه بخشتي قال خذ واستغرب وش فيني ساكت قال وش فيك
قلت ولد انت كافل ايتام؟
هو برطم وسكت شوي وضحك وقال امممممم ايه
قلت امانه وشو الي خلاك تسوي عمل عظيم زي كذا
قال والله السبب واحد
قريت حديث عن الرسول يقول
(( انا وكافل اليتيم في الجنه كهاتين ))
واشار بيده الرسول بالسبابه والوسطى
وقال والله العظيم ان اموري كلها ميسره بشكل ملحوظ ووالله
ان ربي ساترني ورب الكعبه ان الفلوس ماتنقصني
وابوي وامي راضين علي واقسم بالله ماقد استصعبت علي حاجه
ونفسيتي مرتاحه وكل شي نفسي فيه عندي والله انتم ماتدرون عني اقسم بالله
اني عايش بيني وبين نفسي حياه ثانيه انتم ماتحسوا فيها ماعندي مشاكل ماعندي شي يزعجني
مهما اوصف ماراح تحسون في إللي احس فيه
فقلت له ابي اكفل زيك قال خلاص ورحنا اليوم الثاني
مؤسسة مكه المكرمه الخيريه
هم لهم كذا فرع بالرياض والسعوديه وفروعهم هي
مكه+المدينه+جده+الطائف+الخرج+الدلم+الافلاج+الدمام+الاحساء+الخفجي+
حفر الباطن+حائل+الزلفي+القصيم
ورقمهم الموحد الثابت 8001249191
والجوالرجال 920000903
والجوال نساء 920000906
والكفاله للأيتام داخل السعوديه 200 ريال
والكفاله للأيتام خارج السعوديه 100 ريال
اتمنى من الجميع المبادره والله المبلغ جدا زهيد احنا نصرفه في اشياء تافهه
والله صدقتنا هذي تنفعنا يوم القيامه والله ماتدرون ممكن يحاجون علينا من النار
اسأل الله ان لايحرمنا الاجر
منقول
يلزم عليك تسجيل الدخول أولًا لكتابة تعليق.
قطعــــ حلى ــــة
•
جزاك الله الف خير
الله يجزاه ويجزا كل كافل يتيم الجنه والسعاده في الدارين
ونتي بعد اختي جزاك الله خير على هالموضوع
ونتي بعد اختي جزاك الله خير على هالموضوع
انا نجمه
•
جزاك الله خير الجزاء .,
والله من جد مبلغ زهيد وأحنا الله يهدينا نصرفه في حاجات
تافهه جدا بس الحاجه اللي فيها أجر نشوف هالمبلغ كبير.,.,
تحياااااتي.,.
والله من جد مبلغ زهيد وأحنا الله يهدينا نصرفه في حاجات
تافهه جدا بس الحاجه اللي فيها أجر نشوف هالمبلغ كبير.,.,
تحياااااتي.,.
الصفحة الأخيرة