طالعة من النفاس وصابغة الشعر ومتكشخة تتنظر زوجها (قصة حقيقية)

السلام عليكم اخوتي ورحمة الله وبركاته 0
هذي قصةحقيقه وقعت من وقت قصير بس كل ما أذكرها اتنكد لأن البنت هذي اعرفها 0

نشوف مع بعض تفاصيل القصة والحكم والتعليق عليكم00033FF


البنت اول شيء متزوجه وهي كبيرة شوي0 عندها طفلين وجابت الثالث وقعدت تنفست عند اهلها قبل ما تخلص الأربعين كعادتنا نصبغ ونقص ونتكشخ وقعدت البنت ذاك اليوم تضف في اشغالها هي وعيالها لترجع لزوجها وتكشخت له بهالتيور والشكل الجديد على قولتنا (لوك جديد) واتصلت عليه0
نورة\وينك 0
محمد\في الطريق شوي واجي0

انتضرت نورة والوقت طال ودقت عليه ميت الف مره بس ما أحد رد وفي الأخير لما تدق عليه مايرد(لو انتي مكانها :(

في الجهه المقابلة عند محمد الزوج حصلة حادث ومات0

الخبر ماوصلهم الأ من بكرة 0
نوره\ما اصدق ليمن اشوفه0
ودودها لعنده يوم شافته اغمى عليها وصار لها زي الأنهيار العصبي كل ما توعت دقولها ابرة 0

جت وحدة من طرف الزوج وقالت بآخذ الأولاد عندي بس الصغار رفضوا قالوا ابوي راح يجي0

الموقف صعب صعب بين لحظة فاصلة يمكن تكون النهاية بين زوجين قد يمر عليهما حالات ومشاكل قد تكون تافهه من اجل طلعة او سوق (هل يستحق هالزوج الزعل؟؟)

لو تفكرين مجرد تفكير ان هالموقف راح يمر عليك وش راح تسوين انا بالنسبة لي صرت اخاف هو جنتي وناري 0

قصص كثيرة في المنتدى تطلب مساعدة من موضوع بسيط ويرجع لصغر السن وقلة الخبره وراح تكون مع العشرة اشياء تافهه وتجعل صاحبتها تندم على تلك الأيام التي ضيعتها في التحدي والزعل وقول مسألة الكرامة 0

يمكن الموضوع مو مترابط اعذروني بس حبيت اوصل لكم شيء ان هالحياة اللي نعيشها ما تستحق كل هالزعل والزوج طرتي ولا وقعتي هو ملاذك الآمن لك ولعيالك والله لايحرمنا منهم ويديمهم علينا وما أحد متحملنا وعيالنا الأ هو فالله لا يخلينا منهم قولوا آمين0