بسم الله الرحمن الرحيم
السلام عليكم ورحمة الله وبركاته ..
كيفكم يااحلى امهات ؟؟
من فتره ارسلت لي وحده من الاخوات الغاليات ..
تسالني اش تاخذ معاها لما تطلع خارج البيت ..
وكيف ترتبها ..
فحبيت انزل هذا الموضوع
عن الاشياء اللي انا احرص اخذها معايه ,,لما اروح للسوق
او اي مشوار يكون قريب ,,
(( اكيد كل وحده عندها اضافه .. لا تبخل علينا ))
اولا
قبل مانخرج اقول لتالين انو حـ نروح للمكان اللي نبغى نروح له وانبهها اذا ازعجت او ماسمعت الكلام
راح اعاقبها او راح تنحرم من وحده من العابها ..
علشان تصير مؤدبه وماتتعبني ..
ثانيا
اخذ معاي اي سناك لها ,, علشان لو جاعت او طولت في المشوار ,,
وارتبه لها في شنطتها ..
وهنا رتبتها في الشنطه ..
وهذي شنطتها جاهزه ..
(( مااحب اخذ اي شي في شوكلت .. علشان ماتوسخ نفسها وملابسها .. وضروري يكون معاي
معقم ومناديل ))
*************************
**********************
وبكذا مااشيل هم انها تجوع او تعطش ,,
بس باقي النظافه وخاصة لما تطلب دورة المياه { الله يكرمكم }
انا مااحب هذا الطلب لان الاماكن العامه ماتنضمن
وتخوف ,,
وللاحتياط اخذ معاي ,,
جونتي مطاط .. (قفاز) .. قبل الدخول ..
علبة بخاخ فرغتها من العطر ,, وحطيت فيها مطهر
ارضيات داك وشوي كلوريكس .. ارش منه على
مقعد الحمام {الله يكرمكم }قبل
استخدم الغطاء الصحي عليه
وغطاء صحي ..
ولما تنتهي نغسل بصابون ديتول ,, انا اخذ قطعه
صغيره من صابونة ديتول واحطها في كيس بلاستك
صغير (( دايم القاه مع ملابسها فيه زراير ))
واكيد معقم ديتول ..
وهنا رتبتها في محفظة صغيره
وهنا المحفظة جاهزه نحطها في شنطتي اليدوية
...
ثالثا :
وبالنسبه للملابس اذا كان مشواري حيطول او
فيه لعب وممكن تتوسخ ملابسها ,,
اخذ لها شي عملي وصغير اقدر ارتبه بشكل صغير
واحطه في كيس نايلون واحطه في شنطتي اليدويه ..
..
وهذي اغراضي اللي دايم احرص عليها في اي مشوار قريب ..
اتمنى تكون فيه فائده ولو بسيطه
ودي لكم ..
ام تالين
روووووووووعة