طباخة تحت التدريب (الفزعة السمك اختفى من المقلاه)

السلام عليكم اخت توتو2002
اول شي الطريقة غلط
لازم اول شي بعد مايفك السمك من الثلج تنظفين سمك بعدين اتحطين الملح من الداخل والخارج لمده ربع ساعة
بعدين ينغسل ويتبل بالثوم والليمون والكركم وتخلينه ساعتين بالثلاجة
وبعدين تغسلين وتحطين عليه بهارات من الداخل والخارج وتحطين طحين عليه من كل جانب حطين بالزيت
وبالعافية,,,,,,,,,

توتو2002
كيف حالك ياعسل
شوفي انا اغسل السمك أول ما يجيبه زوجي ( طبعا يجيبه منظف خلاص )بالدقيق والملح وافركه عشان تطلع منه الريحة
وبعدين اثلجه وغذغ طلعتيه من الفريزر او حبيتي تقليه في وقته
انا اتبله بملح وفلفل اسود وكمون وثوم مدقوق ولو حبيتي كركم من الداخل والخارج
والزيت يكون متوسط الحرارة يعني ما ينفع نار هادية ولا حتى نار عالية
ولو يكون عندك مقلى تيفال او من النوع اللي ما يلصق يكون افضل
واول ما يتحمر الوجه الأول ويتقمر شوي اقلبيها على الوجه الثاني
وانا اشوف بعض الناس يحطون دقيق خصوص للسمك الصغير عشان ما ينهري وقت القلي بس اناشخصيا ما استخدم ..
وعليكم بالعافية ..

قرقورة ..

اول شئ 25 دقيقه لقلي السمك اشوووفه كثير جدا خصوصا اذا الزيت حار

واذا بهرتي السمك باالخل يمكن هذا السبب الي فتت السمك


شووفي وين الخطأ اللي سويتيه وتلافيه المره الجايه

ومافيه احد طلع من بطن امه متعلم

كلنا نتعلم من بعض:27: :27: :27: