حياكم الله وراح انزلكم 3 اصناف من يدي يارب تعجبكم وبعدها بنزلكم الباقي اذا عجبتكم طبخاتي :26:
اول شي راح انزل يخنة امي السريعه واللذيذه الرائعه واكيد راح تعجبكم وتريحكم كل من ذاقها انهوس ريحه وطعم
رائع .. ويلا مع المقادير وطبعا انا مو معتمده على مقادير معينه لا على حسب الحاجه بقدر يعني مثلا اليوم
سوي دجاجه قطعيها كيف ماحبيتي واغسليها تمام وبعدين في الضغط حطي زيت زيتون مقدار فنجان وفوقه الدجاج
ولما يتحمر شوي حطي البصل وانا هنا مستخدمه نوعين بصل عادي وبصل اخضر يخلي الطعم روعه
وقلبيه لين يتحمر وحطي عليه ثوم زي ماهو من غير دق بس قشريه واغسليه الكميه الي تحبيها انا بحط كبش ثوم كامل
بعدين حطيت قرن فلفل وزنجبيل مبشور مع شوي جزر مبشور لاتكثرين جزر واذا حبيتي بدون بيطلع حلو كمان وحطي بهار صحيح هيل ليمون اسود قرفه ورق غار واي بهار صحيح تحبيه وحطي ملح و بهار مشكل وفلفل اسود وكمون مطحون وشوي ليمون اسود مطحون
وكركم بالنسبه لي بستخدم بهار مخملي اجيبه من عند وحده تاجره ماشاء الله لي سنه استخدمه روعه يخلي الاكل وحطي مويا حوالي كوب صغير
بعدين ارمي بطاطس مقطع حلقات كبيره زي ما انتي شايفه واكبسي قدر الضغط لمده 10 دقايق
والنتيجه واااااااااااااااااااااااااااااااااو الف ماشاء الله تبارك الله
وهنا قدمته مع الرز .. بس مازينته لاني حطيت لزوجي واخوه وارسلته لهم الاستراحه
والف صحه وهنا .......... انتظروني
هالطريقه السهله وكل مره بغير بالمقادير على راحتي
اول شي نجهز الصوص والباشميل ونسلق الباستا ..
عادي زي اي صوص بيتزا طماطم بالخلاط مع بهار واوريقانو وشوي صلصه وملح
الباشميل هنا ثقل معاي شوي بس عادي لانه راح ينطبخ ويذوب بالباستا واهم شي بالبشاميل انه تحطي معاه جبنه سايله
يطلع لذيذ وله نكهه ..
واي نوع مكرونه بتحبيه ..
طبعا نسيت اقول تجيبي دجاج فيليه وتقطعيه شرايح طوليه او زي ماتحبي وفي الطاوه تحطي شوي زيت وتقلبي فيه
الدجاج حتى يبيض وحطي شوي خل يمي تطلع روعه وبعدين البصل واكيد البصل نوعين عادي واخضر انا بحبه في اغلب طبخاتي وحطي من اي بهار يحبه قلبك
بعدين حطي خضار مقطعه طوليه حسب الرغبه انا مره حطيت كوسى مع الجزر والفلفل بس زوجي مايحبها واستبعدتها
هالمره بس تطلع لذيذه وممكن كمان تحطي زهره
سكبت عليها الصوص وزدتها ملح وبهار وشوي ليمون اسود مطحون
وهنا صارت جاهزه والريحه تدوخ والبخار طالع من الصوره خخخخخخخ
هنا وعافيه
وهنا صوره لخبزتنا اهل الجنوب الحامضه ( خمير ) راح افرد لها موضوع ان شاء الله دعواتكم لي
لا تنسون التقييم ياحلوات ..