مازلت مش عارفة شو تسوين وريلج ياي في الطريق ومعاه ضيوف...
بسرعة اركضي ولعي الفرن على 350 وشمري الأيادي لأن ضيوفج اليوم بياكلون صحونهم من لذة شغلج :)
المقادير:
نص كوب سكر ناعم
ثلاثة أرباع كوب زبدة في حرارة الغرفة
كوب وثلاثة أرباع دقيق
نص م ص BP
2 م ص كاكاو مسحوق
2 صفار بيض

الطريقة:
اخلطي السكر والزبدة بالخفاقة ثم حطي الدقيق والبيكنج باودر BP وصفار البيض واعجني باليد..
افصلي نصف العجينة واخلطيها بالكاكاو
يكون الناتج نص حبات بتيفور أبيض والنص الباقي كاكاوي..
شكلي العجينة مثل ما تحبين ودخلي الفرن حوالي 10 دق أو حتى تشقر..
طلعي وخلي البسكويتات تبرد ورشي سكر مطحون ، سكر وقرفة، أو لا ترشين شي..
ممكن تلصقين الحبات بالمربي الفراولة أو البرتقال
ممكن تلصقين الحبات بالنوتيلا السائلة
ممكن بزبدة الفول السوداني يعني إنتي واللي يعيبج ... بس بعدين ممكن ترشين فستق مطحون أو سكر مطحون وبالعافية
وللأسف ما أقدر أدخل صورة..

تسلم يدينك والله يجعلك قرة عين لزوجك آآآآآآآآمين

يعطيك العافية عجبني التوقيع

واو جهد تشكرين علية
جاية متأخرة بس اقبلي ردي بليززز

تسلم ايدك