طبخات تناسب وضع أمي الصحي""من تساعدني؟

والله وانا أقرأالموضوع اني في قمة السعاده ..

الله يبارك فيك ويجعل ماتسويه مع والدتك في موازين أعمالك يأرب ..

والله لايحرمك الاجر..

والله بصراحه ماعندي فكره بس أعرف كبار السن يحبون الرز الابيض +زبادي قليل الدسم أو منزوع

ممممممم ..سليق ..

جريش..

ممكن كاس حليب +شابوره أو ساندوتش وتغمس ..طبعاًعشاء أوفطور

ممكن شوربه وفيه أنواع كثيره ..وطبعاًتخففين الزيت ..

وفيه عجوزمن أهل زوجي فطورها كل يوم كورن فليكس ههههههه مودرن ..

وممكن تشوين لها دجاج ..أو سمك تبلينه وتحطينه بالفرن ويطلع والا أحلى ..وطبعاًتبتعدين عن اللحوم الحمراء,,

ممكن عصيده ..يحبونها الكبار..

وبس ياقلبي هذا اللي عندي وأتمنى أكون ساعدتك ولو بالقليل ..

لا تنسيني من دعواتك ..

موفقه ..

ماتشوف شر امك...والله يمتعها بالصحة والسلامه ...ويرزقها برك ويرزقك رضاها...



شوفي جيبي جزر وكوسة وفاصوليا وزهرة وبروكلي قطعيها طولي وحطيها بصفايه وحطيها بقدر فيه ماء مغلي وخليها ثلث س تقريبا
حلوة وصحية لازيت ولا بهارات الا ان بغيتي ملح وفلفل اسو

جيبي فيليه دجاج ودخليه بكيس واضربيه علي خفيف بشي ثقيل عشان ينفرد معك ويصير رهيف تبليه بملح خفيف وفلفل اسود وشوحيه بالنار في مقلايه تيفال
او اخلطي بصل وثوم وفلفل اسود وملح خفيف خل ثم نقعي الصدور وبنفس الطريقة او بصينيه بالفرن

فيليه سمك اطبخيه طريقة الدجاج وحطي معاه رز ابيض

وبالنسبه للحم انسب شي لحمة الجمل واشوف وحدة من الاقارب تطبخ اللحمة واذا استوت شالتها من مويتها وحطت علها مويه جديدة وكبست عليها...

http://forum.hawaaworld.com/showthread.php?t=1146409

الله يشفيها ويخليها لكم والله يجزاك الجنه على اهتمامكم وبرك فيها

ممكن تسوين لها صياني في الفرن للخضار والدجاج وتنوعين فيها كل مره غيري التتبيله والخلطه اللي عليها

ممكن بس تتبلين الدجاجه بخل وشوية ملح وفلفل ورشة بهارات وتقصدرين الصينيه وفي الفرن تاخذ ساعه وسوي

معها رز ابيض او خبز وممكن تنوعين لها في السلطات وشوربات الخضار والا اذا ينفع لها مكرونه مسلوقه وتحطين لها

وجه دجاج محموس مع بصل وطماط وممكن تضيفين له خضار مبشور وممكن سليق وجريش ومطازيز اتوقع تنفع لها

وممكن تسوين لها مراصيع وتبلينها بحليب او كشنة طماط ونوعي لها في الايدامات وبعض المرات اضيفي لها دجاج

والله يوفقك ويخليك لها ويخليها لك ويشفيها ويحفظها يارب

(سكر وضغط وكلسترول)

لا تستخدمين لاكلها الا زيت الزيتون لانه مفيد وغير ضار مثل الزيوت الاخرى

الله يجزاك خير على برك وهذا المفروض على كل مسلم يحب الله ورسوله

برو آبائكم تبركم أبنائكم

سوي معجنات من دون مايكون بالعجينه( سكر )مناسب لها والافضل بدقيق البر او مخلوط