خواتي حبيباتي هذا اول موضوع لي بالموقع وحبيت افيدكن معي لانه فعلا حسيت الكل يبذل مجهود يشكر عليه وحبيت اجازيكن..
هذي الطبخه من احب الطبخات لنفسي لكن ما اسويها كثير لانه يبيلها شغل ..
الطبخة هذي اذا الله ما خيبني اصلها تركي نظرا لاسمها الغريب شيشبراك..
بسم الله نبدا
اول شي لازم تعجني عجينه عاديه انتي معتاده عليها او خذي مقادير عجينتي استخدمها لاغلب المعجنات والبيتزا وووو...
مقادير العجينه:
٥ كوب طحين
٢ م ك خميره
م ك سكر
رشه ملح
ربع كوب زيت
وتعجنيها بالماء بصراحه تقديري يعني ما اقدر اقول لك كم كوب ماء..
كل ما بغيتي المقدار يقل صغري حجم الكوب اللي تستخدميه يعني انا عيلتي صغيره اعير الطحين بكوب صغير..
بعد ما تعجنيها تتركيها بعد ما تغطيها بكيس بمكان دافئ جنب الفرن مثلا تقريبا ساعه حتى تتضاعف..
نخليها على جنب ونجهز الحشوه
الحشو عباره عن :
لحم خروف مفروم كميه معقوله وانا بوريكي الكميه اللي استخدمتها وكفت ٤ اشخاص
بصلتين
بقدونس
ملح-فلفل-قرفه-كمون
زيت للطبخ
يالله نبدا
بقدر حجم وسط نحط زيت ونحمس فيه ٢ بصل مفروم ناعم حتى يشقر لونه وفوقه نحط اللحم ونحركه حتى يستوي ثم نحط فوقه البهارات طبعا تقدير الموضوع.
لما يستوي اللحم حطي فوقه كميه من البقدونس مفروم ناعم ونحرك الحشوه
ذوقيها واتاكدي من طعمها حتى ما تنصدمي بالنهايه تكون نافصه ملح.
الحين الحشوه جاهزه خلونا نشوف العجينه اذا نفشت نبدا شغل
الحين تمد العجينه على سطح مليان طحين بس الوجه الثاني اللي فوق حطي عليه شويه طحين لا تكثري حتى نقدر نطبقها على بعض والطحين يمنع الالتصاق
بعد ما نمد العجينه نجيب كاسه شاهي فمها كبير شوي ونقطع العجين دوائر
ونجيب الحشوه ونصفيها من الزيت (لا ترمي الزيت احتفظي فيه لبعدين) ونحط كميه قليله داخل الدائره
نسكرها بالطريقه هذي
ونلف الطرفين الحادين ونشبكهم ببعض وهذا الشكل اللي بيطلع لنا
ونبدا نصفهم على صينيه مرشوشه طحين حتى لا يلصقون ببعض
لما نخلص غطيهم بمنشفه نظيفه وتعالي نبدا نعمل اللبن..
اللبن يحتاج الى:
واحد الى ٢ كيلو لبن زبادي والافضل يكون تركي
بيضه
ملعقه نشا مذوبه بشويه مي بارد
الحين نحط اللبن كله بقدو كبير ونحط البيضه مع اللبن ونحركهم بسرعه بالخفاقه اليدويه ونشغل النار تحتها وتكون النار على اعلى شئ(قويه)..
ونحرك ونحرك ونحرك حتى تبدا الفقاقيع تبين باللبن ويبدا اللبن بالغليان على طول نصب النشا عليه ونحركه بسرعه فنلاقي اللبن ثخن شوي.
ابدآي بوضع العجينه المحشيه باللبن وحده وحده الى ان يمتلئ القدر..
غالبا يكون في زيت باقي من الحشوه جيبيه وصبيه في اللبن حتى ياخذ نكهة الحشوه..
تخليها تطبخ على نار وسط مائله الى الصغر وتخليها تغلي تقريبا نص ساعه او ثلث ساعه..
بتلاحظين انه العجين بدا يشرب اللبن والطبخه تستوي..
اخر تشطيبه للشيشبراك هو قلبي سن واحد ثوم بشويه زيت ولما يتحمر حطي عليه كميه كزبره مفرومه ناعمه وحطي ملح وصبيها فوق الطبخة..
وبكذا نكون انتهينا وبالف صحه وهناااااا على قلوبكم..
بعض الناس يحبونه لوحده والبعض يقدمه مع رز (مثلي) ويقدم بارد او ساخن لكن افضله ساخن..
آرائكم وتشجيعكم..
تقديم اختكم بارقة
الله يعطيك ألف عافيه
ويسلم أيدينك