أنا عضوه جديده بالمنتدى اتمنى انكم ترحبون فيني وتقبلوني :a_smil17::a_smil17:
فديتكممممممم :biggrinlo
اكد استغربتوا اسم موضوعي الجميل صح!؟
خلوني اقولكم شنو القصه
هذي الله يسلمكم ويخلكم لعيالكم وازواجكم واهلكم وكل من تحبون
رفيجتي تمووووووت بالاكل الاسيوي,وكل دايم تقول بليز ياأم عهود تسوين لي مكرونتج الزينه
وتعرفون انا طيوبه مااقدر ارفض لفريجتي طلب,وكل مازارتني اسويها لها على طلبها
"فديتهااااا ياناس"
المهم انه زوجي شافني كل دايم اطبخها قال شنو هذي الطبخه خوووش طبخه
ايش اسمها؟؟
بعدين انا بسرعة بديهه قلت هذي اسمها مكرونه روانووه
قلي اما جذي اسم الطبخه؟؟؟!
قلت ايه جذي ليش مو عاجبتك!! قال لالا حلوه وايد واسمها كمان
جنه هني اشتغل عندي الغيره وقلت منو الحلوه الطبخه والا الاسم
جان يتدوكر وقالي اكيد الطبخه ومن ادينك..:biggrinlo وه فديته
المهم ماطول عليكم
خلوني اعطيكم المقادير:
5 او 4 حبات اندومي اي نوع"تقدرين تزودين او تنقصين على حسب الكميه"
ملفوف مقطع شرائح طويله"حسب الكميه"
بصل اخضر مقطع شرائح طويلة "حسب الكميه"
جزرمبشور"حسب الكميه"
فلفل اخضر بارد "حسب الكميه"
بصل للحمس +ثوم
بعدين السر في الطبخه يكمن الصلصله:
1 ملعقه كبيره صلصله صويا حلوة "اللي تكون ثقيله"
1 ملعقه كبيره صلصلة صويا مالحه "اللي تكون خفيفه وسايله"
1 ملعقه كبيره خل ابيض
1 ملعقه صغيره صلصلة سبايسي اي نوع تفضلينه
1 ملعقه صغير زنجبيل مبشور
نص عصير ليمونه
2 او 3 ملاعق كبيره مويه شرب
1 ملعقه صغيره عسل
تخلطينها سوا وتخلينها على جنب
هذي المقادير
بعدين تجيبين قدر كبير وتخلطين الخضار تحطين طبعا اول شي البصل والثوم للحمس وبعدها البصل الاخضر
والفلفل الاخضر لانهم يحتاجون يذبلون شوي وبعدها تحطين الملفوف وبعده الجزر
جذي يصيرون
بعدين تخلينهم لين يذبل الخضار ويصير لين وتخلينه على جنب,وبعدين تسلقين الاندومي وتشخلينه من المويه
اذا زان بعدين تحطينه فوق الخضار وتخلطينهم سوا.
زانتي تخلطين البهار اللي مع الاندومي لاترمينه استفيدي منه وحطيه فوق الخضار والاندومي
وبعدين اذا حسيت انه اختلطوا سوا صبي عليه الصلصلة واخلطيهم شوي لاتكثرين بس لحد مايتشرب
الاكل الصلصله
وبعدين النهايه قدميه بافكارك الجميله :biggrinlo:biggrinlo
اتمنى تعجبك وبالهناء والعافيه يارب:biggrinlo
ادعوا لي:biggrinlo
