طبخة طريقتها غريبة وسهلة ولذيذة وممتازة للعزائم ( البقشة )

عزيزاتي
هذه اسهل طبخة وصدقوني طعمها جنان ومتازة جدا جدا جدا للعزائم
دائما اعملها لو عندي عزومة ( رجال ) في الغالب
ما اطول عليكم واقولكم قصة حياتي ادخل في الموضوع على طول :

هي عبارة عن رز (ولحم او دجاج ) زي ما تحبوا

اولا : نطبخ الرز ابيض عادي ولااااااااااااازم يكون ناجح وجاهز للاكل :
نحط لموية الرز قليل زيت وليمون اسود وقرفه حبوب وطبعا ملح وننتظر الرز الى ان ينضج

ثانيا : على ما ينضج الرز نقوم بالتالي :
* نجيب قدر وقصدير
* نقطع قطعتين مستطيلة طويلة من القصدير ونحط الاولى في قاع القدر بحيث نغطي اطراف القدر و قاعه
ونزيد والثانيه نحطها فوق الاولى ولكن على شكل زائد + ( يا رب تكونوا فهمتوا عليه ) ما اعرف فن التصوير
يعني ببساطه نعمل شكل زائد بالقصدير + ويكون في زياده في القصدير
* نقطع بصل شرائح ونحطه في قاع القدر و ممكن تقطعي بطاطس زي ما بتحبوا وتحطيه مع البصل

ثالثا : نجيب اللحم ونتبله باي تتبيله تحبيها للفرن انا طريقتي :
ثوم مع الكمون و الكزبره وقليل فلفل اسود وملح وقليل خل ابيض وهيل طبعا كل البهارات مطحونة وازود
الكمون عن الباقي
رابعا : احط اللحم في القدر فوق البصل
خامسا : وهنا المفاجأة ::cook:وسر الطبخة
* نضع الرز الناجح فوق اللحم او الدجاج الني
* ونرش فوق الرز قليل زيت
* وايضا قليل كمون مطحون
* وانثر في الاخير قليل زعفران علشان يعطي لون جميل
سادسا :اغطي الطبخة بباقي القصدير الزياده الموجوده على الاطراف ومن هنا نعرف سبب تسمية هذه الطبخة
بالبقشه لانها زي البقشه هههههههههههههههههههههه ان شاء الله تكونوا عرفتوا البقشه اللي هي قطعه
القماش اللي يحطوا فيها الثياب ويربطوها ويحملوها على راسهم ههههههههههه يا ريت اللي تعرفها تشرح معناها احسن من كذا:confused:
*نغطي القدر بغطائه وننساه على نار هادئة لمدة ساعتين للحم ساعة للدجاج:time:
ملاحظه هامه جدا : الرز لازم يكون ناضج لو حطيتيه نص نجاح او باقي على استوائه شوي صدقوني ما راح ينضج
انا اول مره سويته كنت خااااايفه ان الرز يصير زي السليق لانه حيقعد على النار فترة طويله ولان اللحم ني
بس ضبط وصار من ابدع ما يكون
وفي الاخير وقت الاكل نبعد الغطاء ونفتح القصدير من فوق ونجيب صينية كبييرة ونقلب القدر فوقها
ويا سلااااام حيكون الرز من تحت وفوقه اللحم طبعا انا كل مره يحترق عليه البصل ههههه بس معليش اكون مجهزة
الزبيب واللوز المحمص والصنوبر والبيض المسلوق وارشه من فوق اللحم
ويم يم يم على الطعم

سامحوني على الطريقه شكلي صعبتها عليكم بس صدقوني هي في الواقع سهله جدا ;)

يا ريت تجربوها وتقولولي رايكم